Mathay 12:31 - Nau Brah Ndu Ngơi 2023

³¹ Pôri, Gâp lah ma khân may: Lĕ rngôch nau tih jêh ri nau ngơi sưr rlau bu mra yô̆ an ma kon bunuyh; ƀiălah nau ngơi sưr rlau đah Brah Huêng Ueh bu mâu mra dơi yô̆ ôh.

Bunong Bible Latin Script Cambodian dialect

³¹ Kơt ndri dâng Gâp mbơh ăn ma khân ay may, dâng lĕ ndơ bunuyh jan tih, ndrel ma lah mưch rmot Kôranh Brah, Kôranh Brah hôm yô̆ mâu ôh kơp nau tih jât. Tih ma bu moh i lah mưch rmot Brah Huêng Ueh i ri, mâu ôh Kôranh Brah yô̆ ma păng.

Bunong

³¹ កើត​នទ្រី​ទឹង​គ៝ប់​មឞើស​អ៝ន់​មា​ខាន់​អៃ​មៃ ទឹង​លែៈ​នទើ​ឞូនុយ្ស​ជាន​តីស នទ្រែល​មា​លាស​មឺច​រាម៝ត​កោរាញ​ឞ្រាស កោរាញ​ឞ្រាស​ហោម​យោៈ​មោ​អោស​កើប​នាវ​តីស​ជឹត។ តីស​មា​ឞូ​ម៝ស​អី​លាស​មឺច​រាម៝ត​ឞ្រាស​ហ្វេង​អ្វែស​អី​រី មោ​អោស​កោរាញ​ឞ្រាស​យោៈ​មា​ពាង់។

Mathay 12:31 Iomraidhean Croise

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Kan Lêvi 24:16

Mbu nơm ngơi sưr ma amoh Brah Yêhôva bu mra nkhĭt lơi păng; lĕ rngôch phung tâm rƀŭn mra klŭp lŭ ta păng. Nđâp lah bunuyh gŭ njưh mâu lah bunuyh ƀon tơm, mbu ngơi sưr ma amoh Brah Yêhôva, bu mra nkhĭt păng.’

Luka 12:10

Mbu nơm ngơi tâm rdâng đah Kon Bunuyh mra geh nau yô̆ an; ƀiălah mbu nơm sưr rlau đah Brah Huêng Ueh mâu mra geh nau yô̆ an ôh.

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

ហេឞ្រើ 10:26

Yorlah tơlah he gĭt năl nau ngăn jêh, ƀiălah hôm mĭn ŭch ƀư tih, mâu hôm geh mpa ƀư brah ma nau chuai nau tih đŏng ôh,

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 6:4

Yorlah phung bunuyh geh jêh nau sol ang du tơ̆, mâp chiăm nau ăn tă bơh trôk, geh du kô̆ ma Brah Huêng Ueh,

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.