Markôs 9:43 - Nau Brah Ndu Ngơi 2023

⁴³ Tơlah ti may nsŭk ma may ƀư tih, koh hom păng! Ueh lơn lŭt du ding ti ƀiălah dơi lăp tâm nau rêh, đah geh lĕ bar ti ƀiălah tŭp tâm ndrung ŭnh, tâm ŭnh mâu blau nhhât.

Bunong Bible Latin Script Cambodian dialect

⁴³ Lah say ti khân may leo jan nau tih koh mƀăr lơi ti i nây. Ueh rlau ma gŭ rêh jât năp tay rong du ding ti dơm, jêh ri dơn nau rêh n'ho ro, ma đah bar đah ti, jêh ri gŭ ta ntŭk i geh ŭnh hit mâu blao nhhŏt

Bunong

⁴³ លាស​ឆៃ​តី​ខាន់​មៃ​លែវ​ជាន​នាវ​តីស​ក៝ស​មអារ់​លើយ​តី​អី​នៃ។ អ្វែស​រាលាវ​មា​គុ​រេស​ជឹត​នាប់​តៃ​រ៝ង​ទូ​ទីង​តី​ទើម ជេសរី​ទើន​នាវ​រេស​នហ៝​រ៝ មា​ដាស​ឞារ​ដាស​តី ជេសរី​គុ​តា​នតុក​អី​គែស​អុញ​ហីត​មោ​ឞ្លាវ​ញហ៝ត់

Markôs 9:43 Iomraidhean Croise

Ndrom Samƀŭt bơh Yôp 20:13

Lah mâu ŭch chalơi nau djơh mhĭk, Păng hôm mât nau djơh mhĭk tâm mbung păng.

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Mathay 17:27

Ƀiălah gay mâu ƀư nau chêh prah ma khân păng, ăn may hăn ta dak mƀŭt chê̆ ndar ka, sŏk ka geh ndar lor lơn, pơk mbung păng, mra saơ du rêl prăk. Sŏk hom rêl prăk nây chê̆ pi ma Gâp nđâp ma may!”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Mathay 5:22

Ƀiălah Gâp lah ma khân ay may: Mbu nơm ji nuih ma oh nâu păng mra dơn nau bu phat dôih; mbu nơm suai rak ma oh nâu păng jêng ‘nau rluk’ khư dơn Mpôl Kôranh Phat Dôih sek uănh; mbu nơm suai rak ma oh nâu păng jêng brŭt ndrăng khư dơn nau rmal tâm ndrung ŭnh.

Luka 14:13

Ƀiălah tơlah may ndrăp nau sông sa, jă hom phung o ach, phung lŭt jâng ti, phung rvĕn, phung chieh măt

Luka 14:21

Oh mon nây plơ̆ sĭt mbơh nau nây ma kôranh păng. Kôranh ngih hao ji nuih, lah ma oh mon: ‘Hăn hom ro luh padih trong sâng jêh ri lĕ trong jê̆ tâm ƀon djôt leo phung o ach, phung lŭt jâng ti, phung chieh măt jêh ri phung rvĕn lăp ta aơ.’

Luka 3:17

Ti Păng djôt dông nsiăng kloh plên ba Păng nơm jêh ri rgum ba tâm jay; ƀiălah njŏk rhe su lơi tâm ŭnh mâu blau nhhât.”

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

I Kôrintô 9:27

Ƀiălah gâp nsrôih nsram đăp ma săk jăn gâp tâm nau dăng ngăn, nchâp păng ăn tông, klach lah jêh gâp nti lah ma bunuyh êng, ƀiălah Brah Ndu mƀăr lơi gâp nơm.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.