Markôs 13:11 - Nau Brah Ndu Ngơi 2023

¹¹ Tơlah bu jao khân may ma nau phat dôih, lơi rvê lor ma nau khân may mra ngơi, ƀiălah ta mông nây, ngơi hom tĭng nau ngơi mra ăn ma khân may; yorlah mâu di khân may mra ngơi ôh, ƀiălah Brah Huêng Ueh yơh.

Bunong Bible Latin Script Cambodian dialect

¹¹ Tât bu nhŭp khân may njŭn ta ntŭk phat dôih, nôk nây lơi ôh rvê lor ma nau i khân may ngơi nây, ăn khân may ngơi tâng nau Brah Huêng Ueh ăn ma khân may, yor ma nau ngơi i nây mâu ôh lôh tă bơh săk khân may nơm, tă bơh Brah Huêng Ueh i kloh ueh ri.

Bunong

¹¹ ត៝ត់​ឞូ​ញុប​ខាន់​មៃ​ញជុន​តា​នតុក​ផាត​ទោយ្ស នោក​នៃ​លើយ​អោស​រាវៃ​ល៝រ​មា​នាវ​អី​ខាន់​មៃ​ងើយ​នៃ អ៝ន់​ខាន់​មៃ​ងើយ​តឹង​នាវ​ឞ្រាស​ហ្វេង​អ្វែស​អ៝ន់​មា​ខាន់​មៃ យ៝រ​មា​នាវ​ងើយ​អី​នៃ​មោ​អោស​លោស​តាៈ​ឞើស​ឆាក់​ខាន់​មៃ​នើម តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស​រី។

Markôs 13:11 Iomraidhean Croise

II Samuel 23:2

Huêng Brah Yêhôva ăn ma gâp nau ngơi Păng, Jêh ri nau Păng ngơi gŭ ta mpiăt gâp.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Mathay 10:17

Njrăng hom bunuyh ta neh ntu, yorlah khân păng mra nhŭp jao khân may ma Mpôl Kôranh Phat Dôih jêh ri mra dong khân may tâm ngih rƀŭn.

Markôs 13:12

Oh nâu mra tâm jao ndrăng nơm ăn bu ƀư nkhĭt; mbơ̆ mra jao kon; kon mra dâk tâm rdâng đah mê̆ mbơ̆ jêh ri ƀư ăn ma khân păng khĭt.

Markôs 13:9

Bi ma khân may, ăn khân may njrăng yorlah bu mra jao khân may ma phung kôranh phat dôih; bu mra dong khân may tâm lĕ ngih rƀŭn; jêh ri yor ma Gâp, khân may mra gŭ panăp phung kôranh n'gor jêh ri phung hađăch gay mbơh ma khân păng.

Luka 21:12

Ƀiălah lor ma lĕ nau nây tât geh, yorlah amoh Gâp bu mra yơr ti ƀư mhĭk, jao njŭn khân may ma ngih rƀŭn jêh ri ma ngih ndrung; bu mra njŭn khân may hăn tât tanăp măt phung hađăch jêh ri phung kôranh toyh.

Yôhan 3:27

Y-Yôhan plơ̆ lah: “Lah mâu di tă klơ trôk ăn, mâu geh du huê bunuyh dơi sŏk dơn du ntil ndơ ôh.

Kôranh Oh Mon 2:4

Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

Kôranh Oh Mon 3:13

Brah Ndu Y-Abraham, Brah Ndu Y-Isăk, jêh ri Brah Ndu Y-Yakôp, Brah Ndu phung chô yau he hŏ tâm rnê oh mon Păng jêng Brah Yêsu, Nơm khân may hŏ nhŭp jao jêh ri dun tanăp Pilat, tâm nôk păng ŭch yô̆ an ma Păng.

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Kôranh Oh Mon 6:10

Ƀiălah khân păng mâu dơi tâm rdâng ma nau blau mĭn jêh ri ma Brah Huêng Ueh jêng Nơm hŏ ăn ma păng lĕ nau ngơi nây,

Kôranh Oh Mon 6:15

Lĕ rngôch bunuyh gŭ ta phung Kôranh Phat Dôih gŭ uănh ma Y-Êtiên jêh ri saơ muh măt păng nâm bu măt tông mpăr.

Kôranh Oh Mon 7:55

Ƀiălah Y-Êtiên, bêng ma Brah Huêng Ueh, n'gơr uănh ta klơ trôk, saơ nau chrêk rmah Brah Ndu jêh ri Brah Yêsu gŭ dâk pa ma Brah Ndu.

I Kôrintô 2:13

Hên mbơh nau nây, mâu di ma lĕ nau ngơi nti tă bơh nau blau mĭn kon bunuyh ôh, ƀiălah luh tă bơh Brah Huêng Ueh ntăm nti, dŏng rplay ngơi tâm nau rêh huêng rblang lĕ nau ngăn tâm nau rêh huêng.

Êphêsô 3:5

jêng nau ê hŏ mâp tâm mpơl ma phung kon bunuyh tâm lĕ rngôch rô̆ ta lor, ƀiălah aƀaơ Brah Huêng Ueh dơi tâm mpơl ma phung kôranh oh mon kloh ueh jêh ri ma phung nơm mbơh lor Păng.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.