Markôs 8:34 - Nau Brah Ndu Ngơi 2023

³⁴ Jêh nây, Păng kuăl phung ƀon lan jêh ri phung oh mon tât jêh ri lah: “Tơlah mbu nơm ŭch tĭng Gâp, ăn păng dun êng păng nơm, tuy si tâm rkăng êng păng nơm gay tĭng Gâp.

Bunong Bible Latin Script Cambodian dialect

³⁴ Jêh ri Brah Yêsu kuăl phung ƀon lan, ndrel ma mpôl oh mon, Păng lah ma khân păng: “Bu moh păng i ŭch tâng Gâp, ăn mƀăr lơi ndơ săk păng nơm ŭch, jêh ri tui si tâm rkăng păng nơm, jêng geh nau khlay iăt nau Gâp, bol lah tât khât săk kađôi, ri mơ dơi tâng Gâp ngăn.

Bunong

³⁴ ជេសរី​ឞ្រាស​យេឆូ  ​ក្វាល់​ផូង​ប៝ន​លាន នទ្រែល​មា​មពោល​អ៝ស​ម៝ន ពាង់​លាស​មា​ខាន់​ពាង់៖ “ឞូ​ម៝ស​ពាង់​អី​អុច​តឹង​គ៝ប់ អ៝ន់​មអារ់​លើយ​នទើ​ឆាក់​ពាង់​នើម​អុច ជេសរី​តូយ​ឆី​តឹម​រាកាង់​ពាង់​នើម ជេង​គែស​នាវ​ខ្លៃ​អ្យាត់​នាវ​គ៝ប់ ឞ៝ល​លាស​ត៝ត់​ខឹត​ឆាក់​កាដោយ រី​មើ​ទើយ​តឹង​គ៝ប់​ងាន់។

Markôs 8:34 Iomraidhean Croise

I Phung Hađăch 14:8

Gâp hŏ pit sŏk jêh ƀon bri hađăch tă bơh ngih Y-Đavit jêh ri jao păng ma may. Ƀiălah may mâu tâm ban ma Y-Đavit, oh mon Gâp, jêng bunuyh djôt prăp lĕ nau vay ntăm bơh Gâp, lĕ nuih n'hâm hăn tĭng Gâp jêh ri ƀư knŏng nau di jêng sŏng tanăp măt Gâp.

Nau Kơp Bunuyh 14:24

Ƀiălah yorlah oh mon Gâp jêng Y-Kalep mâu geh du nau mĭn đah khân păng, ƀiălah păng hăn tĭng Gâp ma lĕ nuih n'hâm răp jăp, Gâp mra njŭn păng lăp tâm n'gor păng lĕ hăn n'hut uănh jêh; noi deh bunuyh mra dơi n'gor nĕ jêng drăp ndơn.

Mathay 10:38

Mbu nơm mâu tuy si tâm rkăng păng nơm tĭng Gâp, păng nây mâu khư ma Gâp ôh.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 27:32

Dôl khân păng hăn luh, khân păng saơ du huê bunuyh tă bơh ƀon Siren amoh păng Y-Simôn, jêh ri đă bunuyh nây tuy si tâm rkăng Brah Yêsu.

Markôs 10:21

Brah Yêsu uănh ma păng ma nau rŏng jêh ri lah: “May hôm pưt du ntil. Hăn hom, tăch lĕ rngôch ndơ may geh jêh ri tâm pă ma phung o ach, jêh nây may mra geh jay ndơ khlay klơ trôk; jêh nây văch hom tĭng Gâp.”

Markôs 7:14

Jêh ta nây, Brah Yêsu kuăl đŏng phung ƀon lan văch jêh ri lah: “Lĕ rngôch iăt hom Gâp jêh ri gĭt vât pô aơ:

Luka 13:24

Păng plơ̆ lah ma khân păng: “Nsrôih hom gay lăp tâm mpông huêt, yorlah Gâp lah ma khân may, âk bunuyh mra joi gay lăp ta nây ƀiălah mâu dơi lăp ôh.

Luka 14:33

Pônây lĕ, tơ lah mbu nơm tâm khân may mâu chalơi ma lĕ ndơ păng geh, păng mâu dơi jêng oh mon Gâp ôh.

Luka 18:22

Tơlah Brah Yêsu tăng nau nây, Păng lah: “May hôm pưt du ntil: Tăch hom lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk, jêh nây văch hom tĭng Gâp.”

Luka 20:45

Dôl phung ƀon lan gŭ iăt, Păng lah ma phung oh mon:

Luka 9:23

Păng lah ma lĕ rngôch: “Tơlah mbu nơm ŭch tĭng Gâp, ăn păng dun khân păng nơm, ăp nar tuy si tâm rkăng khân păng nơm gay tĭng Gâp.

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 19:17

Brah Yêsu tuy si tâm rkăng hăn tât ta du ntŭk bu kuăl jêng Ntŭk Nting Bôk, nau ngơi Hêbrơ kuăl jêng Gôgôtha.

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 6:6

He gĭt jêh ma bunuyh ơm he pâng kđĭn jêh ta si tâm rkăng ndrel ma Păng, gay ma kon bunuyh tih geh nau ƀư rai lơi, jêh ri he mâu hôm jêng dĭk ma nau tih ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:17

Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

I Kôrintô 15:31

Hơi oh nâu, ăp nar gâp gŭ dăch nau khĭt. Gâp ngơi kơt nây yor nau rnê êng gâp ma khân may tâm Brah Yêsu Krist, Kôranh Brah he.

I Kôrintô 8:13

Yor nây, tơlah ndơ sông sa ƀư ma nau chêh prah ma oh nâu, gâp mâu mra sa puăch ôh, gay ma mâu ƀư ma nau chêh prah ma oh nâu gâp.

I Kôrintô 9:19

Nđâp tơlah đah lĕ rngôch bunuyh, gâp jêng bunuyh kon me, ƀiălah gâp plơ̆ jêng dĭk ma lĕ rngôch gay ma dơi njŭn leo âk bunuyh tay.

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Galati 6:14

Bi ma gâp, gâp mâu ngơi ntưih ma moh ntil êng ôh, knŏng si tâm rkăng Kôranh Brah he jêng Brah Yêsu Krist. Yor si tâm rkăng nây, ma gâp neh ntu geh nau pâng kđĭn, jêh ri ma neh ntu gâp tâm ban lĕ.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 3:7

Ƀiălah yor Brah Krist, gâp uănh lĕ drăp ndơ geh ma gâp nơm tâm ban ma nau roh rai.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

II Têsalônik 3:11

Yorlah hên tăng jêh tâm phung khân may geh bunuyh gŭ rêh tâm nau ƀlao, mâu ŭch pah kan ôh, ƀiălah ŭch rkhŭk nau bunuyh ƀaƀă.

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

ហេឞ្រើ 13:13

Yor ri he hăn luh hom ndrel ma Păng ta padih pôih tahan, gay sŏk dơn nau bêk prêng ndrel ma Păng.

I Pêtrôs 4:1

Pôri, yorlah Brah Krist hŏ dơn jêh nau rêh ni tâm nglay săk, pôri khân may sŏk đŏng hom nau mĭn nây ƀư ndơ tâm lơ; yorlah mbu nơm dơn jêh nau rêh ni tâm nglay săk, păng mâu hôm ŭch ƀư nau tih,

I Pêtrôs 4:13

Ƀiălah ndah âk khân may geh kô̆ tâm nau rêh ni ndrel ma Brah Krist, răm maak dŭm nây; gay ma tơlah nau chrêk rmah Păng tâm mpơl, khân may geh đŏng nau răm maak, nau hâk răm ngăn.

II Pêtrôs 1:14

yorlah gâp gĭt hŏ tât jêh nôk gâp mra du gơnh bơh ngih njưh aơ, nâm bu Kôranh Brah he jêng Brah Yêsu Krist tâm mpơl jêh ma gâp.

I Yôhan 3:16

Tă bơh nau aơ, he gĭt năl jêh nau rŏng: Nây jêng Păng sân săk jêh nau rêh yor ma he. Pôri, ăn he sân săk nau rêh he yor ma phung oh nâu.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’