Markôs 3:7 - Nau Brah Ndu Ngơi 2023

⁷ Brah Yêsu du ndrel ma phung oh mon hăn der mpeh ta dak mƀŭt; geh du mpôl bunuyh âk ngăn tă bơh n'gor Galilê văch tât tĭng Brah Yêsu. Rlau ma nây geh đŏng phung mpôl bu nuyh êng tă bơh Yuđa,

Bunong Bible Latin Script Cambodian dialect

⁷ Jêh ri Brah Yêsu lôh bơh ntŭk nây hăn ta nglao kuŏng Galilê ndrel mpôl oh mon Păng. Geh ŏk phung ƀon lan hăn tâng Păng, phung i nây tă bơh bri Galilê bơh bri Yuđa,

Bunong

⁷ ជេសរី​ឞ្រាស​យេឆូ  ​លោស​ឞើស​នតុក​នៃ​ហាន់​តា​ងលៅ​ក្វ៝ង់​កាលីលេ  ​នទ្រែល​មពោល​អ៝ស​ម៝ន​ពាង់។ គែស​អ៝ក់​ផូង​ប៝ន​លាន​ហាន់​តឹង​ពាង់ ផូង​អី​នៃ​តាៈ​ឞើស​ឞ្រី​កាលីលេ  ​ឞើស​ឞ្រី​យូដា  ‌

Markôs 3:7 Iomraidhean Croise

Mathay 10:23

Tơlah bu ƀư mhĭk ma khân may tâm ƀon nây, hăn du hom ta ƀon ri; yorlah nanê̆, Gâp lah ma khân may, khân may ê hŏ lam ôh lĕ ƀon Israel nôk nây Kon Bunuyh plơ̆ văch jêh.”

Mathay 12:15

Ƀiălah Brah Yêsu gĭt nau nây, Păng du tă bơh nây. Geh âk bunuyh tĭng Păng, jêh ri Păng ƀư bah lĕ rngôch khân păng.

Mathay 12:16

Păng buay mprân khân păng mâu dơi mbơh ma bu gĭt Păng.

Mathay 4:25

Geh âk bunuyh hăn tĭng Păng tă bơh n'gor Galilê, ƀon Đêkapôlis, ƀon Yêrusalem, n'gor Yuđa jêh ri tă bơh bri kăl tê̆ dak krong Yurdan hăn tĭng Păng.

Markôs 1:39

Păng hăn lam tâm n'gor Galilê, mbơh nkoch tâm lĕ ngih rƀŭn jêh ri mprơh brah mhĭk.

Markôs 1:45

Ƀiălah bunuyh nây hăn, ntơm mbơh nkoch nau nây lam ntŭk, nkoch bri lĕ ntil nau nây, kŏ tât Brah Yêsu mâu hôm dơi mpơl ôh tâm ƀon nây, Păng gŭ tâm ntŭk bri rdah padih ƀon. Phung ƀon lan tă bơh lam ntŭk hăn tât ta Păng.

Markôs 3:20

Brah Yêsu plơ̆ sĭt ta ngih; geh phung âk văch rgum ta nây, kŏ tât Păng jêh ri phung oh mon mâu geh sông sa.

Markôs 4:1

Brah Yêsu ntơm nti lah êp meng kơh dak mƀŭt. Geh du mpôl bunuyh âk ngăn gŭ jŭm Păng, yor ri Păng hăn trŭnh gŭ tâm plŭng, bi lĕ rngôch phung ƀon lan gŭ klơ kơh.

Luka 23:5

Ƀiălah khân păng ăt lah: “Bunuyh aơ nsŭk nsôr phung ƀon lan, nti lah lam n'gor Yuđa, ntơm bơh n'gor Galilê tât ta ntŭk aơ.”

Luka 6:12

Tâm lĕ nar nây, Brah Yêsu hăn hao klơ yôk gay mbơh sơm; Păng rngeh lĕ du măng gay mbơh sơm ma Brah Ndu.

Luka 6:17

Păng hăn jŭr ndrel ma phung kôranh oh mon jêh ri dâk ta ntŭk neh lâng. Geh âk phung oh mon Păng ndrel ma phung bunuyh âk ngăn bơh lam n'gor Yuđa, bơh ƀon Yêrusalem, jêh ri tă bơh n'gor kơh dak mƀŭt ƀon Tyre, ƀon Sidôn văch gay iăt Brah Yêsu ntĭm nti jêh ri gay dơi ƀư bah nau ji kuet.

Yôhan 7:41

Ƀaƀă phung êng lah: “Aơ jêng Brah Krist.” Ƀiălah ƀaƀă phung êng lah tay đŏng: “Brah Krist văch tă bơh n'gor Galilê ƀơh?

Yôhan 7:52

Khân păng plơ̆ lah: “May ăt jêng bunuyh n'gor Galilê lĕ ƀơh? Sek uănh hom may mra saơ pô aơ mâu geh ôh du huê nơm mbơh lor luh tă bơh n'gor Galilê.” [

Kôranh Oh Mon 17:10

Dôl măng nây, phung oh nâu njŭn Y-Pôl ndrel ma Y-Silas hăn ta ƀon Bêrê; tât ta nây, khân păng lăp tâm ngih rƀŭn Yuđa.

Kôranh Oh Mon 17:14

Ƀât lât, phung oh nâu njŭn Y-Pôl hăn mpeh ta dak mƀŭt, bi Y-Silas jêh ri Y-Timôthê ăt hôm gŭ ta ƀon Bêrê.

Yôsuê 20:7

Pônây, phung ƀon lan Israel prăp êng ƀon Kêdês tâm bri Galilê, bri klơ dor Naptali, ƀon Sichem tâm bri klơ dor Êphraim jêh ri ƀon Kiriat-Arba, jêng Hêbron, tâm bri klơ dor yôk Yuđa.

Yôsuê 21:32

Bu sŏk đŏng lĕ ƀon bơh ndŭl mpôl Naptali, nây jêng ƀon Kêdês tâm bri Galilê, jêng ƀon du krap prăp ma nơm lăn lêh ti nkhĭt bunuyh jêh ri lĕ ndrêch gơ̆ gŭ văr jŭm păng; ƀon Hamôt-Dôrơ jêh ri lĕ ndrêch gơ̆ gŭ văr jŭm păng; ƀon Kartan jêh ri lĕ ndrêch gơ̆ gŭ văr jŭm păng; lĕ rngôch jêng pe rplay ƀon.