Markôs 6:20 - Nau Brah Ndu Ngơi 2023

²⁰ yorlah Hêrôt klach ma Y-Yôhan, gĭt jêh păng jêng bunuyh sŏng srăng jêh ri bunuyh kloh ueh, rĭ dĭng king n'gang ma păng. Hađăch ŭch iăt Y-Yôhan ngơi, nđâp tơlah ăp tơ̆ jêh iăt nuih n'hâm hađăch vay rŭng răng.

Bunong Bible Latin Script Cambodian dialect

²⁰ Kađăch Hêrôt klach Yôhan-Ƀaptem, kơp păng bunuyh sŏng bunuyh kloh ueh. Ndri kađăch Hêrôt ŭch nking păng bơh Hêrôđias. Kađăch Hêrôt ŭch ngăn tăng nau păng ngơi, yơn ma nau ngơi i nây jan ăn ta nuih n'hâm kađăch Hêrôt geh nau mân rvê hô ngăn.

Bunong

²⁰ កាដាច់​ហេរោត  ​ក្លាច​យោហាន-​បាប់តែម  កើប​ពាង់​ឞូនុយ្ស​ឆ៝ង់​ឞូនុយ្ស​ក្ល៝ស​អ្វែស។ នទ្រី​កាដាច់​ហេរោត  ​អុច​ងកីង​ពាង់​ឞើស​ហេរោដៀស  ។ កាដាច់​ហេរោត  ​អុច​ងាន់​តាង់​នាវ​ពាង់​ងើយ យើន​មា​នាវ​ងើយ​អី​នៃ​ជាន​អ៝ន់​តា​នូយ្ស​នហ៝ម់​កាដាច់​ហេរោត  ​គែស​នាវ​មឹន​រាវៃ​ហោ​ងាន់។

Markôs 6:20 Iomraidhean Croise

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

II Phung Hađăch 13:14

Y-Êlisê geh nau ji, jêh ri yorlah nau ji nây păng khĭt. Alor, Y-Jôas, hađăch Israel, hăn trŭnh chop khâl păng, nhĭm tanăp măt păng jêh ri lung nter: “Hơi mbơ̆ gâp! hơi mbơ̆ gâp! Ndeh seh jêh ri phung tahan ncho seh Israel!”

II Phung Hađăch 6:21

Tơlah saơ khân păng, hađăch Israel ôp ma Y-Êlisê: “Hơi mbơ̆, dơi lĕ gâp nkhĭt lơi khân păng? Dơi lĕ gâp nkhĭt lơi khân păng?”

II Nau Rêh Jêng 24:2

Y-Jôas ƀư nau di tanăp măt Brah Yêhôva tâm lĕ rnôk rô̆ kôranh ƀư brah Y-Jêhôida hôm rêh.

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

Nau Ngluh Êjipt 11:3

Brah Yêhôva ăn phung ƀon lan geh nau yô̆ tanăp măt phung Êjipt. Khlay ngăn, tanăp măt phung oh mon Pharaôn tâm ban đŏng tanăp măt phung Êjipt, Y-Môis jêng nơm geh nau lư n'găr tâm n'gor Êjipt.

Êsêkiêl 33:32

Aơ, khân păng uănh may nâm bu du huê nuyh blau mprơ, geh bâr ueh jêh ri blau kreh gong rêng; khân păng iăt nau may lah ƀiălah khân păng mâu tĭng ƀư ôh.

Daniel 4:18

Nây jêng mbơi gâp, hađăch Nêbukatnetsar, saơ jêh. Bi may, Y-Beltisasar, mbơh hom ma gâp gĭt nau rblang, yorlah lĕ rngôch phung blau mĭn tâm ƀon bri hađăch gâp mâu dơi rblang ôh ma gâp, ƀiălah may dơi, yorlah huêng brah Brah Ndu kloh ueh gŭ tâm may.”

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Daniel 5:17

Tanăp hađăch, Y-Daniel plơ̆ lah: “Ăn may prăp ma may nơm lĕ ndơ ăn nây, jêh ri ăn nau nkhôm ma nơm êng! Ƀiălah, gâp mra răk rplay samƀŭt nchih nây jêh ri rblang ma may.

Mathay 14:5

nđâp tơlah hađăch Hêrôt ŭch nkhĭt Y-Yôhan, ƀiălah păng klach ma phung ƀon lan, yorlah khân păng uănh ma Y-Yôhan jêng nơm mbơh lor.

Mathay 21:26

Bi tơlah he lah: ‘Tă bơh kon bunuyh’ he klach ma phung ƀon lan, yorlah lĕ rngôch bunuyh uănh ma Y-Yôhan jêng du huê nơm mbơh lor.”

Markôs 11:18

Nôk tăng nau aơ, phung kôranh ƀư brah toyh jêh ri phung kôranh nchih samƀŭt joi trong gay nkhĭt Păng. Khân păng klach ma Păng, yorlah lĕ rngôch phung âk hih rhâl ma nau Păng ntĭm nti.

Markôs 4:16

Tâm ban lĕ, lĕ găr srih ta ntŭk neh lŭ jêng phung bunuyh jêh tăng nau ngơi răm maak sŏk dơn ro;

Yôhan 5:35

Y-Yôhan jêng ŭnh kađen mpoh hit ang, bi khân may ŭch geh nau maak ƀât lât tâm nau ang păng.

Kôranh Oh Mon 2:12

Lĕ rngôch bunuyh hih rhâl ngăn jêh ri rŭng răng da dê, lah ndrăng khân păng nơm: “Moh nau geh ntĭt aơ?”

Kôranh Oh Mon 5:24

Kôranh chiă uănh ngih brah jêh ri phung kôranh ƀư brah toyh tăng lĕ nau ngơi nây, geh nau uh ah ma phung oh mon jêh ri mâu gĭt nau nây mra tât mâm nau.