Mathay 11:23 - Nau Brah Ndu Ngơi 2023

²³ Bi may, ƀon Kapernum, bu n'hao jêh may tât ta klơ trôk? Mâu, may mra ntrŭnh tâm dâng tât ta ƀon phung khĭt. Yorlah nau mbên khlay ƀư jêh ta nklang may, tơlah nau nây dơi ƀư ta ƀon Sôdôm ƀon nây ăt hôm tât ta nar aơ.

Bunong Bible Latin Script Cambodian dialect

²³ Bunuyh gŭ ta ƀon Kapơnŭm i ƀon Gâp gŭ jŏ khay, ndrel ma Gâp lĕ nti lĕ jan ndơ nau khlay Lơi ôh mân lah săk khân ay may nơm lĕ jêng bunuyh ueh hao ta ƀon ueh kalơ. Mâu ôh, khân ay may tay tŭp ta ntŭk rêh rnhăl ta ndrung ŭnh ro. Yorlah nau khlay i lĕ geh jêh ta nklang khân ay may, lah ƀon Sôđŭm i jan tih dŭt hô kăl e nơh, ndri dâng Kôranh Brah de lơh hêng khân păng ma ŭnh bơh kalơ trôk, khân păng say kơt nây, bunuyh ta ƀon nây mâu ôh geh roh, hôm tât ta nar aƀaơ dja.

Bunong

²³ ឞូនុយ្ស​គុ​តា​ប៝ន​កាពើនិម  ​អី​ប៝ន​គ៝ប់​គុ​ជ៝ៈ​ខៃ នទ្រែល​មា​គ៝ប់​លែៈ​នតី​លែៈ​ជាន​នទើ​នាវ​ខ្លៃ លើយ​អោស​មឹន​លាស​ឆាក់​ខាន់​អៃ​មៃ​នើម​លែៈ​ជេង​ឞូនុយ្ស​អ្វែស​ហាវ​តា​ប៝ន​អ្វែស​កាលើ។ មោ​អោស ខាន់​អៃ​មៃ​តៃ​តុប​តា​នតុក​រេស​រាញាល់​តា​នទ្រូង​អុញ​រ៝។ យ៝រ​លាស​នាវ​ខ្លៃ​អី​លែៈ​គែស​ជេស​តា​ងក្លាង​ខាន់​អៃ​មៃ លាស​ប៝ន​ឆោដុម  ​អី​ជាន​តីស​ទុត​ហោ​កាល់​អែ​នើស នទ្រី​ទឹង​កោរាញ​ឞ្រាស​ទែ​លើស​ហេង​ខាន់​ពាង់​មា​អុញ​ឞើស​កាលើ​ត្រោក ខាន់​ពាង់​ឆៃ​កើត​នៃ ឞូនុយ្ស​តា​ប៝ន​នៃ​មោ​អោស​គែស​រ៝ស ហោម​ត៝ត់​តា​នារ​អាបៃ​អ្យា។

Mathay 11:23 Iomraidhean Croise

Nau Ntơm 13:13

Phung bunuyh Sôdôm djơh mhĭk ngăn jêh ri ƀư tih toyh đah Brah Yêhôva.

Nau Nhĭm Vơl 2:1

Hơi, mâm dĭng Kôranh Brah hao ji nuih Nkŭm tŭk krăk klơ ta kon bu ur Siôn? Păng hŏ klŭp tă bơh trôk prêh jŭr tât ta neh Nau chrêk rmah Israel; Tâm nar ji nuih, Păng mâu hôm kah gĭt ôh ma rnơl chrong jâng Păng.

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.

Êsêkiêl 31:14

gay mâu geh du mlâm tơm si êng tăm dăch dak janh sưr rlau ma nau toyh prêh păng mâu lah prêh chiông kŏ ban tŭk. Gay mâu geh ôh tơm si êng lĕ n'hor dak djrah toyh prêh nâm bu pônây; lĕ rngôch khân păng bu jao ma nau khĭt, prăp ma brŏng jru tâm dâng neh ntu tâm nklang ntil mpôl bunuyh jêh ri ndrel ma phung jŭr tâm ntu jru!’

Êsêkiêl 32:18

“Hơi kon bunuyh, nhĭm vơl hom ma ƀon lan bĭk rơ̆ bri Êjipt. Nklơ̆ lơi hom ƀon lan nây ndrel ma phung kon bu ur lĕ rngôch bri dak geh lư n'găr jŭr tâm ntŭk jru tâm dâng neh, ăn ma khân păng ndrel mrô nal ma phung hŏ jŭr jêh ma ntu jru!

Êsêkiêl 32:24

Ta nây geh phung Êlam ndrel ma lĕ rngôch phung lan âk păng gŭ văr jŭm môch păng. Lĕ rngôch lĕ bu nkhĭt da dê jêh ri chôt khĭt yor ma đao. Phung mâu hŏ dơn koh ntâu nây hŏ trŭnh tâm ntu jru tâm dâng neh, nây jêng phung srih nau nkrit toyh tâm bri dak phung hôm rêh. Khân păng geh nau bêk prêng ndrel ma phung trŭnh jêh ntŭk trôm jru.

Apdia 1:4

Nđâp lah may mpăr prêh nâm bu klang, Nđâp lah may ƀư rsuăn ta nklang phung mănh Gâp mra nklơ̆ may tŭp tă bơh ntŭk nây,” Brah Yêhôva lah pônây!

Mathay 10:15

Nanê̆, Gâp lah ma khân may, tât nar phat dôih, ƀon Sôdôm jêh ri ƀon Gômôrơ mra geh nau tâm rmal n'gơch lơn ma ƀon nây.”

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Mathay 17:24

Tơlah khân păng tât ta ƀon Kapernum, đơ phung riu pi ma ngih brah hăn dăch Y-Pêtrôs: “Nơm Nti khân may chê̆ pi lĕ?”

Mathay 4:13

Păng lơi ƀon Nasaret, hăn gŭ ta ƀon Kapernum êp dak mƀŭt, ta nkual neh Sabulôn jêh ri Naptali,

Mathay 8:5

Lah Brah Yêsu lăp ta ƀon Kapernum, geh du huê kôranh tahan văch gay vơl dăn Păng:

Luka 10:15

Bi may, ƀon Kapernum, bu n'hao jêh may tât klơ trôk? Mâu, may mra ntrŭnh tâm dâng tât ta ƀon phung khĭt!

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 16:23

Bunuyh ndrŏng gŭ tâm ƀon phung khĭt geh nau nđêh nji, n'gơr măt uănh saơ Y-Abraham bơh ngai jêh ri Y-Lasar gŭ ta ntang ntơh păng.

Luka 4:23

Păng lah: “Nanê̆ khân may ŭch lah nau hôr aơ ma Gâp: ‘Hơi Kôranh dak si, ƀư bah hom may nơm! Lĕ nau hên tăng may ƀư jêh ta ƀon Kapernum, ƀư hom ta aơ, ntŭk ƀon tơm may.’ ”

Kôranh Oh Mon 2:27

Yorlah Kôranh Brah mâu mra chalơi huêng gâp tâm ƀon phung khĭt, Mâu đŏng ăn ma Nơm Kloh Ueh May saơ nau roh rai.

Kôranh Oh Mon 2:31

Yor nây, păng hŏ saơ lor jêh ri lah ma nau Brah Krist dâk rêh tay pô aơ: Bu mâu chalơi Păng tâm ƀon phung khĭt ôh, Săk jăn Păng mâu dơi saơ nau ôm rai ôh.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 11:8

Săk jăn bar hê khân păng mra gŭ tâm trong ƀon toyh, rnha tĭng tâm nau hôr jêng ƀon Sôdôm jêh ri n'gor Êjipt, jêng ntŭk bu pâng kđĭn Kôranh Brah khân păng ta si tâm rkăng.

Nau Tâm Mpơl 20:13

Dak mƀŭt mplơ̆ lơi phung hŏ khĭt tâm păng; Nau khĭt jêh ri Ƀon phung khĭt mplơ̆ lơi phung khĭt khân păng djôt prăp. Ăp nơm bu mra phat dôih tĭng nâm kan păng nơm ƀư jêh.

Nau Tâm Mpơl 6:8

Gâp uănh, ri du mlâm seh ĭr rmĭt. Nơm ncho seh rnha Nau Khĭt, jêh ri Ƀon phung khĭt tĭng pakơi păng. Bu ăn ma khân păng nau dơi ƀư rai du kô̆ tâm puăn ta neh ntu gay nkhĭt ma đao gưm, nau sa sât ji ngot, nau ji tưp jêh ri ma phung mpô mpa bri janh ta neh ntu.