Markôs 8:33 - Nau Brah Ndu Ngơi 2023

³³ Ƀiălah Brah Yêsu rle măt uănh ma phung oh mon, jêh ri nduyh Y-Pêtrôs: “Hơi Satan, rŭch plơ̆ hom pakơi Gâp, yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Bunong Bible Latin Script Cambodian dialect

³³ Brah Yêsu rle uănh jât mpôl oh mon, jêh ri Păng lah Pêtrôs: “Hơi Satăng, may du ngai bơh Gâp hŏm, nau mân may mâu di đah nau mân Kôranh Brah ôh, nau mân nây tă bơh bunuyh dơm.”

Bunong

³³ ឞ្រាស​យេឆូ  ​រាលែ​អ្វាញ់​ជឹត​មពោល​អ៝ស​ម៝ន ជេសរី​ពាង់​លាស​ពេត្រោស  ៖ “ហើយ​ឆាតាង់  មៃ​ទូ​ងាយ​ឞើស​គ៝ប់​ហ៝ម់ នាវ​មឹន​មៃ​មោ​ទី​ដាស​នាវ​មឹន​កោរាញ​ឞ្រាស  ​អោស នាវ​មឹន​នៃ​តាៈ​ឞើស​ឞូនុយ្ស​ទើម”។

Markôs 8:33 Iomraidhean Croise

II Samuel 19:22

Ƀiălah Y-Đavit plơ̆ lah ma păng: “Hơi kon bu klâu H'Sêruya, moh nau gâp geh ƀư tih đah khân may, dĭng nar aơ khân may rlơ̆ jêng nâm bu bunuyh tâm rdâng đah gâp? Tâm du nar nâm bu ma nar aơ mâm ƀư nkhĭt tay du huê tâm phung Israel? Di lĕ gâp mâu gĭt nar aơ gâp jêng hađăch ma phung Israel?”

Ndrom Samƀŭt bơh Yôp 2:10

Păng plơ̆ lah: “Ay ngơi nâm bu du huê bu ur rluk. Mâm ƀư nau ueh uĭn tă bơh ti Brah Ndu ăn he sŏk dơn, bi nau mhĭk jŭr tă bơh ti Păng he mâu sŏk dơn bơh?” Tâm lĕ nau nây, Y-Yôp mâu geh tih tâm nau ngơi.

Nau Mprơ Ơm 141:5

Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

Kan Lêvi 19:17

Lơi geh nuih n'hâm tâm rkeh ma oh nâu khân may; nduyh hom nơm chiau meng gay mâu khan nau tih ndrel ma păng.

Mathay 15:23

Ƀiălah Păng mâu plơ̆ lah du nau ngơi ôh. Phung oh mon văch êp, jêh ri vơh dăn ma Păng pô aơ: “Dăn Kôranh đă ma bu ur nây plơ̆ sĭt, yorlah păng tĭng groi pakơi he jêh ri vơl dăn mro.”

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Markôs 3:34

Jêh nây Păng rle uănh ma phung âk gŭ jŭm Păng ta nây jêh ri lah: “Aơ jêng mê̆ Gâp jêh ri oh nâu Gâp!

Markôs 3:5

Păng uănh ma khân păng, ji nuih ƀă rngot ƀă yor nuih n'hâm khân păng dăng ngăn, jêh ri Păng lah ma bunuyh siăr ti: “Yơr ti may.” Nơm nây yơr ti ro, ti păng bah.

Luka 22:61

Brah Yêsu n'gĭl uănh ta Y-Pêtrôs. Y-Pêtrôs kah gĭt tay ma Nau Kôranh Brah hŏ ntăm jêh: “Nar aơ, lor ma iăr ndrau, may mra dun Gâp pe tơ̆.”

Luka 4:8

Brah Yêsu plơ̆ lah: “Geh nau nchih: ‘Ăn may yơk mbah ma Kôranh Brah, jêng Brah Ndu may, jêh ri knŏng pah kan knŏng du huê Păng dơm yơh!’ ”

Luka 9:55

Ƀiălah Brah Yêsu n'gĭl uănh nduyh bar hê khân păng; [jêh ri lah: “Khân may mâu gĭt moh brah nsŭk nsônh khân may;”]

I Kôrintô 5:5

he jao bunuyh ƀư pônây ma brah Satan ƀư rai nglay săk păng, gay ma huêng păng dơi tâm rklaih tâm nar Kôranh Brah.

Philip 3:19

Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

I Timôthê 5:20

Mpơl hom nau nduyh ma phung bunuyh vay ƀư tih, gay ma phung êng klach đŏng.

Titus 1:13

Nau mbơh aơ jêng ngăn. Yor ri, ăn may ƀư ngăn nau nduyh nkra khân păng, gay ma khân păng geh nau ktang tâm nau chroh,

I Pêtrôs 4:1

Pôri, yorlah Brah Krist hŏ dơn jêh nau rêh ni tâm nglay săk, pôri khân may sŏk đŏng hom nau mĭn nây ƀư ndơ tâm lơ; yorlah mbu nơm dơn jêh nau rêh ni tâm nglay săk, păng mâu hôm ŭch ƀư nau tih,

I Yôhan 2:15

Lơi rŏng ma neh ntu ôh ndrel ma lĕ ndơ tâm neh ntu. Tơlah du huê rŏng ma neh ntu nau Brah Ndu Mbơ̆ rŏng mâu gŭ tâm păng ôh.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!