Mathay 19:28 - Nau Brah Ndu Ngơi 2023

²⁸ Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Bunong Bible Latin Script Cambodian dialect

²⁸ Brah Yêsu lah ma khân păng: “Gâp lah n'hêl nanê̆ ngăn ma khân may, nôk neh ntu rgâl mhe, nôk Gâp i Kon Bunuyh tă bơh Kôranh Brah gŭ ta rnơl kađăch Gâp i geh nau chrêk lơp, lah ndri khân may i lĕ tâng Gâp gŭ ta rnơl kađăch 12 ơ̆ đŏng, n'ho ma phat dôih lĕ bunuyh 12 mpôl rnoi deh phung Israel đŏng.

Bunong

²⁸ ឞ្រាស​យេឆូ  ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ នោក​នែស​នតូ​រាគ៝ល់​មហែ នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​គុ​តា​រានើល​កាដាច់​គ៝ប់​អី​គែស​នាវ​ច្រេក​លើប លាស​នទ្រី​ខាន់​មៃ​អី​លែៈ​តឹង​គ៝ប់​គុ​តា​រានើល​កាដាច់ ១២ អឹ​ដ៝ង់ នហ៝​មា​ផាត​ទោយ្ស​លែៈ​ឞូនុយ្ស ១២ មពោល​រាន៝យ​ទែស​ផូង​អីឆ្រាអែល  ​ដ៝ង់។

Mathay 19:28 Iomraidhean Croise

I Phung Hađăch 18:31

Y-Êli sŏk jât ma bar mlâm lŭ, tĭng nâm rnoh jât ma bar ndŭl mpôl phung kon bu klâu Y-Yakôb, jêng nơm Brah Yêhôva hŏ ngơi pô aơ: “Y-Israel mra jêng amoh săk may.”

II Nau Rêh Jêng 9:19

Klơ prao bak gung hao geh đŏng jât ma bar rup yau mŭr dâk ta bar đah nây. Mâu hŏ geh ôh ƀon bri hađăch êng ƀư sưng hađăch tâm ban pônây.

Êsra 6:17

Tâm nau rƀŭn nhhơr ngih brah aơ ma Brah Ndu, khân păng nhhơr du rhiăng mlâm ndrôk nkuăng, bar rhiăng mlâm biăp nkuăng, puăn rhiăng mlâm biăp kon, jêh ri tĭng nâm rnoh phung ndŭl mpôl Israel, khân păng ăt nhhơr jât ma bar mlâm be nkuăng ƀư ndơ ƀư brah chuai nau tih ma lĕ rngôch phung Israel.

Nau Ngluh Êjipt 15:27

Jêh nây, phung ƀon lan tât ta Êlim ta nây geh jât ma bar tu dak jêh ri pơh jât n'gâng tơm đung. Phung ƀon lan ndâk ngih bok ta meng n'hor dak.

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Nau Ngluh Êjipt 28:21

Lĕ rngôch lŭ khlay nây jêng jât ma bar găr, tĭng nâm amoh phung kon bu klâu Y-Israel; ăp găr lŭ khlay bu chrăk amoh du tâm jât ma bar ndŭl mpôl phung Israel, tâm ban bu chrăk ndơ tâp pŏng nây đŏng.

Êsai 65:17

“Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Kan Lêvi 24:5

“Sŏk hom rnih môi, gŭch jât ma bar mpơng piăng let, ăp mpơng nhueh jâk bar kilô,

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Mathay 19:27

Y-Pêtrôs lah pô aơ: “Hơi Nơm Nti, hên chalơi lĕ rngôch ndơ gay tĭng May, pôri moh ndơ hên mra geh?”

Mathay 20:21

Păng ôp: “Moh nau ay ŭch?” Bu ur nây lah: “Dăn ma phung kon bu klâu gâp ta aơ, du huê gŭ pa ma, du huê gŭ pa chiau Kôranh Brah, tâm ƀon bri hađăch May.”

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Markôs 10:37

Khân păng lah: “Nôk Nơm Nti dơi geh nau chrêk rmah, dăn ăn hên gŭ du huê mpeh pa ma May jêh ri du huê mpeh pa chiau May.”

Kôranh Oh Mon 3:21

Nơm nây mra dơi prăp klơ trôk kŏ tât rnôk lĕ rngôch ndơ njêng tay, tâm ban Brah Ndu hŏ lah ma bâr mbung phung nơm mbơh lor kloh ueh ntơm bơh rbăn năm kăl e.

II Timôthê 2:12

Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

Yôsuê 3:12

Pônây săch hom jât ma bar nuyh bơh phung ndŭl mpôl Israel, ăp ndŭl mpôl du huê.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Nau Tâm Mpơl 11:16

Bar jât ma puăn nuyh phung kôranh bu ranh dôl gŭ ta sưng hađăch tanăp Brah Ndu, khân păng păn ta neh, yơk mbah ma Brah Ndu,

Nau Tâm Mpơl 12:1

Jêh nây geh du nau mbên khlay toyh mpơl ta klơ trôk: Du huê bu ur geh nau nkŭm păng nơm ma nar, jâng păng dâk ta klơ khay, bôk păng ndô đon hađăch geh jât ma bar mlâm mănh mbing.

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.

Nau Tâm Mpơl 21:5

Nơm gŭ ta sưng hađăch lah: “Aơ, Gâp mra ƀư mhe lĕ rngôch ndơ.” Păng lah tay: “Nchih hom, yorlah lĕ nau ngơi aơ jêng nau khư rnơm nsing jêh ri nanê̆ ngăn.”

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.

Nau Tâm Mpơl 4:4

Jŭm sưng hađăch nây gâp saơ bar jât ma puăn mlâm sưng hađăch êng, klơ sưng hađăch nây geh bar jât ma puăn kôranh bu ranh gŭ, nsoh ao nglang, bôk ndô đon hađăch ma mah.

Nau Tâm Mpơl 7:4

Gâp tăng rnoh bunuyh geh tâp pŏng jêng: Du rhiăng puăn jât ma puăn rbăn nuyh. Phung bunuyh geh tâp pŏng ntơm bơh lĕ rngôch phung ndŭl mpôl Israel: