Mathay 11:18 - Nau Brah Ndu Ngơi 2023

¹⁸ Yorlah Y-Yôhan văch, mâu sông sa mâu nhêt, pôri bu lah: ‘Y-Yôhan geh brah mhĭk lơh.’

Bunong Bible Latin Script Cambodian dialect

¹⁸ Ndri Yôhan-Ƀaptem păng ăt sông sa, ăt nhêt ndrănh, tih ma bu lah păng bunuyh brah djơh lăp.

Bunong

¹⁸ នទ្រី​យោហាន-​បាប់តែម  ​ពាង់​អ៝ត់​ឆោង​ឆា អ៝ត់​ញេត​នទ្រាញ់ តីស​មា​ឞូ​លាស​ពាង់​ឞូនុយ្ស​ឞ្រាស​អ្យើស​លាប់។

Mathay 11:18 Iomraidhean Croise

II Phung Hađăch 9:11

Y-Jêhu plơ̆ luh hăn ma phung kôranh tahan kôranh păng. Khân păng ôp ma păng: “Lĕ rngôch nau jêng nau đăp mpăn lĕ? Mâm ƀư bunuyh rluk nây văch tât joi may?” Y-Jêhu plơ̆ lah ma khân păng: “Khân may gĭt năl bu klâu nây jêh ri gĭt đŏng lĕ nau păng ngơi jêh.”

Yêrêmi 15:17

Gâp mâu gŭ nsum mâu lah pâl rlưn Ndrel ma bunuyh pâl ngơi pâl; Gâp gŭ êng du huê yor ti May tŭn jâk ta gâp, Yorlah May hŏ ƀư nau ji nuih bêng ta klơ gâp.

Yêrêmi 29:26

Brah Yêhôva njêng jêh may ƀư kôranh ƀư brah ntrok an ma kôranh ƀư brah Y-Jêhôida gay chiă uănh tâm ngih Brah Yêhôva, jêh ri đă nkông jâng, văn ndrak ta trô ko ma lĕ rngôch phung rluk ntơ êng jêng nơm mbơh lor.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Mathay 10:25

Oh mon dơi jêng kôranh nơm nti, oh mon jêng nâm bu kôranh păng hŏ rĭng jêh. Kôranh ngih bu rnha jêng Bêlsêbul, rlau lơn ma phung tâm ngih nây!

Mathay 11:17

‘Hên uh n'hôm, ƀiălah khân may mâu pâl ntalơ̆ ôh; Hên mprơ nau mprơ rngot, ƀiălah khân may mâu nhĭm nhhiăng ôh.’

Mathay 3:4

Y-Yôhan nsoh ao rsau seh samô, vân rse bŭt ntâu, sa krah nsăt jêh ri dak sŭt bri.

Mathay 9:34

Ƀiălah, phung Pharisi lah tay: “Păng mprơh brah mhĭk tâm amoh kôranh brah mhĭk.”

Markôs 3:22

Phung kôranh nchih samƀŭt tă bơh ƀon Yêrusalem hăn trŭnh lah: “Bunuyh aơ geh Bêlsêbul lăp, jêh ri geh nau dơi kôranh brah mhĭk ăn, gay mprơh brah mhĭk.”

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Yôhan 10:20

Âk tâm phung khân păng lah: “Păng geh brah mhĭk lơh, păng brŭt jêh; mâm ƀư khân may gŭ iăt păng?”

Yôhan 7:20

Phung ƀon lan plơ̆ lah: “May geh brah mhĭk lăp jêh! Mbu nơm joi ŭch nkhĭt may?”

Yôhan 8:48

Phung Yuđa plơ̆ lah: “Hên lah Nơm Nti jêng du huê bunuyh Samari jêh ri geh brah mhĭk lơh, di mâu lah mâu?”

Yôhan 8:52

Phung Yuđa lah: “Aƀaơ aơ, hên gĭt rah vah jêh Nơm nti geh brah mhĭk lơh. Y-Abraham lĕ khĭt jêh, phung nơm mbơh lor hŏ khĭt tâm ban lĕ; ƀiălah May lah: ‘Lah mbu moh djôt prăp nau Gâp ngơi mâu mra mâp ma nau khĭt ôh.’

Kôranh Oh Mon 26:24

Dôl Y-Pôl ngơi kŏh dŏng ma păng nơm pônây, Phêtus ngơi huy pô aơ: “Hơi Y-Pôl, may roh nau mĭn jêh! May nti âk ngăn tât may jêng rluk!”

I Kôrintô 9:27

Ƀiălah gâp nsrôih nsram đăp ma săk jăn gâp tâm nau dăng ngăn, nchâp păng ăn tông, klach lah jêh gâp nti lah ma bunuyh êng, ƀiălah Brah Ndu mƀăr lơi gâp nơm.