Mathay 10:19 - Nau Brah Ndu Ngơi 2023

¹⁹ Ƀiălah tơlah nhŭp njŭn khân may, lơi rvê ôh khân may mra ngơi mâm nau, mâu lah moh nau mra lah; tâm mông nây, lĕ nau khân may ngơi mra mpơl ma khân may.

Bunong Bible Latin Script Cambodian dialect

¹⁹ Nôk bu nhŭp njŭn khân may, lơi ôh khân may rvê nau mbơh ngơi ma bu, yorlah Kôranh Brah sơm ăn nau mbơh ngơi ma khân may ta nôk nây.

Bunong

¹⁹ នោក​ឞូ​ញុប​ញជុន​ខាន់​មៃ លើយ​អោស​ខាន់​មៃ​រាវៃ​នាវ​មឞើស​ងើយ​មា​ឞូ យ៝រ​លាស​កោរាញ​ឞ្រាស​ឆើម​អ៝ន់​នាវ​មឞើស​ងើយ​មា​ខាន់​មៃ​តា​នោក​នៃ។

Mathay 10:19 Iomraidhean Croise

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Nau Ngluh Êjipt 4:15

Ăn may ngơi đah nâu may, jêh ri dăp dơm rplay ngơi tâm trôm mbung păng. Gâp mra gŭ ndrel ma trôm mbung may nđâp ma trôm mbung nâu may jêh ri nti khân may moh ndơ mra ƀư.

Yêrêmi 1:7

Ƀiălah Brah Yêhôva lah ma gâp: “Lơi ngơi: ‘May hôm e mom ndăm;’ Yorlah may mra hăn lam moh ntŭk Gâp đă may hăn, Jêh ri mra ngơi lĕ nau Gâp ntăm may ngơi.

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Mathay 10:18

Yorlah Gâp, bu mra njŭn khân may tanăp phung kôranh toyh chiă uănh jêh ri phung hađăch, gay mbơh ma khân păng jêh ri phung bu năch.

Mathay 6:25

Yor ri, Gâp lah ma khân may: Lơi yor ma nau rêh rvê ir moh ndơ mra sông sa, mâu lah nhêt; lơi yor ma săk jăn rvê ir moh ndơ khân may mra nsoh n'gut. Di lĕ nau rêh khlay lơn ma ndơ sông sa, săk jăn khlay lơn ma bok ao?

Mathay 6:31

Yor ri, lơi khân may rvê ir ôh jêh ri ôp êng: ‘Moh ndơ hên mra sông sa?’ ‘Moh ndơ nhêt?’ ‘Moh ndơ nsoh?’

Mathay 6:34

Pôri, lơi rvê ôh ma nar ôi taơ, yorlah nar ôi taơ mra rvê nar ôi taơ. Ăp nar mra geh nau jêr tâm ăp nar.”

Luka 12:11

“Tơlah bu njŭn leo khân may tanăp ngih rƀŭn, tanăp phung kôranh mât uănh jêh ri phung kôranh chiă uănh, lơi ta rvê moh nau khân may mra lah mâu lah lĕ nau khân may lah gay n'gang ma khân may nơm,

Luka 12:12

yorlah ta mông nây, Brah Huêng Ueh mra nti ma lĕ nau khân may mra lah.”

Kôranh Oh Mon 6:10

Ƀiălah khân păng mâu dơi tâm rdâng ma nau blau mĭn jêh ri ma Brah Huêng Ueh jêng Nơm hŏ ăn ma păng lĕ nau ngơi nây,

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.