Mathay 14:31 - Nau Brah Ndu Ngơi 2023

³¹ Ƀât lât, Brah Yêsu yơr ti đŏt Y-Pêtrôs jêh ri lah pô aơ: “Hơi bunuyh geh djê̆ nau chroh, mâm ƀư may đing?”

Bunong Bible Latin Script Cambodian dialect

³¹ Brah Yêsu nta ti nhŭp ti păng ro, nđâp ma lah: “Ơ bunuyh geh nau nsing đê̆, mơm may mâu gŭ nâp ta nau nsing?”

Bunong

³¹ ឞ្រាស​យេឆូ  ​នតា​តី​ញុប​តី​ពាង់​រ៝ នអ៝ប់​មា​លាស៖ “អើ​ឞូនុយ្ស​គែស​នាវ​ញឆីង​ដេៈ មើម​មៃ​មោ​គុ​ន៝ប់​តា​នាវ​ញឆីង?”

Mathay 14:31 Iomraidhean Croise

Nau Ntơm 22:14

Y-Abraham kuăl ntŭk nây jêng “Brah Yêhôva Sâm Ăn.” Yor nây, nar aơ bu hôm lah: “Klơ yôk Brah Yêhôva nau nây mra dơi sâm ăn.”

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Mathay 14:30

Ƀiălah tơlah păng saơ sial khôm, Y-Pêtrôs klach ngăn, bơi ngâm tâm dak jêh ri nter: “Ơ Kôranh Brah, tâm rklaih gâp ƀă!”

Mathay 14:32

Tơlah Păng jêh ri Y-Pêtrôs hao jêh ta plŭng, phŭt sial gŭ klăk klêm.

Mathay 16:8

Brah Yêsu gĭt nau nây lah ma khân păng: “Hơi phung geh djê̆ nau chroh, mâm ƀư khân may nchră ndrăng khân may ma nau khân may mâu geh piăng let hĕ?

Mathay 17:20

Păng plơ̆ lah: “Yorlah khân may geh nau chroh djê̆. Gâp lah nanê̆ ma khân may: Tơlah khân may geh nau chroh nâm bu du găr trau, khân may dơi lah ma yôk aơ pô aơ: ‘Du hom tă bơh ntŭk aơ tât ta ntŭk ri’ du ro; jêh ri mâu geh ôh nau khân may mâu dơi ƀư!”

Mathay 6:30

Pôri, hơi phung bunuyh geh djê̆ nau chroh, tơlah kao gơ̆ tâm mir, nar aơ hôm rêh, ôi taơ bu mra mƀăr păng tâm ŭnh năk, ƀiălah Brah Ndu hôm ăn păng nsoh ueh kơt nĕ, rlau lơn ma khân may?

Mathay 8:26

Brah Yêsu lah: “Hơi phung geh djê̆ nau chroh ri, mâm ƀư khân may klach?” Păng dâk ro buay sial jêh ri dak mƀŭt, khân păng nsrŭng ro jêh ri rngân njup.

Markôs 1:31

Păng hăn êp, kuăn ta ti sâm rdâk păng dâk; păng mâu hôm nau ji kop jêh ri ntơm pah kan ma khân păng.

Markôs 1:41

Brah Yêsu geh nau yô̆ nđach, yơr ti pah ta bunuyh nây jêh ri lah: “Gâp ŭch, kloh hom.”

Markôs 11:23

N'hêl nanê̆, Gâp mbơh ma khân may, mbu nơm lah ma yôk aơ: ‘Pư hom, jêh ri klŭp tâm dak mƀŭt,’ tơlah bunuyh nây mâu geh nau đing ôh tâm nuih n'hâm, ƀiălah rnơm ngăn nau păng lah mra tât, bu mra ăn tât ngăn ma păng.

Markôs 16:7

Hăn hom, mbơh ma phung oh mon Păng jêh ri Y-Pêtrôs pô aơ Brah Yêsu lĕ hăn tât ta n'gor Galilê lor ma khân may. Ta nây, khân may mra saơ Păng nâm bu Păng hŏ lah jêh ma khân may.”

Markôs 4:40

Jêh nây Păng đă phung oh mon: “Mâm ƀư khân may klach hâu ir kơt nây? Mâu geh nau chroh ƀơh?”

Markôs 5:41

Brah Yêsu kuăn ta ti kon se jêh ri lah: “Talitha kum”; nâm bu ntĭt: “Bu ur jê̆ ơi, Gâp lah ma ay dâk hom.”

Luka 24:34

jêh ri lah: “Kôranh Brah dâk rêh tay ngăn jêh ri tâm mpơl jêh đah Y-Simôn!”

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!