Mathay 12:28 - Nau Brah Ndu Ngơi 2023

²⁸ Bi tơlah Gâp mprơh phung brah mhĭk tâm amoh Brah Huêng Ueh Brah Ndu, pôri ƀon bri hađăch Brah Ndu hŏ tât ma khân may jêh.

Bunong Bible Latin Script Cambodian dialect

²⁸ Yơn ma lah nau dơi Gâp ntrŭt brah djơh tă bơh Brah Huêng Ueh Kôranh Brah, lah ndri nau Kôranh Brah mât uănh ma khân may lĕ tât jêh.

Bunong

²⁸ យើន​មា​លាស​នាវ​ទើយ​គ៝ប់​នត្រុត​ឞ្រាស​អ្យើស​តាៈ​ឞើស​ឞ្រាស​ហ្វេង​អ្វែស​កោរាញ​ឞ្រាស លាស​នទ្រី​នាវ​កោរាញ​ឞ្រាស​ម៝ត់​អ្វាញ់​មា​ខាន់​មៃ​លែៈ​ត៝ត់​ជេស។

Mathay 12:28 Iomraidhean Croise

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Mathay 12:18

“Aơ jêng oh mon Gâp săch jêh, Nơm Gâp rŏng ngăn ngên, tâm Păng Gâp geh nau maak ngăn. Gâp mra ăn Brah Huêng Ueh Gâp gŭ ta Păng, Păng mra nkoch mbơh nau di ma phung bu năch.

Mathay 12:29

Mâu lah, mâm ƀư bu dơi lăp tâm ngih du huê bunuyh ktang gay pit drăp ndơ păng, tơlah bu mâu chăp lơi bunuyh ktang nây lor? Ăn păng chăp bunuyh nây, jêh nây mơ dơi ntŭng ndô ndơ tâm ngih păng.

Mathay 21:31

Tâm phung bar hê aơ, mbu nơm ƀư tĭng nâm nau mbơ̆ păng ŭch?” Khân păng plơ̆ lah: “Nơm tal nguay.” Brah Yêsu lah ma khân păng pô aơ: “Nanê̆, Gâp lah ma khân may, phung riu pi jêh ri bu ur ka n'hong mra dơi lăp tâm ƀon bri hađăch Brah Ndu lor lơn ma khân may.

Mathay 21:43

Yor ri, Gâp lah ma khân may, ƀon bri hađăch Brah Ndu mra sŏk lơi tă bơh khân may jêh ri ăn ma ndŭl mpôl êng mra djôt kao play ma ƀon bri hađăch nây.

Mathay 4:24

Lư n'găr ma Păng lam n'gor Siri. Bu njŭn leo ma Păng lĕ phung bunuyh ji kuet, geh nau ji kuet êng êng, bunuyh brah mhĭk lơh, phung brŭt rluk, phung rvĕn, jêh ri Păng ƀư bah lĕ rngôch.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Markôs 1:15

Păng lah: “Mông hŏ rĭng jêh, ƀon bri hađăch Brah Ndu văch dăch jêh, khân may rmal hom nau tih jêh ri chroh ma Nau Mhe Mhan Ueh.”

Markôs 11:10

Ueh maak ngăn ma ƀon bri hađăch dăch tât ma hađăch Đavit, chô yau he! Hôsana ta ntŭk dŭt prêh!”

Markôs 16:17

Phung bunuyh chroh mra dơi geh nau tâm mbên khlay hăn ndrel: Khân păng mra sŏk amoh Gâp gay mprơh brah mhĭk; mra ngơi lĕ nau ngơi mhe;

Luka 10:11

‘Nđâp ma neh muy ƀon krêp ta jâng khân may, hên rtuh lơi đŏng gay tâm rdâng đah khân may; ƀiălah, ăn khân may gĭt nau nây: Ƀon bri hađăch Brah Ndu văch dăch ma khân may jêh.’

Luka 11:20

Ƀiălah tơlah Gâp mprơh phung brah mhĭk tă bơh nglau ti Brah Ndu, ri mơ ƀon bri hađăch Brah Ndu hŏ tât ma khân may jêh.

Luka 16:16

Nau vay jêh ri nau mbơh lor ăt hôm tât ta rnôk Y-Yôhan dơm. Ntơm nar nĕ, bu mbơh nkoch Nau Mhe Mhan Ueh ma ƀon bri hađăch Brah Ndu jêh ri lĕ rngôch bunuyh dŏng nau dơi ktang gay lăp ta nây.

Luka 9:2

Păng njuăl khân păng mbơh nkoch ma nau ƀon bri hađăch Brah Ndu jêh ri ƀư bah bunuyh ji.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Kôlôh 1:13

Păng rklaih jêh he bơh nau dơi tâm nau ngo, jêh ri djôt leo he lăp tâm ƀon bri hađăch Kon Păng rŏng ngăn ngên;

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.