Mathay 19:21 - Nau Brah Ndu Ngơi 2023

²¹ Brah Yêsu lah: “Tơlah may ŭch dơi nŭm rĭng, hăn hom, tăch lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk; jêh nây văch hom tĭng Gâp.”

Bunong Bible Latin Script Cambodian dialect

²¹ Brah Yêsu lah ma păng: “Lah may ŭch jêng sŏng dŭt ueh ngăn, ăn may tăch hŏm dâng lĕ drăp ndơ may geh, pă ăn ma mpôl o ach, ndri mơ may geh ndơ khlay ta ƀon ueh ta kalơ, jêh ri hăn tâng Gâp.”

Bunong

²¹ ឞ្រាស​យេឆូ  ​លាស​មា​ពាង់៖ “លាស​មៃ​អុច​ជេង​ឆ៝ង់​ទុត​អ្វែស​ងាន់ អ៝ន់​មៃ​តាច់​ហ៝ម់​ទឹង​លែៈ​ទ្រាប់​នទើ​មៃ​គែស ពាៈ​អ៝ន់​មា​មពោល​អ៝​អាច នទ្រី​មើ​មៃ​គែស​នទើ​ខ្លៃ​តា​ប៝ន​អ្វែស​តា​កាលើ ជេសរី​ហាន់​តឹង​គ៝ប់”។

Mathay 19:21 Iomraidhean Croise

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 6:9

Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 19:20

Bu klâu ndăm nây lah: “Gâp tông prăp jêh lĕ rngôch nau vay nây, moh nau gâp ê hŏ geh đŏng?”

Mathay 19:22

Dôl bu klâu ndăm tăng nau ngơi nây, păng du sĭt tâm nau rngot, yorlah păng geh drăp ndơ dŭt âk.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Mathay 4:19

Brah Yêsu lah khân păng: “Tĭng hom Gâp, Gâp mra ƀư ăn khân may plơ̆ jêng nơm seng jal bunuyh.”

Mathay 5:48

Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Mathay 8:22

Ƀiălah Brah Yêsu lah: “Tĭng hom Gâp, ăn bunuyh khĭt tâp bunuyh khĭt khân păng nơm.”

Mathay 9:9

Du tă bơh nây, Brah Yêsu saơ du huê bunuyh amoh Y-Mathiơ gŭ ta jrô riu pi; Brah Yêsu lah ma păng: “Tĭng hom Gâp.” Y-Mathiơ dâk, hăn tĭng Păng.

Markôs 10:21

Brah Yêsu uănh ma păng ma nau rŏng jêh ri lah: “May hôm pưt du ntil. Hăn hom, tăch lĕ rngôch ndơ may geh jêh ri tâm pă ma phung o ach, jêh nây may mra geh jay ndơ khlay klơ trôk; jêh nây văch hom tĭng Gâp.”

Markôs 2:14

Ta trong hăn, Păng saơ Y-Lêvi, kon Y-Alphê, dôl gŭ ta jrô riu pi jêh ri lah ma Y-Lêvi: “Tĭng hom Gâp.” Y-Lêvi dâk hăn tĭng Păng.

Markôs 8:34

Jêh nây, Păng kuăl phung ƀon lan jêh ri phung oh mon tât jêh ri lah: “Tơlah mbu nơm ŭch tĭng Gâp, ăn păng dun êng păng nơm, tuy si tâm rkăng êng păng nơm gay tĭng Gâp.

Luka 12:33

Tăch hom drăp ndơ khân may geh gay ƀư nau yô̆. Joi hom dŭng prăk mâu djơh mâu mŭnh jêh ri jay ndơ khlay mâu hŭch ta klơ trôk, ntŭk bunuyh ntŭng mâu dơi tât, nchiăr mbon mâu ƀư rai păng ôh.

Luka 14:33

Pônây lĕ, tơ lah mbu nơm tâm khân may mâu chalơi ma lĕ ndơ păng geh, păng mâu dơi jêng oh mon Gâp ôh.

Luka 16:9

Jêh ri Gâp lah ma khân may: Ăn dŏng prăk ndơ mâu sŏng gay ƀư mĭt jiăng, gay ma tât prăk ndơ nây lĕ jêh, khân păng mra rom khân may lăp tâm ngih n'ho ro.

Luka 18:22

Tơlah Brah Yêsu tăng nau nây, Păng lah: “May hôm pưt du ntil: Tăch hom lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk, jêh nây văch hom tĭng Gâp.”

Luka 5:27

Jêh nau nây, Brah Yêsu luh padih, saơ du huê bunuyh riu pi, amoh păng Y-Lêvi, dôl gŭ ta jrô riu pi, Păng lah ma nơm nây: “Tĭng hom Gâp!”

Luka 6:40

Oh mon mâu rlau lơn ma nơm nti ôh, ƀiălah tơlah oh mon dơi nti bêng tŏng, ri mơ mra tâm ban ma nơm nti păng.

Luka 9:23

Păng lah ma lĕ rngôch: “Tơlah mbu nơm ŭch tĭng Gâp, ăn păng dun khân păng nơm, ăp nar tuy si tâm rkăng khân păng nơm gay tĭng Gâp.

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Kôranh Oh Mon 2:45

Khân păng tăch mir, ngih jêh ri drăp ndơ khân păng, tâm pă ndrăng khân păng ăp nơm tĭng nâm nau ăp nơm ŭch.

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.