Markôs 13:8 - Nau Brah Ndu Ngơi 2023

⁸ Yorlah phung ƀon lan aơ mra tâm rdâng đah phung ƀon lan êng, bri dak tê̆ mra tâm rdâng đah bri dak ri. Mra geh nau n'găr neh ta âk ntŭk, jêh ri tât nau sât ji ngot. Nau nây jêng knŏng nau ntơm ma nau rêh ni.

Bunong Bible Latin Script Cambodian dialect

⁸ Du mpôl tâm lơh đah du mpôl êng jât, du bri dak tâm lơh đah du bri dak êng jât, ntŭk ƀaƀă geh nau n'găr neh, ndrel ma geh nau ji sŏt ji ngot kuŏng ta ntŭk êng êng. Yơn ma nau jêr i nây jêng ntơm nau jêr dơm, tâm ban ma nau bu ur ntơm tât ji ndŭl gŭ oh.

Bunong

⁸ ទូ​មពោល​តឹម​លើស​ដាស​ទូ​មពោល​អេង​ជឹត ទូ​ឞ្រី​ទាក​តឹម​លើស​ដាស​ទូ​ឞ្រី​ទាក​អេង​ជឹត នតុក​បាបាៈ​គែស​នាវ​ងគារ់​នែស នទ្រែល​មា​គែស​នាវ​ជី​ឆ៝ត់​ជី​ង៝ត​ក្វ៝ង់​តា​នតុក​អេងៗ។ យើន​មា​នាវ​ជេរ​អី​នៃ​ជេង​នតើម​នាវ​ជេរ​ទើម តឹម​ឞាន​មា​នាវ​ឞូ​អូរ​នតើម​ត៝ត់​ជី​នទុល​គុ​អ៝ស។

Markôs 13:8 Iomraidhean Croise

II Nau Rêh Jêng 15:6

Bri dak aơ tŭn jot bri dak ri, ƀon aơ tŭn jot ƀon êng, yorlah Brah Ndu ƀư rŭng răng khân păng tâm ăp ntil nau rêh ni.

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 37:3

Khân păng lah ma Y-Êsai: “Y-Hêsêkia lah kơt aơ: ‘Nar aơ jêng nar rŭng răng, nau nduyh jêh ri nau bêk prêng; tâm ban bu ur lĕ tât nôk deh kon jêh ƀiălah mâu tŏng suan gay deh kon ôh.

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 25:32

Brah Yêhôva ma phung tahan lah: ‘Aơ, nau mhĭk mra lam ntŭk Bơh bri dak aơ rlet ma bri dak êng, Du rơh sial phŭt hâu ngăn văch tât Tă bơh ntŭk ngai ngăn ta neh ntu.’

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Yêrêmi 49:24

Ƀon Damas hŏ râm nsâr jêh, ndôn kơi nchuăt du, Nau klach krit chiă uănh păng; Păng rngot rvê nđêh nji, Nâm bu du huê bu ur veng deh.

Yêrêmi 50:43

Tăng lư nau nây, Ti jâng hađăch Babilôn hươi ra ai ngăn, Nau klach krit rêt nâp ta păng Ƀư ma păng ji kruăn rêt nâm bu ur ji deh.

Yêrêmi 6:24

Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 14:13

Tâm nar nây, Brah Yêhôva mra ƀư nau rŭng răng toyh tâm khân păng; pôri ăp nơm mra kuăn phung chiau meng păng, jêh ri khân păng tâm lơh ndrăng khân păng nơm.

Mathay 24:8

Lĕ rngôch nau nây knŏng jêng nau ntơm dôl ji deh kon.

Markôs 13:7

Nôk khân may tăng bu lah ma nau tâm lơh jêh ri tăng bu nkoch ma nau tâm lơh, lơi rŭng răng; ƀiălah ê hŏ tât nglĕ dŭt ôh.

Markôs 13:9

Bi ma khân may, ăn khân may njrăng yorlah bu mra jao khân may ma phung kôranh phat dôih; bu mra dong khân may tâm lĕ ngih rƀŭn; jêh ri yor ma Gâp, khân may mra gŭ panăp phung kôranh n'gor jêh ri phung hađăch gay mbơh ma khân păng.

Kôranh Oh Mon 11:28

Du huê tâm phung khân păng, amoh păng Y-Agabus dâk, yor Brah Huêng Ueh mbơh lor mra geh nau sa sât ji ngot toyh lam neh ntu; nau sa sât ji ngot nây tât ngăn tâm rnôk hađăch Klôt chiă uănh.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

Nau Tâm Mpơl 6:4

Du mlâm seh chăng êng tâm mpơl. Nơm ncho seh nây geh nau dơi sŏk lơi jêh nau đăp mpăn bơh neh ntu gay ma bu tâm nkhĭt ndrăng băl păng nơm; bu ăn jêh ma păng du mlâm đao gưm toyh.