Malachi 4:4 - Nau Brah Ndu Ngơi 2023

⁴ “Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Malachi 4:4 Iomraidhean Croise

Êsai 42:21

Brah Yêhôva maak yor nau sŏng srăng Păng, Ƀư ăn bu yơk jêh ri ƀư chrêk rmah nau vay Păng.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Samƀŭt Pôl Njuăl Ăn Ma Phung Nsing Ta Ƀon Rôm 3:31

Pôri, he yor nau chroh he mƀăr lơi nau vay lĕ? Mâu mâp tâm ban pônây! Ƀiălah, he ƀư ăn nâp ngăn ngên nau vay.

Nau Vay Nkah Tay 4:10

Kah gĭt hom ta nar khân may dâk tanăp Yêhôva Brah Ndu ta yôk Hôrep lah Brah Yêhôva lah ma gâp: ‘Rgum hom phung ƀon lan. Gâp mra ăn khân păng iăt nau Gâp ngơi gay dôl khân may hôm rêh ta neh ntu, khân păng nti klach yơk ma Gâp jêh ri dơi ntĭm nti tay nau nây ma phung kon khân păng.’

Nau Vay Nkah Tay 4:23

Njrăng hom lơi ta chuêl nau tâm rnglăp Yêhôva Brah Ndu khân may hŏ ƀư jêh đah khân may. Lơi ƀư ma khân may nơm du rup trah moh ntil mpa Yêhôva Brah Ndu hŏ buay jêh ma khân may.

Nau Vay Nkah Tay 5:2

Yêhôva Brah Ndu he hŏ ƀư jêh du nau tâm rnglăp đah he ta Yôk Hôrep.

Nau Vay Nkah Tay 8:11

Njrăng hom klach lah khân may chuêl Yêhôva Brah Ndu, mâu djôt prăp nau vay Păng ntăm, nau vay Păng ƀư jêh ri nau vay Păng dăp, ri dĭng nar aơ gâp ntăm ma khân may.

Nau Vay Nkah Tay 8:19

Tơlah khân may chuêl hêng Yêhôva Brah Ndu khân may jêh ri kơt tĭng lĕ brah êng, pah kan jêh ri yơk mbah ma khân păng, pôri nar aơ gâp mbơh ma khân may pô aơ n'hêl nanê̆ khân may mra rai lôch.