Mathay 13:52 - Nau Brah Ndu Ngơi 2023

⁵² Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Bunong Bible Latin Script Cambodian dialect

⁵² Brah Yêsu lah tay ma khân păng: “Dâng lĕ phung nơm nti nau vay bân, i nti tâng nau Gâp nti ma nau Kôranh Brah mât uănh bunuyh, păng tâm ntât tâm ban ma du huê bunuyh tơm jay, păng nglôh dâng lĕ drăp ndơ khlay păng nơm bơh ntŭk păng prăp, nđâp ma ndơ ơm ndơ mhe.”

Bunong

⁵² ឞ្រាស​យេឆូ  ​លាស​តៃ​មា​ខាន់​ពាង់៖ “ទឹង​លែៈ​ផូង​នើម​នតី​នាវ​វៃ​ឞ៝ន់ អី​នតី​តឹង​នាវ​គ៝ប់​នតី​មា​នាវ​កោរាញ​ឞ្រាស​ម៝ត់​អ្វាញ់​ឞូនុយ្ស ពាង់​តឹម​នតឹត​តឹម​ឞាន​មា​ទូ​ហ្វេ​ឞូនុយ្ស​តើម​ជៃ ពាង់​ងលោស​ទឹង​លែៈ​ទ្រាប់​នទើ​ខ្លៃ​ពាង់​នើម​ឞើស​នតុក​ពាង់​ព្រាប់ នអ៝ប់​មា​នទើ​អើម​នទើ​មហែ”។

Mathay 13:52 Iomraidhean Croise

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Êsra 7:21

Pôri, gâp jêng hađăch Artasersês ƀư du pŏk samƀŭt nau ntrŭnh ntăm ma phung kôranh djôt prăk tâm n'gor đah ri dak krong: Ăp moh ntil ndơ Y-Êsra, kôranh ƀư brah ăt jêng kôranh nchih samƀŭt gĭt rbăng ma nau vay Brah Ndu klơ trôk, dăn ma khân may, ăn khân may srôih ƀư bêng tŏng ma păng,

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nau Hôr 11:30

Play bơh bunuyh sŏng srăng jêng tơm si nau rêh, Bunuyh blau mĭn dơi njŭn leo âk huêng bu.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 18:4

Nau ngơi bơh trôm mbung kon bunuyh nâm bu dak jru ngăn ngên, Tu nau blau mĭn nâm bu dak n'hor hoch băm ler.

Nau Mprơ Ueh 7:13

Play pom bri ntô̆ ƀâu n'hôl ƀâu kah, Ta mpông he rơm ndrăp ăp ntil play kah Lĕ rngôch mhe nđâp ma ơm, Gâp gay prăp ăn ma may, nơm gâp rŏng!

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Mathay 13:51

“Khân may gĭt rbăng lĕ nau aơ?” Phung oh mon lah: “Ơ gĭt rbăng.”

Mathay 13:53

Lah Brah Yêsu nkoch jêh bri lĕ nau hôr nây, Păng hăn tă bơh ntŭk nây.

Mathay 23:34

Yor ri, Gâp njuăl phung nơm mbơh lor, phung blau mĭn, phung kôranh nchih samƀŭt văch ta khân may, ri mơ khân may mra nkhĭt jêh ri pâng kđĭn phung bunuyh nây ta si tâm rkăng, lơh dong ma mâng lĕ phung êng tâm ngih rƀŭn jêh ri ƀư mhĭk ma phung khân păng ntơm bơh ƀon aơ tât ta ƀon ri,

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Luka 11:49

Yor nây, nau blau mĭn Brah Ndu lah jêh: ‘Gâp mra njuăl ma khân păng phung mbơh lor jêh ri phung kôranh oh mon văch ta khân păng. Khân păng mra nkhĭt lơi ma bunuyh aơ, ƀư mhĭk ma bunuyh ri.’

Yôhan 13:34

Gâp ăn nau vay mhe ntăm ma khân may, ăn khân may tâm rŏng ndrăng khân may nơm. Tâm ban ma Gâp rŏng jêh ma khân may, ăn khân may tâm rŏng ndrăng khân may nơm tâm ban lĕ.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

Êphêsô 3:4

Dôl rŏ tât nau nây, khân may klăp lah dơi gĭt nau gâp gĭt rbăng ma nau khlay ndâp tâm Brah Krist,

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Kôlôh 1:7

Khân may nti jêh bơh Y-Êpapras, mĭt jiăng kan ndrel hên rŏng ngăn. Păng jêng bunuyh ntang an ma khân may ƀư bunuyh pah kan răp jăp ma Brah Krist,

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

I Timôthê 3:6

Du huê mhe chroh mâu dơi jan kôranh chiă uănh, klach lah bêng ma nau sưr ƀư ma păng tŭp tâm nau phat dôih prăp ma phung brah mhĭk.

Titus 1:9

djôt nâp nau khư rnơm nsing hŏ geh ntĭm nti jêh, gay dơi dŏng nau nti sŏng jêh ri ntĭm nti tâm ban đŏng mâu sŏk dơn ma phung tâm rdâng.