Markôs 2:26 - Nau Brah Ndu Ngơi 2023

²⁶ Tâm rô̆ Y-Abiathar ƀư kôranh ƀư brah toyh lơn, Y-Đavit hŏ lăp tâm ngih Brah Ndu jêh ri sa piăng let nhhơr jêh ri ăn ma phung bunuyh hăn tĭng păng sa đŏng, nđâp lah piăng let nây knŏng ăn phung kôranh ƀư brah dơm dơi vay sa.”

Markôs 2:26 Iomraidhean Croise

II Samuel 15:24

Ta nây geh đŏng Y-Sadôk jêh ri lĕ rngôch phung Lêvi tung Hip Nau Tâm Rnglăp Brah Ndu. Khân păng njuyh Hip Nau Tâm Rnglăp Brah Ndu ta neh, jêh nây Y-Abiathar hăn lor panăp kŏ tât nôk lĕ rngôch phung ƀon lan hŏ du luh jêh tă bơh ƀon.

II Samuel 15:29

Pôri, Y-Sadôk jêh ri Y-Abiathar tung Hip Nau Tâm Rnglăp Brah Ndu plơ̆ sĭt ma ƀon Yêrusalem, jêh ri khân păng ăt gŭ ta nây.

II Samuel 15:35

Mâu di hĕ lĕ kôranh ƀư brah Y-Sadôk jêh ri Y-Abiathar dôl gŭ ndrel may ta nây? Lĕ rngôch nau may tăng tă bơh ngih hađăch, mbơh hom ma lĕ kôranh ƀư brah Y-Sadôk jêh ri Y-Abiathar.

II Samuel 20:25

Y-Sêva jêng kôranh nchih samƀŭt; Y-Sadôk jêh ri Y-Abiathar jêng phung kôranh ƀư brah.

II Samuel 8:17

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; jêh ri Y-Sêraya jêng kôranh nchih samƀŭt;

I Phung Hađăch 1:7

Y-Adônija tâm nchră đah Y-Jôap, kon H'Sêruya jêh ri ndrel ma kôranh ƀư brah Y-Abiathar; jêh ri khân păng ŭch tĭng mpeh Y-Adônija jêh ri kơl păng.

I Phung Hađăch 2:22

Ƀiălah hađăch Salômôn plơ̆ lah ma mê̆: “Mâm ƀư mê̆ dăn ăn H'Abisak, bunuyh Sunamit, ma Y-Adônija? Mâm dĭng ay mâu dăn ƀon bri hađăch aơ ăn ma păng, yorlah păng jêng nâu gâp! Mâm dĭng ay mâu dăn ăn păng kôranh ƀư brah Y-Abiathar jêh ri Y-Jôap, phung kon bu klâu H'Sêruya ma păng!”

I Phung Hađăch 4:4

Y-Bênaya, kon bu klâu Y-Jêhôida, kôranh chiă uănh toyh tâm lĕ lĭng tahan; Y-Sadôk jêh ri Y-Abiathar jêng phung kôranh ƀư brah.

I Nau Rêh Jêng 24:6

Kôranh nchih samƀŭt Y-Sêmaya, kon Y-Nêthanel, tâm ndŭl mpôl Lêvi, nchih amoh khân păng tâm samƀŭt tanăp hađăch jêh ri phung kôranh chiă uănh, tanăp phung kôranh ƀư brah Y-Sadôk, Y-Ahimêlek kon Y-Abiathar, jêh ri tanăp phung kôranh tâm noi deh ma phung kôranh ƀư brah jêh ri phung Lêvi. Bu nchroh n'hôr du noi deh tâm phung kon sau Y-Êlêasar jêh nây tât ma noi deh tâm phung kon sau Y-Ithamar.

Mathay 12:4

Păng lăp tâm ngih Brah Ndu jêh ri sa piăng let nhhơr, piăng let nây păng jêh ri phung hăn ndrel păng mâu dơi vay sa ôh, knŏng prăp êng ma phung kôranh ƀư brah.

Markôs 2:25

Brah Yêsu lah: “Mâm khân may ê hŏ rŏ ma nau Y-Đavit hŏ ƀư tơlah păng ndrel ma phung hăn tĭng păng dôl geh nau ji ngot?

I Samuel 21:1

Y-Đavit hăn tât ta ƀon Nôp, tâm mâp ma kôranh ƀư brah Y-Ahimalek. Y-Ahimalek hăn văch tâm mâp ma Y-Đavit, klach sâr jêh ri ôp: “Mâm ƀư may hăn êng du huê mâu geh nuyh hăn ndrel ma may?”

I Samuel 23:6

Tơlah kon Y-Ahimalek jêng Y-Abiathar, nchuăt du krap ndrel ma Y-Đavit, păng geh djôt du êphôt, jêh ri ndrel ma Y-Đavit hăn tât ta Keila.

I Samuel 23:9

Ƀiălah Y-Đavit gĭt pô aơ Y-Sôl chră ŭch ƀư mhĭk ma păng, păng lah ma kôranh ƀư brah Y-Abiathar: “Djôt leo hom êphôt văch ta aơ.”