Markôs 6:6 - Nau Brah Ndu Ngơi 2023

⁶ Brah Yêsu hih rhâl yor nuih n'hâm khân păng mâu chroh. Jêh nây yơh Brah Yêsu hăn nti lah lam lĕ ƀon jê̆ jê̆ dăch nây.

Bunong Bible Latin Script Cambodian dialect

⁶ Păng ndrŏt hih rhŏl ngăn yor ma mâu say khân păng geh nau nsing kơt nây. Jêh ri Brah Yêsu hăn rŏ ƀon êng êng, n'ho ma ntŭm nti ăn bu đŏng.

Bunong

⁶ ពាង់​នទ្រ៝ត់​ហីស​រាហ៝ល់​ងាន់​យ៝រ​មា​មោ​ឆៃ​ខាន់​ពាង់​គែស​នាវ​ញឆីង​កើត​នៃ។ ជេសរី​ឞ្រាស​យេឆូ  ​ហាន់​រ៝ៈ​ប៝ន​អេងៗ នហ៝​មា​នតុម​នតី​អ៝ន់​ឞូ​ដ៝ង់។

Markôs 6:6 Iomraidhean Croise

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Mathay 4:23

Brah Yêsu hăn lam n'gor Galilê, nti tâm ngih rƀŭn, mbơh nkoch Nau Mhe Mhan Ueh ma ƀon bri hađăch klơ trôk, jêh ri Păng ƀư bah ăp ntil nau ji kuet tâm phung ƀon lan.

Mathay 8:10

Tăng kơt nây, Brah Yêsu hih rhâl jêh ri lah ma phung tĭng Păng pô aơ: “Nanê̆, Gâp lah ma khân may, Gâp ê hŏ mâp saơ ôh du huê bunuyh tâm bri Israel geh nau chroh nâm bu pônây.

Mathay 9:35

Brah Yêsu hăn lam tâm ăp ƀon toyh, ƀon jê̆, nti tâm lĕ ngih rƀŭn, mbơh nkoch Nau Mhe Mhan Ueh ma ƀon bri hađăch klơ trôk jêh ri ƀư bah ăp ntil nau ji.

Markôs 1:39

Păng hăn lam tâm n'gor Galilê, mbơh nkoch tâm lĕ ngih rƀŭn jêh ri mprơh brah mhĭk.

Markôs 10:1

Bơh nây Brah Yêsu hăn lăp ma n'gor Yuđa jêh ri n'gor đah tê̆ dak krong Yurdan. Phung ƀon lan âk rgum ndrel jŭm Păng, jêh ri Păng ntĭm nti ma khân păng ƀoi kănđai ri lĕ.

Luka 13:22

Brah Yêsu hăn ăp ƀon, lam ƀon jê̆, n'ho ntĭm nti n'ho hăn trong tât ƀon Yêrusalem.

Luka 4:31

Kôranh Brah Yêsu hăn trŭnh ta ƀon Kapernum, tâm n'gor Galilê, jêh ri nti lah tâm nar saƀat.

Luka 4:44

Pôri, Păng mbơh nkoch tâm ngih rƀŭn ta n'gor Yuđa.

Yôhan 9:30

Bunuyh chieh măt plơ̆ lah: “Păng hŏ pơk jêh măt ma gâp ƀiălah khân may mâu gĭt mbah tă păng tât, mha ngăn nau nây.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.