Mathay 16:27 - Nau Brah Ndu Ngơi 2023

²⁷ Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Bunong Bible Latin Script Cambodian dialect

²⁷ Nôk Gâp i Kon Bunuyh tă bơh Kôranh Brah plơ̆ văch nđâp ma nau chrêk lơp Bơ̆ Gâp nơm, ndrel ma phung tông păr Gâp, Gâp ndjôt ndơ nkhôm, mâu lah tê̆ dôih tâng nau jan kar du huê du huê săk.

Bunong

²⁷ នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​នអ៝ប់​មា​នាវ​ច្រេក​លើប​ឞឹ​គ៝ប់​នើម នទ្រែល​មា​ផូង​តោង​ពារ់​គ៝ប់ គ៝ប់​ញអោត​នទើ​ងខោម មោ​លាស​តេៈ​ទោយ្ស​តឹង​នាវ​ជាន​ការ​ទូ​ហ្វេ​ទូ​ហ្វេ​ឆាក់។

Mathay 16:27 Iomraidhean Croise

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nơm Nti 3:17

Gâp mĭn êng: “Brah Ndu mra phat dôih bunuyh sŏng srăng jêh ri phung djơh mhĭk, yorlah geh năng tâm nal ăn lĕ ntil nau, lĕ rngôch kan.”

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 7:27

Hađăch mra nhĭm vơl, phung kôranh chiă uănh mra nsoh nau klach, ti phung ƀon lan tâm n'gor bri râm sâr da dê. Gâp mra ƀư ma khân păng tĭng nâm nau khân păng gŭ ngao; Gâp mra phat dôih khân păng tĭng nâm khân păng hŏ ƀư tih. Rnôk nây, khân păng mra gĭt ma Gâp jêng Brah Yêhôva.’”

Daniel 7:10

Tanăp măt Păng, Du n'hor dak krong ŭnh hoch. Rbăn rbăn nuyh pah kan ma Păng Rmưn rmưn gŭ tanăp Păng Phung phat dôih ntơm phat dôih, Ndrom samƀŭt hŏ pơk jêh.

Sakari 14:5

Khân may mra nchuăt du tâm rlŭng ăp yôk Gâp, yorlah rlŭng yôk nây jong mra tât ta ntŭk Asal. Khân may mra nchuăt du nâm bu khân may hŏ nchuăt jêh nôk n'găr neh ntu tâm rnôk rô̆ Y-Usia hađăch n'gor Yuđa. Nôk nây, Yêhôva Brah Ndu gâp mra văch, jêh ri lĕ rngôch phung kloh ueh gŭ ndrel ma păng.

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Mathay 13:49

Nâm bu pônây lĕ ta nar lôch neh ntu, phung tông mpăr mra văch, tâm pă phung mhĭk bơh phung sŏng srăng,

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 26:64

Brah Yêsu plơ̆ lah: “May lah jêh nau nây. Ƀiălah Gâp lah ma khân may, pakơi aơ khân may mra saơ Kon Bunuyh gŭ mpeh pa ma Nơm Nau Brah jêh ri plơ̆ văch ta ndâr tŭk klơ trôk.”

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Markôs 14:62

Brah Yêsu lah: “Gâp yơh nây. Jêh ri khân may mra saơ Kon Bunuyh Gŭ mpeh pa ma Nơm Nau Brah, Jêh ri plơ̆ văch ta ndâr tŭk klơ trôk.”

Markôs 8:38

Yorlah mbu nơm prêng ma Gâp jêh ri ma nau Gâp ngơi tâm rnôk rô̆ văng tĭr tih mhĭk aơ, tâm ban lĕ Kon Bunuyh ăt mra prêng ma bunuyh nây, tơlah Păng ndrel ma phung tông mpăr kloh ueh văch tâm nau chrêk rmah Mbơ̆ Păng.”

Luka 21:27

Nôk nây lĕ rngôch bunuyh mra saơ Kon Bunuyh văch tâm ndâr tŭk ma nau dơi toyh jêh ri ma nau chrêk rmah toyh ngăn.

Luka 22:69

Ƀiălah ntơm aƀaơ tât kăndơ̆, Kon Bunuyh mra gŭ mpeh pa ma Brah Ndu Nơm nau brah.”

Luka 9:26

Yorlah tơlah mbu nơm mra bêk prêng ma Gâp jêh ri ma nau Gâp ngơi, Kon Bunuyh mra bêk prêng ma bunuyh nây tơlah Păng plơ̆ văch tâm nau chrêk rmah Păng, Mbơ̆ Păng jêh ri phung tông mpăr kloh ueh.

Yôhan 21:22

Brah Yêsu plơ̆ lah: “Lah Gâp ŭch bunuyh nây gŭ rêh tât Gâp plơ̆ văch, mpa kô̆ tât nau nây ma may? Bi may, tĭng hom Gâp.”

Yôhan 21:23

Pôri, geh nau nây bu tăng lư tâm phung oh nâu ma oh mon nây mâu mra khĭt ôh. Ƀiălah Brah Yêsu mâu mâp lah ôh ma Y-Pêtrôs pô aơ: “Bunuyh nây mâu mra khĭt ôh,” ƀiălah Brah Yêsu lah: “Lah Gâp ŭch ma bunuyh nây gŭ rêh tât Gâp plơ̆ văch, mpa kô̆ tât nau nây ma may?”

Kôranh Oh Mon 1:11

jêh ri lah: “Hơi phung Galilê, mâm ƀư khân may dâk n'gơr uănh ta klơ trôk ri? Brah Yêsu aơ Brah Ndu chông hao klơ trôk tă bơh phung khân may, Păng mra plơ̆ văch tâm ban ma khân may saơ Păng hao klơ trôk nây đŏng.”

Samƀŭt Pôl Njuăl Ăn Ma Phung Nsing Ta Ƀon Rôm 14:12

Tâm ban pônây, ăp nơm phung he mra mbơh kan he nơm đah Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 2:6

yorlah păng mra mplơ̆ ma ăp nơm tĭng nâm kan khân păng ƀư.

I Kôrintô 15:23

Ƀiălah ăp nơm tĭng dăp rep êng păng nơm: Brah Krist jêng play bôk yan; tât nar Brah Krist tâm mpơl, phung bunuyh jêng phung Păng mra dâk rêh tay.

I Kôrintô 3:13

ri mơ nau kan ndâk ăp nơm mra dơi tâm mpơl. Nar phat dôih mra ƀư rah vah nau kan ndâk nây; bu mra tâm mpơl păng tâm ŭnh, jêh ri ŭnh mra rlong uănh rnoh khlay nau kan ndâk ăp nơm.

I Kôrintô 8:8

Ndơ sông sa mâu ƀư ma he dăch lơn đah Brah Ndu ôh; tơlah mâu sa mâu đŏng mhĭk, bi lah sa mâu đŏng ueh lơn.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Êphêsô 6:8

yorlah khân may gĭt jêh geh tơ̆ jêng dĭk, geh tơ̆ jêng kon me, ăp nơm mra geh nau nkhôm bơh Kôranh Brah tĭng nâm nau ueh păng ƀư jêh.

Kôlôh 3:25

Mbu ƀư nau mâu di mra dơn nau plơng tĭng nâm nau mâu di păng hŏ ƀư jêh, mâu gŭ du ding ôh.

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

I Yôhan 2:28

Jêh ri aƀaơ, hơi phung kon jê̆, gŭ hom tâm Păng, gay nôk Păng tâm mpơl, he dơi geh nau nănh, mâu đit prêng tanăp măt Păng dôl Păng tât.

Yuđas 1:14

Yorlah phung bunuyh aơ, Y-Ênŏk jêng sau tâm tal pơh bơh Y-Ađam hŏ lah nau mbơh lor pô aơ: “Ri, Kôranh Brah văch jêh ma âk ngăn phung kloh ueh

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.