Mathay 11:1 - Nau Brah Ndu Ngơi 2023

¹ Nôk Brah Yêsu hŏ ntĭm nti jât ma bar kôranh oh mon lôch jêh, Păng du tă bơh ntŭk nây gay ntĭm nti jêh ri mbơh nkoch tâm lĕ ƀon khân păng.

Bunong Bible Latin Script Cambodian dialect

¹ Jêh Brah Yêsu lah nau i nây ăn ma 12 nuyh mpôl kôranh oh mon Păng, jêh ri Păng lôh bơh ntŭk nây, gay ma hăn ntŭm nti bu rŏ ƀon êng êng.

Bunong

¹ ជេស​ឞ្រាស​យេឆូ  ​លាស​នាវ​អី​នៃ​អ៝ន់​មា ១២ នុយ្ស​មពោល​កោរាញ​អ៝ស​ម៝ន​ពាង់ ជេសរី​ពាង់​លោស​ឞើស​នតុក​នៃ គៃ​មា​ហាន់​នតុម​នតី​ឞូ​រ៝ៈ​ប៝ន​អេងៗ។

Mathay 11:1 Iomraidhean Croise

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 4:23

Brah Yêsu hăn lam n'gor Galilê, nti tâm ngih rƀŭn, mbơh nkoch Nau Mhe Mhan Ueh ma ƀon bri hađăch klơ trôk, jêh ri Păng ƀư bah ăp ntil nau ji kuet tâm phung ƀon lan.

Mathay 7:28

Tơlah Brah Yêsu ngơi nau nây lôch jêh, phung ƀon lan hih rhâl ngăn ma nau Păng nti;

Mathay 9:35

Brah Yêsu hăn lam tâm ăp ƀon toyh, ƀon jê̆, nti tâm lĕ ngih rƀŭn, mbơh nkoch Nau Mhe Mhan Ueh ma ƀon bri hađăch klơ trôk jêh ri ƀư bah ăp ntil nau ji.

Markôs 6:12

Pônây, phung kôranh oh mon luh hăn, mbơh nkoch pô aơ ăn lĕ rngôch bunuyh rmal nau tih.

Luka 23:5

Ƀiălah khân păng ăt lah: “Bunuyh aơ nsŭk nsôr phung ƀon lan, nti lah lam n'gor Yuđa, ntơm bơh n'gor Galilê tât ta ntŭk aơ.”

Luka 8:1

Pakơi nây, Brah Yêsu hăn ntơm bơh ƀon aơ tât ta ƀon ri, ƀon jê̆ aơ tât ta ƀon jê̆ jê̆ êng, jêh ri mbơh nkoch Nau Mhe Mhan Ueh ma ƀon bri hađăch Brah Ndu. Jât ma bar kôranh oh mon hăn ndrel ma Păng.

Yôhan 15:10

Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 10:42

Păng ntăm jêh ma hên mbơh nkoch ma phung ƀon lan, jêh ri mpơl rah vah Păng jêng Nơm Brah Ndu hŏ njêng gay ma phat dôih ma phung rêh jêh ri phung khĭt.

I Têsalônik 4:2

Yorlah khân may gĭt moh nau ntĭm nti hên hŏ tâm amoh Kôranh Brah jêng Kôranh Brah Yêsu ăn ma khân may.

II Têsalônik 3:10

Tâm dôl hên gŭ ndrel khân may, hên đă jêh khân may pô aơ: Tơlah mbu nơm mâu ŭch pah kan, lơi ăn păng sa.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

I Timôthê 6:14

djôt prăp hom nau ntĭm nti aơ dŭt ueh, mâu geh nau nduyh, kŏ tât nar Kôranh Brah he jêng Brah Yêsu Krist văch jêh,