Markôs 2:8 - Nau Brah Ndu Ngơi 2023

⁸ Tâm nau mĭn Brah Yêsu gĭt năl ro lĕ moh nau khân păng lah ndrăng khân păng jêh ri Păng lah: “Mâm ƀư tâm nuih n'hâm khân may geh nau mĭn êng kơt nây?

Bunong Bible Latin Script Cambodian dialect

⁸ Yơn ma Brah Yêsu gĭt ro lĕ nau khân păng nklŏn kơt nây, Păng lah ma khân păng: “Mơm dâng khân may geh nau mân kơt nđay?

Bunong

⁸ យើន​មា​ឞ្រាស​យេឆូ  ​គឹត​រ៝​លែៈ​នាវ​ខាន់​ពាង់​ងក្ល៝ន់​កើត​នៃ ពាង់​លាស​មា​ខាន់​ពាង់៖ “មើម​ទឹង​ខាន់​មៃ​គែស​នាវ​មឹន​កើត​នអៃ?

Markôs 2:8 Iomraidhean Croise

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 139:2

May gĭt lĕ dôl gâp gŭ, dôl gâp dâk; Ntơm bơh ngai may gĭt rah vah nau mĭn gâp.

Nau Hôr 15:26

Nau mĭn djơh mhĭk jêng nau tâm rmot đah Brah Yêhôva, Ƀiălah nau kloh ueh dơi ƀư ueh nuih n'hâm Păng.

Nau Hôr 24:9

Nau mĭn rluk jêng nau tih; Bunuyh mưch bu mra tâm rmot.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsêkiêl 38:10

Kôranh Brah Yêhôva lah: “Tâm lĕ rngôch nar nây, geh nau mĭn mra nsĭch tâm rngok may jêh ri may mra geh mĭn nkra nau ƀư ƀai.

Mathay 12:15

Ƀiălah Brah Yêsu gĭt nau nây, Păng du tă bơh nây. Geh âk bunuyh tĭng Păng, jêh ri Păng ƀư bah lĕ rngôch khân păng.

Mathay 16:7

Phung oh mon nchră ndrăng khân păng jêh ri lah: “Yorlah he mâu geh piăng let.”

Mathay 9:4

Brah Yêsu hŏ gĭt jêh nau mĭn khân păng, Păng lah: “Mâm ƀư khân may geh nau mĭn mhĭk tâm nuih n'hâm kơt nây?

Markôs 2:7

“Mâm ƀư bunuyh aơ ngơi kơt nây? Ngơi sưr rlau ngăn yơh! Mbu moh dơi yô̆ an nau tih, knŏng du huê Brah Ndu dơm yơh?”

Markôs 2:9

Tĭng khân may, lah Gâp lah ma bunuyh rvĕn pô aơ: ‘Nau tih may hŏ yô̆ an jêh,’ jêh ri đă: ‘Dâk hom, tuy sưng bê̆ch may jêh ri chuat hăn’ moh nau dơh lơn?

Markôs 7:21

Yorlah tă bơh tâm trôm, tă bơh nuih n'hâm bunuyh du luh nau mĭn djơh nâm bu: nau văng tĭr, nau ntŭng, nau nkhĭt bunuyh,

Luka 24:38

Brah Yêsu lah: “Mâm ƀư khân may rŭng răng jêh ri nuih n'hâm khân may ăt hôm vĭ vĕ pônây?

Luka 5:22

Ƀiălah Brah Yêsu gĭt jêh nau mĭn khân păng, jêh ri lah pô aơ: “Mâm ƀư khân may mĭn êng tâm nuih n'hâm tâm ban pônây?

Luka 6:8

Brah Yêsu gĭt nau mĭn khân păng jêh ri lah ma bunuyh siăr ti pô aơ: “Dâk hom ta nklang aơ.” Păng dâk jêh ri văch tât ta nây.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Yôhan 6:64

Ƀiălah geh ƀaƀă bunuyh tâm phung khân may mâu chroh ôh.” Yorlah bơh saơm, Brah Yêsu hŏ gĭt jêh mbu nơm mâu ŭch chroh jêh ri mbu nơm mra ƀư rlăng ma Păng.

Kôranh Oh Mon 5:3

Y-Pêtrôs lah: “Hơi Y-Ananias! Mâm ƀư ăn Satan bêng tâm nuih n'hâm may, kŏ tât may ngơi mƀruh Brah Huêng Ueh gay prăp tay du kô̆ rnoh prăk tăch neh nây?

Kôranh Oh Mon 8:22

Pôri, rmal hom ma nau mhĭk may jêh ri mbơh sơm ma Kôranh Brah, gay Păng mra yô̆ an nau mĭn nây tâm nuih n'hâm may.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.