Markôs 9:7 - Nau Brah Ndu Ngơi 2023

⁷ Jêh nây geh du ndâr tŭk nkŭm khân păng; geh bâr ngơi luh bơh tâm ndâr tŭk pô aơ: “Aơ jêng Kon Gâp rŏng ngăn ngên, iăt hom nau Păng!”

Bunong Bible Latin Script Cambodian dialect

⁷ Jêh ri geh tŭk nkŭm kalơ khân păng lĕ rngôch, tăng nteh ngơi tă bơh tŭk nây lah: “Păng dja Kon Gâp i Gâp rŏng hô ngăn, iăt nau Păng dô!”

Bunong

⁷ ជេសរី​គែស​តុក​ងកុម​កាលើ​ខាន់​ពាង់​លែៈ​រាងោច តាង់​នតែស​ងើយ​តាៈ​ឞើស​តុក​នៃ​លាស៖ “ពាង់​អ្យា​ក៝ន​គ៝ប់​អី​គ៝ប់​រ៝ង់​ហោ​ងាន់ អ្យាត់​នាវ​ពាង់​ទោ!”

Markôs 9:7 Iomraidhean Croise

Nau Mprơ Ơm 2:7

Gâp mra mbơh nau ntĭnh bơh Brah Yêhôva: Păng lah ma Gâp: “Kon jêng Kon Gâp; Nar aơ Gâp hŏ deh jêh Kon.

Nau Mprơ Ơm 97:2

Ndâr tŭk jêh ri nau ngo mbâl nchueng jŭm Păng, Nau sŏng srăng jêh ri nau di ƀư mbon ma sưng hađăch Păng.

Nau Ngluh Êjipt 24:16

Nau chrêk ma lơp Brah Yêhôva gŭ klơ yôk Sinai. Tâm prao nar, tŭk nkŭm yôk; tât nar tal pơh Brah Yêhôva kuăl Y-Môis tă bơh nklang ndâr tŭk.

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Daniel 7:13

Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

Mathay 27:54

Nôk kôranh tahan jêh ri phung tahan chiă Brah Yêsu, saơ n'găr neh ntu ndrel ma lĕ nau tât geh jêh, khân păng klach krit dŭt hâu ngăn jêh ri lah: “Nanê̆, Bunuyh aơ jêng Kon Brah Ndu.”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Markôs 1:11

Jêh nây geh bâr ngơi tă bơh trôk lah: “May jêng Kon Gâp rŏng ngăn ngên, tâm Păng Gâp geh nau maak ngăn.”

Markôs 9:6

Yorlah lĕ pe nuyh khân păng klach krit ngăn da dê rĭ dĭng Y-Pêtrôs mâu gĭt moh nau păng lah.

Markôs 9:8

Ƀât lât, phung oh mon uănh văr jŭm, mâu hôm saơ bunuyh, knŏng hôm du huê Brah Yêsu dơm gŭ ndrel ma khân păng.

Luka 3:22

jêh ri Brah Huêng Ueh jŭr tâm rup tâm ban ma sĭm plŭk drâm klơ Păng; jêh ri geh bâr ngơi tă bơh trôk lah: “Kon jêng Kon Gâp rŏng ngăn ngên, Gâp geh nau maak ngăn.”

Yôhan 1:34

Gâp lĕ saơ jêh ri mbơh nkoch pô aơ, aơ yơh jêng Kon Brah Ndu.”

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 12:28

Ơ Mbơ̆, tâm rnê hom ma amoh May.’” Nôk nĕ geh bâr ngơi tă bơh trôk lah: “Gâp hŏ geh nau mât ton jêh, Gâp mra geh tay nau tâm rnê đŏng!”

Yôhan 19:7

Phung Yuđa plơ̆ lah: “Hên geh nau vay, tĭng nâm nau vay nây păng mra khĭt, yorlah păng mbơh êng păng nơm jêng Kon Brah Ndu.”

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 5:18

Yor nây, phung Yuđa lơ hâu joi nau ŭch nkhĭt Brah Yêsu, yor Păng mâu knŏng ƀư rai nau vay tâm nar saƀat dơm ôh, jêh ri kuăl Brah Ndu jêng Mbơ̆, kơp êng săk Păng nơm tâm ban ma Brah Ndu.

Yôhan 5:37

Mbơ̆ nơm, Nơm hŏ njuăl Gâp, ăt mbơh nkoch lĕ Gâp. Khân may ê mâp tăng bâr Păng, mâu lah saơ muh măt Păng,

Yôhan 6:69

Hên lĕ chroh jêh ri lĕ gĭt năl Kôranh Brah jêng Nơm Kloh Ueh tă bơh Brah Ndu.”

Yôhan 9:35

Brah Yêsu tăng bu mprơh păng luh padih, jêh ri Brah Yêsu tâm mâp đah păng, Păng ôp: “May chroh lĕ ma Kon Bunuyh?”

Kôranh Oh Mon 1:9

Jêh Păng ngơi nau nây, Brah Ndu chông Păng hao klơ trôk, dôl phung oh mon gŭ uănh Păng. Geh du ndâr tŭk nkŭm ndâp Păng tă bơh măt khân păng.

Kôranh Oh Mon 7:37

Y-Môis aơ ngơi jêh ma phung kon Israel: ‘Brah Ndu mra n'hao tâm phung oh nâu khân may du huê nơm mbơh lor tâm ban ma gâp.’

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

ហេឞ្រើ 2:1

Yor nây, ăn he rkêng tôr ueh lơn ma nau he tăng jêh, klach lah he mra roh nau nây.

II Pêtrôs 1:17

Yorlah Păng sŏk dơn jêh nau yơk jêh ri nau chrêk rmah bơh Brah Ndu jêng Mbơ̆, tơlah geh bâr ngơi tă bơh Nơm Dŭt Prêh Chrêk Rmah lah ma Păng: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.