Mathay 1:1 - Nau Brah Ndu Ngơi 2023

¹ Amoh phung chô yau Brah Yêsu Krist, kon sau Y-Đavit, kon sau Y-Abraham.

Bunong Bible Latin Script Cambodian dialect

¹ Dja nau nkoch yao u che Brah Yêsu Krist, i kon sau kađăch Đavid kăl e nơh, ndrel ma i kon sau Abrahăm đŏng. Lĕ rngôch phung Israel jêng rnoi deh Abrahăm dadê.

Bunong

¹ អ្យា​នាវ​ងក៝ច​យៅ​អូ​ចែ​ឞ្រាស​យេឆូ​ក្រីស  អី​ក៝ន​ឆៅ​កាដាច់​ដាវីត  ​កាល់​អែ​នើស នទ្រែល​មា​អី​ក៝ន​ឆៅ​អាឞ្រាហាម់  ​ដ៝ង់។ លែៈ​រាងោច​ផូង​អីឆ្រាអែល  ​ជេង​រាន៝យ​ទែស​អាឞ្រាហាម់  ​ទាទេ។

Mathay 1:1 Iomraidhean Croise

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 2:4

Nây jêng nau ntơm ma nau rhăk njêng trôk jêh ri neh ntu. Tơlah Yêhôva Brah Ndu rhăk njêng trôk jêh ri neh ntu,

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 5:1

Aơ jêng noi deh Y-Ađam. Rnôk Brah Ndu rhăk njêng bunuyh, Păng njêng kon bunuyh tâm ban ma Brah Ndu.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 89:3

May lah: “Gâp ndâk jêh nau tâm rnglăp đah nơm Gâp săch jêh, Gâp ton jêh đah Y-Đavit, oh mon Gâp, pô aơ:

Nau Mprơ Ơm 89:36

Noi deh păng mra hôm n'ho ro, Jêh ri sưng hađăch păng mra gŭ mro nâm bu nar tanăp Gâp.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 53:8

Bu hŏ tŭn jot Păng, phat dôih jêh ri nkhĭt lơi Păng. Tâm phung rêh rơh Păng, mâu geh du huê mĭn rvê Bu hŏ dong rmal Păng jêh ri sŏk lơi bơh neh phung rêh Yor ma nau tih phung ƀon lan Gâp?

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Mathay 1:18

Nau jŭr deh Brah Yêsu Krist hŏ nkoch kơt aơ: H'Mari, mê̆ Păng, hŏ ƀư ndrôi jêh đah Y-Yôsep, ƀiălah êlor khân păng gŭ ndrel păng ntreo ma Brah Huêng Ueh.

Mathay 1:2

Y-Abraham jêng mbơ̆ Y-Isăk; Y-Isăk jêng mbơ̆ Y-Yakôp; Y-Yakôp jêng mbơ̆ Y-Yuđa jêh ri phung nâu oh păng;

Mathay 15:22

Ri, geh du huê bu ur bri Kanaan văch tă bơh n'gor nây jêh ri nter pô aơ: “Ơ Kôranh Brah, kon Y-Đavit, dăn yô̆ nđach ma gâp ƀă! Kon bu ur gâp, brah mhĭk lơh ƀư nđêh nji ngăn.”

Mathay 3:16

Dôl geh ƀaptem jêh, dôl Brah Yêsu dâk tă bơh dak, uănh ri, lĕ ndâr trôk pơk mpơl, Păng saơ Brah Huêng Ueh Brah Ndu jŭr nâm bu sĭm plŭk drâm ta klơ Păng.

Mathay 9:27

Dôl Brah Yêsu du tă bơh ntŭk nây, geh bar hê bunuyh chieh măt tĭng groi Păng, jêh ri nter pô aơ: “Hơi kon Đavit, yô̆ nđach hên!”

Luka 1:33

Păng mra jêng chiă uănh n'ho ro ngih Y-Yakôp; ƀon bri hađăch Păng mra hôm mro mrăng n'ho ro.”

Yôhan 7:42

Mâu di hĕ Nau Brah Ndu Ngơi mbơh pô aơ Brah Krist Păng luh bơh noi deh Y-Đavit jêh ri văch tă bơh ƀon Ƀêtlêhem, jêng ƀon Y-Đavit ƀơh?”

Kôranh Oh Mon 2:30

Ƀiălah păng jêng nơm mbơh lor, gĭt jêh ma Brah Ndu lĕ ton jêh pô aơ Păng mra ăn du huê bunuyh jêng noi deh păng gŭ ta sưng hađăch păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 1:3

Nây jêng Nau Mhe Mhan Ueh ma Kon Păng, jêng Nơm tâm nau nglay săk bu deh tă bơh ndŭl mpôl Y-Đavit;

Samƀŭt Pôl Njuăl Ăn Ma Phung Nsing Ta Ƀon Rôm 4:13

Nau ton ma Y-Abraham jêh ri phung kon sau păng dơi dơn neh ntu jêng drăp ndơn, mâu di tât tă bơh nau vay ƀiălah tât tă bơh nau sŏng srăng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

Galati 3:16

Ma lĕ nau ton hŏ ntăm jêh ma Y-Abraham jêh ri ma noi deh păng, Nau Brah Ndu Ngơi mâu lah ôh: “Jêh ri ma lĕ noi deh” tâm ban prăp ma âk bunuyh, ƀiălah lah: “Jêh ri ma noi deh may,” tâm ban knŏng ma du huê bunuyh, nâm bu ntĭt Brah Krist.

I Timôthê 2:5

Yorlah geh knŏng du huê Brah Ndu, jêh ri geh knŏng du huê Nơm Tâm Nklang vah vang Brah Ndu jêh ri kon bunuyh, jêng Brah Yêsu Krist, jêng bunuyh đŏng.

II Timôthê 2:8

Ăn may kah gĭt ma Brah Yêsu Krist jêng noi deh Y-Đavit, Păng dâk rêh tay jêh tă bơh nau khĭt tĭng nâm Nau Mhe Mhan Ueh gâp hŏ mbơh nkoch.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”