Markôs 2:20 - Nau Brah Ndu Ngơi 2023

²⁰ Ƀiălah tât nôk bu sŏk lơi bu klâu gŭ ur tă bơh khân păng, tâm nar nây khân păng mra ât sông sa.

Bunong Bible Latin Script Cambodian dialect

²⁰ Gâp tâm ban ma bu klô nđăp ur sai, tât di nar ri tay bu tâm nkhah Gâp đah mpôl oh mon Gâp, ta nar i nây khân păng ăt sông sa.

Bunong

²⁰ គ៝ប់​តឹម​ឞាន​មា​ឞូ​ក្លោ​នអាប់​អូរ​ឆាយ ត៝ត់​ទី​នារ​រី​តៃ​ឞូ​តឹម​ងខាស​គ៝ប់​ដាស​មពោល​អ៝ស​ម៝ន​គ៝ប់ តា​នារ​អី​នៃ​ខាន់​ពាង់​អ៝ត់​ឆោង​ឆា។

Markôs 2:20 Iomraidhean Croise

Nau Mprơ Ơm 45:11

Jêh ri hađăch mra ŭch ma nau ueh ay. Yor păng jêng kôranh ay, yơk mbah hom ma păng.

Nau Mprơ Ueh 3:11

Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Mathay 26:31

Nôk nây, Brah Yêsu lah ma khân păng pô aơ: “Măng aơ lĕ rngôch khân may mra cha lôt yor Gâp, tâm ban geh nchih pô aơ: ‘Gâp mra lơh bunuyh rmăk biăp, Jêh ri biăp tâm phung biăp mra nchah rai pru pra.’

Mathay 9:15

Brah Yêsu plơ̆ lah: “Mâm ƀư phung bu jă râng nau nhêt sông tâm nkol ur sai ƀiălah rngot muh măt tâm nôk bu klâu ntơm gŭ ur gŭ ndrel đah khân păng? Ƀiălah tât ta nar bu kuăl bu klâu nây du tă bơh khân păng, nôk nây khân păng mra ât sông sa.

Markôs 2:19

Brah Yêsu plơ̆ sĭt lah: “Mâm ƀư phung bu jă râng nau nhêt sông tâm nkol ur sai ât sông sa dôl bu klâu gŭ ur hôm gŭ ndrel ma khân păng? Dôl bu klâu gŭ ur hôm gŭ ndrel ma khân păng, khân păng mâu dơi ât sông sa ôh.

Markôs 2:21

Mâu geh du huê bunuyh jĭm bok mhe ndop đah ao ơm ôh; lah ƀư pônây blah bok mhe mra ƀư sat ao ơm, ntŭk sat mra hêk huy lơn.

Luka 17:22

Păng lah tay ma phung oh mon: “Mra geh nar tâm rnôk khân may ŭch saơ du nar Kon Bunuyh, ƀiălah mâu dơi saơ păng ôh.

Luka 5:35

Ƀiălah tât nar bunuyh klay dơi djôt leo bơh khân păng, ri mơ tâm lĕ nar nây khân păng ât sông sa.”

Yôhan 12:8

Khân may geh bunuyh o ach gŭ ndrel ma khân may ƀaƀơ, Ƀiălah khân may mâu hôm geh Gâp ƀaƀơ ôh.”

Yôhan 13:33

Hơi phung kon jê̆, Gâp mâu hôm gŭ ndrel ma khân may jŏ jong ôh. Khân may mra joi Gâp, jêh ri tâm ban Gâp lah jêh ma phung Yuđa: ‘Ta ntŭk Gâp hăn khân may mâu dơi hăn ôh,’ pôri aƀaơ Gâp lah ma khân may tâm ban lĕ.

Yôhan 16:28

Gâp luh jêh tă bơh Mbơ̆ văch ta neh ntu, jêh ri Gâp du tă bơh neh ntu gay plơ̆ sĭt ma Mbơ̆.”

Yôhan 16:7

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may.

Yôhan 17:11

Kon mâu hôm gŭ ta neh ntu ôh, Kon plơ̆ sĭt tay ta Mbơ̆, ƀiălah khân păng gŭ ta neh ntu. Ơ Mbơ̆ Kloh Ueh ơi! Dăn mât uănh khân păng tâm amoh Mbơ̆, jêng amoh Mbơ̆ hŏ ăn jêh ma Kon, gay ma khân păng jêng nguay tâm ban ma He.

Yôhan 17:13

Ƀiălah aƀaơ Kon plơ̆ sĭt ma Mbơ̆, jêh ri Kon lah lĕ nau aơ dôl hôm gŭ tâm neh ntu, gay ma nau răm rhơn Kon bêng nŭm tâm khân păng nơm.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Kôranh Oh Mon 1:9

Jêh Păng ngơi nau nây, Brah Ndu chông Păng hao klơ trôk, dôl phung oh mon gŭ uănh Păng. Geh du ndâr tŭk nkŭm ndâp Păng tă bơh măt khân păng.

Kôranh Oh Mon 14:23

Jêh khân păng săch phung kôranh bu ranh tâm ăp Phung Ngih Brah Ndu, bar hê kôranh oh mon mbơh sơm, ât sông sa, jêh ri jao phung nây ma Kôranh Brah jêng Nơm khân păng rnơm nsing.

Kôranh Oh Mon 3:21

Nơm nây mra dơi prăp klơ trôk kŏ tât rnôk lĕ rngôch ndơ njêng tay, tâm ban Brah Ndu hŏ lah ma bâr mbung phung nơm mbơh lor kloh ueh ntơm bơh rbăn năm kăl e.

I Kôrintô 7:5

Lơi tâm dun ndrăng khân ay may ôh, knŏng tơlah lĕ bar ding du ai ƀât lât, prăp êng mông nar ma nau mbơh sơm, ƀiălah pakơi nây plơ̆ gŭ ndrel, klach lah Satan ndơm khân ay may tâm nôk khân ay may mâu dơi ât.

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

II Kôrintô 11:27

dơn nau hŏt rgănh, âk tơ̆ gâp rngeh măng, ji ngot, ji hir, âk tơ̆ ât sông sa, ji kăt ji go, gŭ săk hưl.

II Kôrintô 6:5

bu dong, bu krŭng, uh ah, pah kan hŏt rgănh, mâu geh bê̆ch, ver sông sa;

Nau Tâm Mpơl 19:7

Răm maak hom, hâk maak hom, tâm rnê hom ma Păng, yorlah rƀŭn tâm nsông Kon Biăp tât jêh jêh ri Ur Păng ndrăp lor jêh săk păng.

Nau Tâm Mpơl 21:9

Du huê tâm pơh nuyh tông mpăr djôt pơh mlâm ngan dơ bêng ma pơh nau tât nglĕ dŭt văch ngơi đah gâp pô aơ: “Văch hom, gâp mra ntĭm ma may saơ Ƀăn jêng Ur ma Kon Biăp.”