Mathay 13:11 - Nau Brah Ndu Ngơi 2023

¹¹ Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Bunong Bible Latin Script Cambodian dialect

¹¹ Brah Yêsu ơh ma khân păng: “A lor nơh nau khlay Kôranh Brah mât uănh bunuyh hôm ndŏp mpôn, aƀaơ dja Kôranh Brah ăn ma khân ay may gĭt vât ndơ i nây. Lŏng khân păng Kôranh Brah mâu ăn.

Bunong

¹¹ ឞ្រាស​យេឆូ  ​អើស​មា​ខាន់​ពាង់៖ “អា​ល៝រ​នើស​នាវ​ខ្លៃ​កោរាញ​ឞ្រាស​ម៝ត់​អ្វាញ់​ឞូនុយ្ស​ហោម​នទ៝ប់​មពោន អាបៃ​អ្យា​កោរាញ​ឞ្រាស​អ៝ន់​មា​ខាន់​អៃ​មៃ​គឹត​វ៝ត់​នទើ​អី​នៃ។ ល៝ង់​ខាន់​ពាង់​កោរាញ​ឞ្រាស​មោ​អ៝ន់។

Mathay 13:11 Iomraidhean Croise

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 29:11

Yor ri ma khân may, nau tâm saơ ma lĕ rngôch nau aơ tâm ban ma lĕ nau ngơi nchih tâm ndrom samƀŭt bu hŏ tâp pŏng jêh. Tơlah bu njŭn păng ma du huê bunuyh gĭt rŏ jêh ri lah: “Rŏ hom ndrom samƀŭt aơ,” pôri păng mra plơ̆ lah pô aơ: “Gâp mâu dơi rŏ ôh yorlah bu tâp pŏng ndrom samƀŭt aơ jêh.”

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Mathay 13:10

Phung oh mon hăn dăch ôp Păng: “Mâm ƀư May ngơi ma khân păng ma nau hôr pônây?”

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 19:11

Ƀiălah Păng plơ̆ lah: “Mâu di lĕ rngôch dơi geh đŏng dơn nau aơ, ƀiălah knŏng phung bunuyh dơi ăn dơm.

Mathay 20:23

Păng lah ma khân păng: “Khân may mra nhêt kachok Gâp; ƀiălah nau dơi gŭ pa ma mâu lah pa chiau Gâp, mâu di Gâp nơm ăn nau nây. Tâm ntŭk nây prăp ma mbu nơm Mbơ̆ Gâp ndrăp lor jêh.”

Markôs 10:40

Ƀiălah nau gŭ mpeh pa ma mâu lah mpeh pa chiau Gâp, mâu di ôh êng Gâp geh nau dơi ăn, tâm ntŭk nây prăp ma phung bunuyh bu nkra jêh.”

Markôs 4:11

Păng lah: “Nau khlay ndâp ƀon bri hađăch Brah Ndu hŏ dơi ăn ma khân may; ƀiălah ma phung padih, bu ngơi ma khân păng ma nau hôr da dê,

Luka 8:10

Păng plơ̆ lah: “Khân may hŏ dơi ăn nau gĭt rbăng nau khlay ndâp ƀon bri hađăch Brah Ndu; ƀiălah ma phung êng ri mơ Gâp sŏk nau hôr gay lah ma khân păng Uănh ƀiălah mâu saơ ôh, Tăng ƀiălah mâu gĭt rbăng ôh.

Yôhan 6:65

Brah Yêsu lah tay: “Yor nây, Gâp hŏ lah jêh ma khân may pô aơ tơlah Mbơ̆ mâu ăn, mâu geh bunuyh dơi văch ma Gâp ôh.”

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Kôranh Oh Mon 16:14

Geh du huê bu ur iăt hên, amoh păng H'Lidi, bơh ƀon Thiatir, vay tăch bok chăng krăk, jêng bunuyh yơk mbah ma Brah Ndu. Kôranh Brah pơk nuih n'hâm H'Lidi ƀư ăn păng rkêng tôr iăt nau Y-Pôl ngơi.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 15:51

Aơ, gâp mbơh nau khlay nđâp: He mâu mra khĭt lĕ rngôch ôh, ƀiălah lĕ rngôch he mra rgâl

I Kôrintô 2:14

Bunuyh mâu geh Brah Huêng Ueh, mâu dơi sŏk dơn lĕ nau tă bơh Brah Huêng Ueh Brah Ndu ôh, yorlah bunuyh nây uănh lĕ nau nây jêng nau brŭt ndrăng jêh ri mâu dơi gĭt vât ôh, yorlah sek uănh tĭng nau rêh huêng.

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

I Kôrintô 4:1

Pôri, ăn lĕ rngôch bunuyh uănh ma hên nâm bu phung oh mon Brah Krist, phung mât uănh lĕ nau khlay ndâp bơh Brah Ndu.

I Kôrintô 4:7

Yorlah mbu moh saơ khân may blau lơn ma bunuyh ƀaƀă? Moh ndơ khân may geh dĭng khân may mâu sŏk dơn? Tơlah khân may sŏk dơn jêh, mâm ƀư khân may hôm ngơi hưn nâm bu khân may ê hŏ sŏk dơn?

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Êphêsô 5:32

Nau khlay ndâp aơ jru ngăn, gâp ŭch lah ma Brah Krist jêh ri Phung Ngih Brah Ndu.

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

I Timôthê 3:9

ƀiălah djôt prăp nau khlay ndâp bơh nau chroh tâm nuih n'hâm sŏng kloh ueh.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.