Mathay 12:15 - Nau Brah Ndu Ngơi 2023

¹⁵ Ƀiălah Brah Yêsu gĭt nau nây, Păng du tă bơh nây. Geh âk bunuyh tĭng Păng, jêh ri Păng ƀư bah lĕ rngôch khân păng.

Bunong Bible Latin Script Cambodian dialect

¹⁵ Nôk Brah Yêsu gĭt nau i nây, jêh ri Păng lôh bơh ntŭk nây, geh ŏk phung ƀon lan tâng Păng đŏng, dâng lĕ nau ji khân păng, Păng jan bah dadê.

Bunong

¹⁵ នោក​ឞ្រាស​យេឆូ  ​គឹត​នាវ​អី​នៃ ជេសរី​ពាង់​លោស​ឞើស​នតុក​នៃ គែស​អ៝ក់​ផូង​ប៝ន​លាន​តឹង​ពាង់​ដ៝ង់ ទឹង​លែៈ​នាវ​ជី​ខាន់​ពាង់ ពាង់​ជាន​ឞាស​ទាទេ។

Mathay 12:15 Iomraidhean Croise

Mathay 10:23

Tơlah bu ƀư mhĭk ma khân may tâm ƀon nây, hăn du hom ta ƀon ri; yorlah nanê̆, Gâp lah ma khân may, khân may ê hŏ lam ôh lĕ ƀon Israel nôk nây Kon Bunuyh plơ̆ văch jêh.”

Mathay 19:2

Geh âk bunuyh tĭng Păng; Păng ƀư bah phung ji kuet ta nây.

Markôs 6:56

Ăp ntŭk Brah Yêsu tât, ƀon jê̆, ƀon toyh, mâu lah ƀon tơm, bu njŭn leo da dê phung ji gŭ ta lĕ ntŭk tăch drăp, jêh ri khân păng vơl dăn Păng ăn khân păng pah bi knŏng ta chiăng ao Păng; lĕ bunuyh hŏ pah ta ao Păng dơi bah da dê.

Luka 5:22

Ƀiălah Brah Yêsu gĭt jêh nau mĭn khân păng, jêh ri lah pô aơ: “Mâm ƀư khân may mĭn êng tâm nuih n'hâm tâm ban pônây?

Luka 6:12

Tâm lĕ nar nây, Brah Yêsu hăn hao klơ yôk gay mbơh sơm; Păng rngeh lĕ du măng gay mbơh sơm ma Brah Ndu.

Luka 9:11

Lah phung ƀon lan dơi gĭt, ri mơ hăn tĭng Păng. Brah Yêsu vơt rom khân păng, mbơh nkoch ăn khân păng ma ƀon bri hađăch Brah Ndu, jêh ri ƀư bah ăn phung ŭch bah nau ji.

Yôhan 11:54

Yor nây, Brah Yêsu mâu hăn mpơl ôh ma phung Yuđa, ƀiălah Păng hăn tâm n'gor dăch bri rdah, tât du ƀon toyh kuăl jêng ƀon Êphraim jêh ri gŭ ndrel ma phung oh mon ta nây.

Yôhan 7:1

Jêh ma nau nây, Brah Yêsu hăn tâm n'gor Galilê; Păng mâu ŭch hăn ôh tâm n'gor Yuđa, yorlah phung Yuđa joi ŭch nkhĭt Păng.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.

Galati 6:9

Lơi rgănh dôl ƀư kan ueh, yorlah tơlah he mâu rdja nuih n'hâm ôh, he mra rek tât ta yan rek.

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;