Mathay 12:20 - Nau Brah Ndu Ngơi 2023

²⁰ Păng mâu mra nkê̆ch lơi ôh tơm rpho hŏ chah jêh, Mâu nhhât ôh ŭnh kađen bơi nhhât, Kŏ tât Păng ăn nau di tât ma dơi.

Bunong Bible Latin Script Cambodian dialect

²⁰ Păng mâu ôh rtăch lơi ja lĕ deh, Păng mâu khôm lơi đŏng ŭnh sagêng lĕ bơi ma nhhŏt, geh nau yô̆ ma bunuyh i geh nau nsing đê̆, N'ho ma mâu ôh bah jan kar tât ma dơi đah dâng lĕ nau djơh.

Bunong

²⁰ ពាង់​មោ​អោស​រាតាច់​លើយ​ជា​លែៈ​ទែស‌ ពាង់​មោ​ខោម​លើយ​ដ៝ង់​អុញ​ឆាគេង​លែៈ​ឞើយ​មា​ញហ៝ត់ គែស​នាវ​យោៈ​មា​ឞូនុយ្ស​អី​គែស​នាវ​ញឆីង​ដេៈ‌ នហ៝​មា​មោ​អោស​ឞាស​ជាន​ការ​ត៝ត់​មា​ទើយ​ដាស​ទឹង​លែៈ​នាវ​អ្យើស។

Mathay 12:20 Iomraidhean Croise

II Phung Hađăch 18:21

Aơ, may rnơm nsing ma n'gor Êjipt hĕ? Ƀiălah Êjipt knŏng tâm ban du mâng ma tơm rpho lĕ deh jêh; tơlah mbu nơm rnơm nsing ma păng, păng mra ntâp bluh lăp tâm ti. Tơlah mbu nơm rnơm nsing ma Pharaôn, hađăch Êjipt, tâm ban pônây.’

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Kan Lêvi 10:20

Tăng lĕ nau ngơi nây, Y-Môis dơn.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 11:7

Dôl khân păng sĭt, Brah Yêsu ntơm ngơi đah phung âk ma Y-Yôhan pô aơ: “Moh ndơ khân may hŏ uănh tâm bri rdah? Du tơm rpho geh sial khôm n'gơ lĕ?

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 2:7

Ƀiălah aƀaơ, ueh lơn khân may yô̆ nau tih jêh ri bonh leng bunuyh nây, gay ma bunuyh nây mâu ngâm tâm nau rngot rvê dŭt hâu.

Nau Tâm Mpơl 6:2

Gâp uănh, ri, du mlâm seh nglang. Nơm ncho seh nĕ geh du mlâm na jêh ri bu ăn ma păng du mlâm đon hađăch. Păng hăn luh nâm bu du huê bunuyh tŭn mpet jêh ri dơi jêh.