Mathay 16:24 - Nau Brah Ndu Ngơi 2023

²⁴ Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Bunong Bible Latin Script Cambodian dialect

²⁴ Jêh ri Brah Yêsu lah ma mpôl oh mon Păng: “Bu moh păng i ŭch tâng Gâp, ăn mƀăr lơi ndơ săk păng nơm ŭch, jêh ri tui si tâm rkăng păng nơm, bol lah tât khât săk kađôi, ri mơ păng tâng Gâp ngăn.”

Bunong

²⁴ ជេសរី​ឞ្រាស​យេឆូ  ​លាស​មា​មពោល​អ៝ស​ម៝ន​ពាង់៖ “ឞូ​ម៝ស​ពាង់​អី​អុច​តឹង​គ៝ប់ អ៝ន់​មអារ់​លើយ​នទើ​ឆាក់​ពាង់​នើម​អុច ជេសរី​តូយ​ឆី​តឹម​រាកាង់​ពាង់​នើម ឞ៝ល​លាស​ត៝ត់​ខឹត​ឆាក់​កាដោយ រី​មើ​ពាង់​តឹង​គ៝ប់​ងាន់”។

Mathay 16:24 Iomraidhean Croise

Mathay 10:38

Mbu nơm mâu tuy si tâm rkăng păng nơm tĭng Gâp, păng nây mâu khư ma Gâp ôh.

Mathay 27:32

Dôl khân păng hăn luh, khân păng saơ du huê bunuyh tă bơh ƀon Siren amoh păng Y-Simôn, jêh ri đă bunuyh nây tuy si tâm rkăng Brah Yêsu.

Markôs 10:21

Brah Yêsu uănh ma păng ma nau rŏng jêh ri lah: “May hôm pưt du ntil. Hăn hom, tăch lĕ rngôch ndơ may geh jêh ri tâm pă ma phung o ach, jêh nây may mra geh jay ndơ khlay klơ trôk; jêh nây văch hom tĭng Gâp.”

Markôs 15:21

Khân păng nchâp du huê bunuyh hăn rgăn trong tuy si tâm rkăng Păng. Bunuyh nây amoh Y-Simôn, bunuyh Siren, jêng mbơ̆ Y-Aleksandrơ jêh ri Y-Ruphus, văch tă bơh ƀon tơm.

Markôs 8:34

Jêh nây, Păng kuăl phung ƀon lan jêh ri phung oh mon tât jêh ri lah: “Tơlah mbu nơm ŭch tĭng Gâp, ăn păng dun êng păng nơm, tuy si tâm rkăng êng păng nơm gay tĭng Gâp.

Luka 14:27

Mbu nơm mâu tuy si tâm rkăng păng nơm tĭng Gâp, mâu dơi jêng oh mon Gâp ôh.

Luka 23:26

Dôl têk leo Brah Yêsu hăn, khân păng nhŭp du huê tă bơh ƀon Siren, rnha păng Y-Simôn, păng hăn hao tă bơh ƀon tơm, jêh ri khân păng nchâp păng tuy si tâm rkăng tĭng pakơi Brah Yêsu.

Yôhan 19:17

Brah Yêsu tuy si tâm rkăng hăn tât ta du ntŭk bu kuăl jêng Ntŭk Nting Bôk, nau ngơi Hêbrơ kuăl jêng Gôgôtha.

Yôhan 21:19

Brah Yêsu lah nau nây ŭch mbơh mâm nau Y-Pêtrôs mra khĭt gay ma tâm rnê Brah Ndu. Pakơi nây, Brah Yêsu đă ma păng pô aơ: “Tĭng hom Gâp.”

Yôhan 21:22

Brah Yêsu plơ̆ lah: “Lah Gâp ŭch bunuyh nây gŭ rêh tât Gâp plơ̆ văch, mpa kô̆ tât nau nây ma may? Bi may, tĭng hom Gâp.”

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Têsalônik 3:3

gay mâu geh du huê tâm khân may rdja nuih tanăp lĕ nau rêh ni aơ; yorlah khân may nơm hŏ gĭt jêh nây jêng nau nal lor ma he.

II Timôthê 3:12

Nanê̆ ngăn, mbu nơm ŭch gŭ rêh nau rêh klach yơk tâm Brah Yêsu Krist mra dơn nau bu ƀư mhĭk.

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;