Mathay 10:16 - Nau Brah Ndu Ngơi 2023

¹⁶ “Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Bunong Bible Latin Script Cambodian dialect

¹⁶ “Gâp đă khân may hăn ta ƀon phung Israel tâm ban ma đă be biăp gŭ ta nklang phung so bri. Lah ndri ăn khân may blao njrăng tâm ban ma bêh, mleh tâm ban ma plŭk jêng siŭm du ntil i mâu jan tih.

Bunong

¹⁶ “គ៝ប់​ដាៈ​ខាន់​មៃ​ហាន់​តា​ប៝ន​ផូង​អីឆ្រាអែល  ​តឹម​ឞាន​មា​ដាៈ​ឞែ​ឞ្យាប់​គុ​តា​ងក្លាង​ផូង​ឆ៝​ឞ្រី។ លាស​នទ្រី​អ៝ន់​ខាន់​មៃ​ឞ្លាវ​ញជ្រាង់​តឹម​ឞាន​មា​ឞេស មលែស​តឹម​ឞាន​មា​ព្លុក​ជេង​ឆ្យុម​ទូ​នតីល​អី​មោ​ជាន​តីស។

Mathay 10:16 Iomraidhean Croise

Nau Ntơm 3:1

Tâm lĕ rngôch mpô mpa bri Yêhôva Brah Ndu njêng jêh, bêh jêng mpa ƀlăch ƀlêr lơn. Bêh lah ma bu ur: “Ngăn Brah Ndu hŏ ntĭnh jêh ma khân may mâu dơi sa play tơm si tâm n'gar trao bơh?”

Nau Ntơm 3:13

Yêhôva Brah Ndu ôp bu ur: “Moh nau ay ƀư pônây?” Bu ur ơh: “Bêh hŏ ndơm gâp jêh ri gâp sa jêh.”

Nêhêmi 4:13

gâp njêng lĕ pôih tâm lĕ ntŭk rđŭng pakơi mpêr ƀon jêh ri ta ntŭk nsoih, jêh nây dơm phung ƀon lan tĭng nâm ndŭl mpôl khân păng djôt đao, tak jêh ri na khân păng.

Yêrêmi 40:16

Ƀiălah Y-Gêdalia, kon bu klâu Y-Ahikam, lah ma Y-Jôhanan, kon bu klâu Y-Karêa, pô aơ: “Lơi may ƀư ôh nau nây! Nau may ngơi ma Y-Ismaêl mâu di ôh.”

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Mathay 24:25

Aơ, Gâp mbơh lor ma khân may jêh.

Mathay 24:45

Mbu moh jêng oh mon răp jăp jêh ri blau mĭn, kôranh jao ăn păng mât uănh ngih kôranh gay păng ăn ndơ sông sa di mông?

Mathay 25:2

Tâm phung nây, geh prăm nuyh rluk jêh ri prăm nuyh blau mĭn.

Mathay 25:4

ƀiălah phung blau mĭn djôt ŭnh kađen jêh ri djôt tĭng dak ngi tâm rchŏk.

Mathay 25:9

Ƀiălah phung blau mĭn plơ̆ lah: ‘Mâu dơi, klach lah mâu mra tŏng ôh ma hên nơm nđâp ma khân ay; ueh lơn, khân ay hăn hom ta phung tăch dak pring gay rvăt.’

Luka 10:3

Hăn hom! Aơ, Gâp njuăl khân may hăn nâm bu kon biăp ta nklang phung so bri.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Kôranh Oh Mon 20:29

Gâp gĭt, jêh gâp dâk hăn, mra geh phung so bri janh ktang lăp tâm phung khân may, khân păng mâu geh nau yô̆ ma phung biăp ôh.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 11:14

Nau nây mâu hih rhâl ôh, nđâp ma Satan nơm jan lah njêng tâm ban ma tông mpăr nau ang.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 8:20

Hên blau njrăng gay der lơi nau ngơi mâu ueh tâm nau dŏng rnoh prăk nhhơr toyh aơ.

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

Kôlôh 4:5

Ăn khân may gŭ ngao blau mĭn tanăp phung bu năch, jêh ri blau dŏng mông nar.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Têsalônik 5:22

ăn khân may der ngai lĕ rngôch nau djơh mhĭk.