Mathay 10:2 - Nau Brah Ndu Ngơi 2023

² Amoh săk jât ma bar kôranh oh mon: Lor lơn jêng Y-Simôn, rnha jêng Y-Pêtrôs, jêh ri Y-Andrê, oh păng; Y-Yakơ, kon Y-Sêƀêđê, jêh ri Y-Yôhan, oh păng;

Bunong Bible Latin Script Cambodian dialect

² 12 nuyh mpôl kôranh oh mon nây, ta nây geh lor bu, Simôn i bu kuăl Pêtrôs đŏng, jêh ri geh oh păng Ŏndrê, geh Yakơ, ndrel ma oh păng Yôhan i kon Sêƀêđê,

Bunong

² ១២ នុយ្ស​មពោល​កោរាញ​អ៝ស​ម៝ន​នៃ តា​នៃ​គែស​ល៝រ​ឞូ ឆីមោន  ​អី​ឞូ​ក្វាល់​ពេត្រោស  ​ដ៝ង់ ជេសរី​គែស​អ៝ស​ពាង់​អ៝ន់ទ្រេ  គែស​យាកើ  នទ្រែល​មា​អ៝ស​ពាង់​យោហាន  ​អី​ក៝ន​ឆេបេដេ  ‌

Mathay 10:2 Iomraidhean Croise

Mathay 17:1

Prao nar pakơi, Brah Yêsu jă êng Y-Pêtrôs, Y-Yakơ, jêh ri Y-Yôhan jêng oh Y-Yakơ, hăn ndrel ma Păng hao klơ yôk prêh.

Mathay 20:20

Nôk nây, geh mê̆ phung kon bu klâu Y-Sêƀêđê ndrel ma bar kon păng văch tât Brah Yêsu, chon kômâk jêh ri dăn Păng du ntil nau.

Mathay 26:37

Jêh Păng djôt leo Y-Pêtrôs jêh ri bar hê kon bu klâu Y-Sêƀêđê hăn ndrel Păng, Păng ntơm geh rngot rvê jêh ri nau rŭng răng.

Mathay 4:18

Dôl Brah Yêsu hăn njŏ tĭng kơh dak mƀŭt Galilê, Păng saơ bar hê nâu oh ri jêng Y-Simôn, kuăl đŏng jêng Y-Pêtrôs, jêh ri oh păng jêng Y-Andrê dôl seng jal tâm dak mƀŭt, yorlah khân păng jêng bunuyh vay seng jal.

Mathay 4:21

Mra hăn đŏng, Păng saơ bar hê nâu oh êng jêng Y-Yakơ, kon Y-Sêƀêđê, jêh ri oh păng jêng Y-Yôhan dôl gŭ jĭm jal tâm plŭng ndrel ma mbơ̆ khân păng. Brah Yêsu kuăl khân păng.

Markôs 1:29

Dôl khân păng luh tă bơh ngih rƀŭn, Brah Yêsu ndrel ma Y-Yakơ jêh ri Y-Yôhan hăn lăp tâm ngih Y-Simôn jêh ri Y-Andrê.

Markôs 13:3

Nôk Păng dôl gŭ ta yôk Ôlive, tâm tham đah ngih brah, Y-Pêtrôs, Y-Yakơ, Y-Yôhan, jêh ri Y-Andrê văch ôp êng Păng:

Markôs 6:30

Phung kôranh oh mon rgum jŭm Brah Yêsu, mbơh ma Păng lĕ kan khân păng hŏ ƀư jêh ri ntĭm nti.

Luka 11:49

Yor nây, nau blau mĭn Brah Ndu lah jêh: ‘Gâp mra njuăl ma khân păng phung mbơh lor jêh ri phung kôranh oh mon văch ta khân păng. Khân păng mra nkhĭt lơi ma bunuyh aơ, ƀư mhĭk ma bunuyh ri.’

Luka 22:14

Mông tât jêh, Brah Yêsu gŭ ta sưng jêh ri phung kôranh oh mon gŭ ndrel ma Păng.

Luka 22:8

Brah Yêsu njuăl Y-Pêtrôs jêh ri Y-Yôhan hăn jêh ri lah: “Hăn hom ndrăp rƀŭn Nau Găn gay ma he sa.”

Luka 5:10

Brah Yêsu lah ma Y-Simôn: “Lơi klach ôh, ntơm bơh aƀaơ, kon mra plơ̆ jêng nơm seng jal bunuyh.”

Luka 9:10

Phung kôranh oh mon plơ̆ sĭt mbơh ma Brah Yêsu lĕ kan khân păng hŏ ƀư jêh. Păng leo phung kôranh oh mon hăn ntŭk êng, tât ƀon rnha jêng Ƀêtsaiđa.

Yôhan 12:22

Y-Philip hăn mbơh ma Y-Andrê; jêh nây Y-Andrê n'hanh Y-Philip lah ma Brah Yêsu.

Yôhan 13:23

Ta nây geh du huê oh mon, jêng nơm Brah Yêsu rŏng, bôk nsing ta ntang ntơh Brah Yêsu.

Yôhan 20:2

Pôri, păng nchuăt văch ta Y-Simôn Pêtrôs jêh ri oh mon ri, jêng bunuyh Brah Yêsu rŏng, jêh ri lah: “Bu sŏk jêh Kôranh Brah tă bơh trôm môch nây, hên mâu gĭt ôh mbah ntŭk bu ăn Păng aƀaơ.”

Yôhan 21:2

Y-Simôn Y-Pêtrôs, Y-Thômas bu kuăl jêng Điđim, Y-Nathanel, bunuyh ƀon Kana tâm n'gor Galilê, phung kon bu klâu Y-Sêƀêđê, jêh ri bar hê oh mon êng dôl rgum ndrel.

Yôhan 21:20

Y-Pêtrôs n'gĭl uănh saơ du huê oh mon Brah Yêsu rŏng tĭng groi pakơi, jêng nơm nsing ta ntang ntơh Brah Yêsu dôl khân păng gŭ nhêt sa kêng măng jêh ri ôp: “Ơ Kôranh Brah, mbu moh jêng nơm rlăng May?”

Yôhan 21:24

Oh mon nây mbơh nkoch lĕ nau aơ, jêh ri hŏ nchih lĕ nau kan nây. He gĭt ma nau bunuyh nây mbơh nkoch jêng di ngăn.

Yôhan 6:67

Brah Yêsu lah ma jât ma bar oh mon: “Bi khân may ŭch đŏng plơ̆ rŭch hĕ?”

Yôhan 6:70

Brah Yêsu plơ̆ lah: “Mâu di hĕ Gâp hŏ săch jêh khân may jêng jât ma bar oh mon? Ƀiălah du huê tâm phung khân may jêng brah mhĭk?”

Yôhan 6:71

Brah Yêsu ŭch lah tât ma Y-Yuđas, kon Simôn Iskariôt, jêng du huê tâm jât ma bar oh mon; bunuyh aơ yơh bah kơi mra ƀư rlăng ma Brah Yêsu.

Yôhan 6:8

Y-Andrê, oh Simôn Pêtrôs, du huê tâm phung oh mon, ơh pô aơ:

Kôranh Oh Mon 1:13

Lah khân păng tât ta ƀon, khân păng hao tâm jrô klơ, ta ntŭk khân păng gŭ. Phung bunuyh nây jêng Y-Pêtrôs, Y-Yôhan, Y-Yakơ, Y-Andrê, Y-Philip, Y-Thômas, Y-Ƀartôlômi, Y-Mathiơ, Y-Yakơ kon Y-Alphê, Y-Simôn Sêlôt, jêh ri Y-Yuđas kon Y-Yakơ.

Kôranh Oh Mon 1:26

Khân păng nchroh di ma Y-Mathias, jêh ri bu ăn păng nglăp tâm phung jât ma nguay kôranh oh mon.

Kôranh Oh Mon 12:2

Păng sŏk đao nkhĭt Y-Yakơ, jêng nâu Y-Yôhan;

Kôranh Oh Mon 3:1

Rnôk nây, Y-Pêtrôs jêh ri Y-Yôhan hăn ta ngih brah ta mông mbơh sơm pe mông mhaơ.

I Kôrintô 15:7

Păng tâm mpơl đŏng ma Y-Yakơ, jêh ri ma lĕ rngôch phung kôranh oh mon.

Êphêsô 4:11

Păng yơh ăn ma ƀaƀă phung jêng kôranh oh mon, ƀaƀă phung jêng nơm mbơh lor, ƀaƀă phung êng jêng ma nơm mbơh nkoch Nau Mhe Mhan Ueh, ƀaƀă phung êng êng đŏng jêng nơm nti jêh ri kôranh nti,

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

I Pêtrôs 1:1

Y-Pêtrôs, kôranh oh mon Brah Yêsu Krist, nchih njuăl ma phung bunuyh nchah rai du gŭ tâm n'gor Pôntus, Galati, Kapadôs, Asi jêh ri Bithini, jêng phung Brah Ndu săch jêh

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

II Yôhan 1:1

Kôranh bu ranh nchih njuăl ma bu ur, nơm Brah Ndu săch jêh, ndrel ma phung kon ay jêng phung gâp rŏng tâm nau ngăn; mâu di knŏng gâp dơm ôh, ƀiălah lĕ rngôch phung gĭt năl jêh nau ngăn tâm ban lĕ,

III Yôhan 1:1

Kôranh bu ranh nchih samƀŭt njuăl ma Y-Gaius, nơm bu rŏng, nơm gâp rŏng tâm nau ngăn.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 22:8

Gâp jêng Y-Yôhan, nơm tăng jêh ri saơ jêh lĕ nau aơ. Tơlah gâp tăng jêh ri saơ lôch jêh, gâp chon mon ta jâng tông mpăr hŏ tâm mpơl lĕ nau aơ ma gâp, gay ŭch mbah ma păng.