Mathay 13:21 - Nau Brah Ndu Ngơi 2023

²¹ ƀiălah tâm nuih n'hâm păng mâu geh reh ôh, păng gŭ rêh ƀât lât, tơlah geh nau rêh ni, mâu lah nau bu ƀư mhĭk tât yor nau ngơi; păng chalơi ro.

Bunong Bible Latin Script Cambodian dialect

²¹ Hon ueh du ƀlât dơm, nau Kôranh Brah mâu ôh hon reh ta nuih n'hâm păng nơm, ndri tât geh nau jêr êng êng, mâu lah bu jan jêr yor ma nau Kôranh Brah, păng mƀăr ro nau nsing.

Bunong

²¹ ហ៝ន​អ្វែស​ទូ​ប្ល៝ត់​ទើម នាវ​កោរាញ​ឞ្រាស​មោ​អោស​ហ៝ន​រែស​តា​នូយ្ស​នហ៝ម់​ពាង់​នើម នទ្រី​ត៝ត់​គែស​នាវ​ជេរ​អេងៗ មោ​លាស​ឞូ​ជាន​ជេរ​យ៝រ​មា​នាវ​កោរាញ​ឞ្រាស ពាង់​មអារ់​រ៝​នាវ​ញឆីង។

Mathay 13:21 Iomraidhean Croise

Ndrom Samƀŭt bơh Yôp 19:28

Tơlah khân may lah: ‘Mâm he mra hăn tĭng păng?’ Jêh ri: ‘Tơm nau mhĭk aơ luh tă păng nơm’;

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Hôr 12:12

Phung mhĭk hưp ma drăp ndơ geh tă bơh ndơ pit in, Ƀiălah tơm reh phung sŏng srăng mra geh kao play.

Nau Hôr 12:3

Kon bunuyh mâu jêng nâp ôh yor nau djơh mhĭk, Ƀiălah tơm reh ma phung sŏng srăng bu mâu geh n'gơ ôh.

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Mathay 10:22

Lĕ rngôch bunuyh mra tâm rmot ma khân may yor amoh Gâp, ƀiălah mbu nơm nâp nuih n'hâm tât lôch dŭt mra dơi rklaih.

Mathay 11:6

Ueh maak yơh ma mbu nơm mâu chêh prah ôh yor Gâp!”

Mathay 13:20

Grăp ntil tŭp ta neh lŭ jêng bunuyh tăng nau ngơi jêh ri sŏk dơn ro ma nau răm;

Mathay 13:57

Khân păng chêh prah yor Brah Yêsu. Ƀiălah Păng lah ma khân păng pô aơ: “Du huê nơm mbơh lor bu mưch ma păng knŏng tâm ƀon păng nơm jêh ri tâm ngih păng nơm.”

Mathay 13:6

Ƀiălah nôk geh nar luh, duh nđat păng kro ro, yorlah mâu geh reh.

Mathay 24:13

Ƀiălah mbu nơm nâp nuih n'hâm tât lôch dŭt mra dơi rklaih.

Mathay 26:31

Nôk nây, Brah Yêsu lah ma khân păng pô aơ: “Măng aơ lĕ rngôch khân may mra cha lôt yor Gâp, tâm ban geh nchih pô aơ: ‘Gâp mra lơh bunuyh rmăk biăp, Jêh ri biăp tâm phung biăp mra nchah rai pru pra.’

Mathay 26:33

Y-Pêtrôs ơh: “Nđâp tơlah lĕ rngôch chalơi yor May, gâp mâu mra chalơi ôh.”

Markôs 4:17

ƀiălah nau ngơi mâu sŏr reh tâm nuih n'hâm, knŏng rêh ƀât lât dơm; yor ri tơlah yor nau ngơi mâp nau rêh ni mâu lah nau bu ƀư mhĭk, khân păng cha lôt ro.

Luka 8:13

Lĕ grăp tŭp ta klơ lŭ jêng phung iăt nau Brah Ndu ngơi ma nau maak sŏk dơn ro, ƀiălah mâu geh reh ôh, chroh nsing knŏng ƀât lât, rĭ dĭng nôk geh nau rlong uănh khân păng tŭp.

Yôhan 6:26

Brah Yêsu plơ̆ lah: “Nanê̆ ngăn, Gâp lah ngăn ma khân may, khân may joi Gâp mâu di lah yor hŏ saơ lĕ nau mbên khlay, ƀiălah yor khân may hŏ sa piăng let tât hơm.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Galati 6:12

Lĕ bunuyh ŭch ƀư maak tĭng nâm nglay săk, srôih nchâp khân may dơn nau koh ntâu. Khân păng ƀư kơt nây gay ma khân păng mâu dơn nau bu ƀư mhĭk yor si tâm rkăng Brah Krist yơh.

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

II Timôthê 1:15

May gĭt jêh lĕ phung tâm n'gor Asi chalơi jêh gâp; tâm phung nây geh Y-Phigel jêh ri Y-Hêrmôgen.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.