Markôs 10:38 - Nau Brah Ndu Ngơi 2023

³⁸ Ƀiălah Brah Yêsu lah: “Khân may mâu gĭt ôh moh nau khân may dăn. Khân may dơi nhêt kachok Gâp bơi nhêt, jêh ri dơi dơn nau ƀaptem Gâp dơn mâu lah mâu?”

Bunong Bible Latin Script Cambodian dialect

³⁸ Brah Yêsu ơh nau ntât lah: “Bar hê khân may nây mâu gĭt ôh moh ndơ dăn. Ndri khân may dơi sŏ dơn nhêt ndrănh play yŭng yar ƀon ta kchok i Gâp be dơi đŏng? Khân may dơi dơn đŏng nau ƀăptem i Gâp dơn lah mâu?”

Bunong

³⁸ ឞ្រាស​យេឆូ  ​អើស​នាវ​នតឹត​លាស៖ “ឞារ​ហៃ​ខាន់​មៃ​នៃ​មោ​គឹត​អោស​ម៝ស​នទើ​ទាន់។ នទ្រី​ខាន់​មៃ​ទើយ​ឆ៝ៈ​ទើន​ញេត​នទ្រាញ់​ព្លៃ​យុងយារ​ប៝ន​តា​កាច៝ក​អី​គ៝ប់​ឞែ​ទើយ​ដ៝ង់? ខាន់​មៃ​ទើយ​ទើន​ដ៝ង់​នាវ​បាប់តែម​អី​គ៝ប់​ទើន​លាស​មោ?”

Markôs 10:38 Iomraidhean Croise

I Phung Hađăch 2:22

Ƀiălah hađăch Salômôn plơ̆ lah ma mê̆: “Mâm ƀư mê̆ dăn ăn H'Abisak, bunuyh Sunamit, ma Y-Adônija? Mâm dĭng ay mâu dăn ƀon bri hađăch aơ ăn ma păng, yorlah păng jêng nâu gâp! Mâm dĭng ay mâu dăn ăn păng kôranh ƀư brah Y-Abiathar jêh ri Y-Jôap, phung kon bu klâu H'Sêruya ma păng!”

Nau Mprơ Ơm 75:8

Yorlah tâm ti Brah Yêhôva geh du mlâm kachok Bêng ma rlŭk ndrănh, mpŭnh mbuh, Păng kêt lơi kachok nây. Lĕ rngôch phung mhĭk gŭ ta neh ntu mra nhêt da dê, Mra nhêt suăt ndrănh nây kŏ tât djah.

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Mathay 26:39

Hăn ngai đê̆, Brah Yêsu kŭnh muh măt, jêh ri mbơh sơm “Ơ Mbơ̆! Tơlah dơi, dăn ăn kachok aơ du luh bơh Gâp! Nđâp lah pônây, mâu di tĭng nâm Gâp ŭch, ƀiălah tĭng nâm May ŭch.”

Mathay 3:6

Khân păng mbơh nau tih jêh ri păng ƀư ƀaptem ma khân păng tâm dak krong Yurdan.

Markôs 14:36

Păng ơh: “Aƀa, ơ Mbơ̆, lĕ rngôch nau Mbơ̆ dơi ƀư da dê. Dăn Mbơ̆ sŏk lơi kachok aơ bơh Gâp, ƀiălah mâu di tĭng nau Gâp ŭch ôh, ƀiălah tĭng nâm nau Mbơ̆ nơm ŭch.”

Luka 12:50

Geh nau ƀaptem gâp mra dơn, jêh ri Gâp geh nau nđêh nji âk ngăn kŏ tât nau nây dơi lôch jêh!

Luka 22:42

pô aơ: “Hơi Mbơ̆, tơlah Mbơ̆ ŭch, dăn sŏk lơi kachok aơ tă bơh Gâp! Nđâp lah pônây, dăn tĭng nâm nau May ŭch, mâu geh nau Gâp ŭch ôh.”

Yôhan 18:11

Ƀiălah Brah Yêsu lah ma Y-Pêtrôs: “Ntrŭp lơi đao may tâm ndrop! Gâp mâu mra nhêt hĕ ngan Mbơ̆ hŏ ăn Gâp nhêt?”

Samƀŭt Pôl Njuăl Ăn Ma Phung Nsing Ta Ƀon Rôm 8:26

Tâm ban lĕ, Brah Huêng Ueh kơl nau rdja he, yorlah he mâu gĭt moh nau di he dăn dôl mbơh sơm, ƀiălah Brah Huêng Ueh nơm mbơh sơm kơl an ma he ma nau rđêng mâu dơi rblang tâm nau ngơi gay kơl mbơh sơm ma phung he.

Yakơ 4:3

Khân may mbơh sơm dăn ƀiălah mâu sŏk dơn ôh, yorlah khân may dăn mbơh sơm đah nau mĭn mhĭk, gay ŭch dŏng ma nglay săk khân may nơm ŭch.