Mathay 16:16 - Nau Brah Ndu Ngơi 2023

¹⁶ Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

Bunong Bible Latin Script Cambodian dialect

¹⁶ Simôn i bu kuăl Pêtrôs đŏng lah: “May Brah Krist i nơm rklaih tă bơh Kôranh Brah de njuăl, i kon Kôranh Brah, Brah i rêh ngăn.”

Bunong

¹⁶ ឆីមោន  ​អី​ឞូ​ក្វាល់​ពេត្រោស  ​ដ៝ង់​លាស៖ “មៃ​ឞ្រាស​ក្រីស  ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់ អី​ក៝ន​កោរាញ​ឞ្រាស ឞ្រាស​អី​រេស​ងាន់”។

Mathay 16:16 Iomraidhean Croise

Nau Mprơ Ơm 2:7

Gâp mra mbơh nau ntĭnh bơh Brah Yêhôva: Păng lah ma Gâp: “Kon jêng Kon Gâp; Nar aơ Gâp hŏ deh jêh Kon.

Nau Mprơ Ơm 42:2

Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Mathay 1:16

Y-Yakôp jêng mbơ̆ Y-Yôsep jêng sai H'Mari; H'Mari deh ma Brah Yêsu, kuăl jêng Brah Krist.

Mathay 14:33

Phung gŭ tâm plŭng chon mon mbah Păng jêh ri lah pô aơ: “May jêng Kon Brah Ndu nanê̆ ngăn!”

Mathay 16:15

Păng lah pô aơ: “Mbu Gâp jêng khân may lah?”

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

Mathay 27:54

Nôk kôranh tahan jêh ri phung tahan chiă Brah Yêsu, saơ n'găr neh ntu ndrel ma lĕ nau tât geh jêh, khân păng klach krit dŭt hâu ngăn jêh ri lah: “Nanê̆, Bunuyh aơ jêng Kon Brah Ndu.”

Mathay 4:3

Nơm ndơm hăn dăch, lah ma Păng: “Tơlah may jêng Kon Brah Ndu, đă hom lŭ aơ plăch jêng piăng let.”

Markôs 14:61

Ƀiălah Păng gŭ rklăk, mâu plơ̆ lah du nau ôh. Kôranh ƀư brah toyh lơn ôp tay: “May jêng Brah Krist lĕ, Kon Brah Ndu Nơm Khư Bu Tâm Rnê?”

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 11:27

H'Mathê plơ̆ lah: “Hơi Kôranh Brah, gâp chroh ma May jêng Brah Krist, Kon Brah Ndu, Nơm văch tâm neh ntu aơ.”

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 6:57

Tâm ban ma Mbơ̆ nơm gŭ rêh mro mrăng hŏ njuăl Gâp jêh, jêh ri Gâp gŭ rêh yor Păng, pôri lĕ, mbu nơm sa nglay săk Gâp mra rêh yor Gâp.

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Yôhan 6:69

Hên lĕ chroh jêh ri lĕ gĭt năl Kôranh Brah jêng Nơm Kloh Ueh tă bơh Brah Ndu.”

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Kôranh Oh Mon 9:20

Y-Sôl gŭ bar pe nar ndrel ma phung oh mon tâm ƀon Đamas. Păng ntơm mbơh nkoch ro tâm lĕ ngih rƀŭn pô aơ Brah Yêsu jêng Kon Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

II Kôrintô 1:19

Yorlah Brah Yêsu Krist, Kon Brah Ndu, hên jêng Y-Silvan, jêh ri Y-Timôthê hŏ mbơh nkoch ta Păng nklang khân may, mâu ôh geh tơ̆ lah “Ơ” geh tơ̆ lah “Mâu” ôh, ƀiălah tâm Păng “Ơ” mro.

II Kôrintô 3:3

Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Vay Nkah Tay 5:26

Yorlah mbu nơm tâm phung bunuyh tăng jêh bâr Brah Ndu gŭ rêh mro mrăng ngơi tă bơh tâm nklang ŭnh nâm bu phung hên ƀiălah hôm rêh?

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

I Timôthê 4:10

He jâk jêr jêh ri tâm lơh ma nau aơ, yorlah he hŏ dơm nau kâp gân tâm Brah Ndu rêh, jêng Nơm Tâm Rklaih ma lĕ rngôch bunuyh, khlay ngăn ngên ma phung chroh.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

ហេឞ្រើ 3:12

Hơi phung oh nâu, njrăng hom, klach lah geh nơm tâm phung khân may geh nuih n'hâm mhĭk jêh ri mâu chroh kŏ tât chalơi Brah Ndu rêh.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

I Yôhan 4:15

Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

I Yôhan 5:5

Mbu nơm dơi jêh đah neh ntu, mâu di hĕ jêng nơm chroh ma Brah Yêsu jêng Kon Brah Ndu?

Nau Tâm Mpơl 7:2

Gâp saơ du huê tông mpăr êng văch tă bơh mpeh luh nar, păng djôt tâp pŏng tă bơh Brah Ndu gŭ rêh mro mrăng. Tông mpăr aơ bâr kuăl huy ktang ma puăn nuyh tông mpăr geh nau dơi ƀư mhĭk ma neh ntu nđâp ma dak mƀŭt