Mathay 18:8 - Nau Brah Ndu Ngơi 2023

⁸ Tơlah ti may mâu lah jâng may leo may ƀư tih, sreh hom jêh ri mƀăr lơi păng! Yorlah ueh lơn ma may rvĕn jâng mâu lah lŭt ti gay dơi lăp tâm nau rêh, ueh lơn ma may geh rĭng bar đah ti, bar đah jâng ƀiălah bu mƀăr tâm ŭnh n'ho ro.

Bunong Bible Latin Script Cambodian dialect

⁸ Lah say ti mâu lah jŏng khân ay may leo jan nau tih, koh mƀăr lơi ti mâu lah jŏng i nây. Ueh rlau ma gŭ rêh jât năp tay rong du ding ti mâu lah du ding jŏng dơm, jêh ri dơn nau rêh n'ho ro, ma đah ti mâu lah jŏng bar đah, jêh ri gŭ ta ntŭk i geh ŭnh hit n'ho ro.

Bunong

⁸ លាស​ឆៃ​តី​មោ​លាស​ជ៝ង់​ខាន់​អៃ​មៃ​លែវ​ជាន​នាវ​តីស ក៝ស​មអារ់​លើយ​តី​មោ​លាស​ជ៝ង់​អី​នៃ។ អ្វែស​រាលាវ​មា​គុ​រេស​ជឹត​នាប់​តៃ​រ៝ង​ទូ​ទីង​តី​មោ​លាស​ទូ​ទីង​ជ៝ង់​ទើម ជេសរី​ទើន​នាវ​រេស​នហ៝​រ៝ មា​ដាស​តី​មោ​លាស​ជ៝ង់​ឞារ​ដាស ជេសរី​គុ​តា​នតុក​អី​គែស​អុញ​ហីត​នហ៝​រ៝។

Mathay 18:8 Iomraidhean Croise

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Mathay 17:27

Ƀiălah gay mâu ƀư nau chêh prah ma khân păng, ăn may hăn ta dak mƀŭt chê̆ ndar ka, sŏk ka geh ndar lor lơn, pơk mbung păng, mra saơ du rêl prăk. Sŏk hom rêl prăk nây chê̆ pi ma Gâp nđâp ma may!”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Luka 14:33

Pônây lĕ, tơ lah mbu nơm tâm khân may mâu chalơi ma lĕ ndơ păng geh, păng mâu dơi jêng oh mon Gâp ôh.

Luka 16:24

Păng kuăl huy: ‘Hơi chô yau Y-Abraham, yô̆ nđach an gâp ƀă, njuăl Y-Lasar mbŭk nglau ti tâm dak gay nđik ta mpiăt gâp, yorlah gâp rêh ni dŭt hâu ngăn tâm mpiăt ŭnh aơ.’

Samƀŭt Pôl Njuăl Ăn Ma Phung Nsing Ta Ƀon Rôm 13:12

Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.

Nau Tâm Mpơl 20:15

Mbu nơm mâu geh amoh bu nchih jêh tâm ndrom samƀŭt nau rêh, bu mra klŭp păng tâm nglao ŭnh.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”