Markôs 13:27 - Nau Brah Ndu Ngơi 2023

²⁷ Păng mra njuăl phung tông mpăr tâm rgum phung Păng hŏ săch jêh lam puăn njônh, ntơm bơh bôl trôk tât ma bôl dŭt neh.

Bunong Bible Latin Script Cambodian dialect

²⁷ Jêh ri Gâp njuăl phung tông păr Gâp hăn ăp puăn njônh bri lam neh ntu, ntơm mpeh bơh lôh nar tât mpeh bơh nhŏp nar, gay ma rgum lĕ mpôl i Kôranh Brah nơm lĕ kơih nơh.

Bunong

²⁷ ជេសរី​គ៝ប់​ញជ្វាល់​ផូង​តោង​ពារ់​គ៝ប់​ហាន់​អាប់​ព្វាន់​ញជោញ​ឞ្រី​លាម​នែស​នតូ នតើម​មពែស​ឞើស​លោស​នារ​ត៝ត់​មពែស​ឞើស​ញ៝ប់​នារ គៃ​មា​រាគូម​លែៈ​មពោល​អី​កោរាញ​ឞ្រាស​នើម​លែៈ​កើយ្ស​នើស។

Markôs 13:27 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Mathay 12:42

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Mathay 13:49

Nâm bu pônây lĕ ta nar lôch neh ntu, phung tông mpăr mra văch, tâm pă phung mhĭk bơh phung sŏng srăng,

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Markôs 13:20

Tơlah Kôranh Brah mâu ăn n'hŭch gleh lĕ nar nây, pôri mâu geh du huê bunuyh dơi rklaih; ƀiălah yor phung Păng hŏ săch rĭ dĭng Păng n'hŭch gleh lĕ nar nây.

Markôs 13:22

Lĕ bunuyh nklă amoh Brah Krist jêh ri phung nơm mbơh lor nklă mra mpơl; khân păng ƀư lĕ nau mbên khlay, nau khlay toyh ngăn gay lah dơi ƀư, khân păng ndơm nđâp ma phung hŏ săch jêh.

Markôs 13:28

Sŏk hom nau nti ntơm bơh tơm rvi, dôl tơm ntơm chăt nkeh nse, luh n'ha ri mơ khân may gĭt yan vai bơi tât jêh.

Luka 16:22

Bunuyh o ach nây khĭt, tông mpăr Brah Ndu leo păng n'gân tâm ntang ntơh Y-Abraham. Bunuyh ndrŏng khĭt đŏng jêh ri bu leo tâp păng.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

Nau Vay Nkah Tay 30:4

Nđâp lah bu nsot khân may gŭ tâm ntŭk ngai dŭt trôk, bơh nây Yêhôva Brah Ndu khân may mra rgum tay khân may jêh ri djôt leo khân may plơ̆ sĭt.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

II Têsalônik 2:1

Hơi phung oh nâu, nau plơ̆ văch Kôranh Brah he jêng Brah Yêsu Krist, jêh ri nau rgum he ndrel ma Păng, hên dăn khân may

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!