Malachi 4:1 - Nau Brah Ndu Ngơi 2023

¹ Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Malachi 4:1 Iomraidhean Croise

Ndrom Samƀŭt bơh Yôp 18:16

Tâm dâng reh păng kro, Ta klơ n'gĭng păng lĕ klêu jêh.

Nau Mprơ Ơm 119:119

May mƀăr lơi lĕ rngôch phung ƀai bơh neh ntu nâm bu ndŏk; Yor ri, gâp rŏng ma lĕ nau May ntĭnh.

Nau Mprơ Ơm 37:9

Yorlah phung mhĭk mra geh nau rai yot, Ƀiălah mbu nơm kâp gân Brah Yêhôva mra geh neh ƀư drăp ndơn.

Nau Ngluh Êjipt 15:7

Ma nau rnam dŭt prêh ngăn, May dơi lơh phung rlăng. May mpơl nau ji nuih, Su khân păng nâm bu ŭnh sa rhe.

Êsai 40:24

Khân păng mhe bu tăm, mhe bu srih, Tơm si mhe chăt reh tâm neh, Brah Yêhôva khôm n'hâm ta khân păng, jêh ri khân păng kro klêu ro; Aơ, trôm sial vănh blông khôm rdu khân păng tâm ban ma rhe.

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Êsai 47:14

Aơ, khân păng mra plơ̆ jêng tâm ban ma rhe, Ŭnh sa; Khân păng mâu dơi tâm rklaih khân păng nơm ôh Bơh nau brah mpiăt ŭnh; Ŭnh aơ mâu jêng ôh tâm ban ma ônh rnga bu njâr, Mâu lah gŭ pĭt ŭnh.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Êsêkiêl 20:38

Gâp mra mprơh du bơh khân may lĕ rngôch phung vay tâm rdâng jêh ri phung hao tâm rdâng đah Gâp. Gâp mra njŭn khân păng du luh tă bơh bri ntŭk khân păng gŭ njưh ƀât lât ƀiălah khân păng mâu mra dơi lăp tâm bri Israel ôh. Tâm ban pônây, khân may mra gĭt Gâp jêng Brah Yêhôva.

Êsêkiêl 21:32

Rai yot, rai yot, rai yot! Gâp mra ƀư nau nây. Nau nây mâu mra geh kŏ tât ndah jŏ Nơm khư dơi phat dôih tât pôri Gâp mra ăn ma păng.’

Êsêkiêl 24:11

Jêh nây, dơ glah dơm ta klơ ŭnh rnga, Kŏ tât glah nây păng dŭm jêh ri ŭnh sa Gây nau ƀơ̆ ƀơch tâm trôm păng lêk lĕ, jêh ri ek găm păng rai lĕ.

Êsêkiêl 34:17

Kôranh Brah Yêhôva lah: ‘Bi ma may jêng phung ndrăng biăp Gâp, aơ, Gâp mra phat dôih ndrăng phung biăp jêh ri phung biăp, nkuăng ma be nkuăng.

Êsêkiêl 7:10

Aơ, nar nây! Păng tât jêh! Mrô nal lĕ dăp nal jêh, mâng jra hŏ luh kao jêh, nau sưr lĕ chăt nse jêh.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Apdia 1:18

Ngih Yakôb mra jêng ŭnh Jêh ri ngih Yôsep mra jêng mpiăt ŭnh; Ngih Êsau mra jêng mbŭch rhe Khân păng mra su jêh ri ŭnh sa. Ngih Êsau mâu hôm geh nơm mra rêh” Yorlah Brah Yêhôva hŏ lah jêh nau nây.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Sôphôni 1:14

“Nar toyh bơh Brah Yêhôva lĕ dăch tât jêh, Dăch ngăn jêh, păng tât gơnh ngăn ro. Geh bâr nter lah rêh ni ngăn tâm nar Brah Yêhôva, Nôk nây phung janh mra nter nhĭm tâm ban lĕ.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sakari 14:1

Aơ, nar Brah Yêhôva dăch tât, nôk bu mra tâm pă lĕ rngôch ndơ pit sŏk bơh may ta nklang may.

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Malachi 3:2

Ƀiălah mbu nơm dơi dơn nar Păng văch? Mbu nơm dơi dâk lah păng tâm mpơl? Yorlah Păng jêng nâm bu ŭnh bunuyh blau krĕt prăk, nâm bu buh bunuyh blau ƀư kloh bok.

Malachi 3:3

Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Luka 19:43

Yorlah mra geh nar, phung rlăng mra bât pôih, nchueng jŭm jêh ri rêt nâp puăn mpeh ma may.

Luka 21:20

Ƀiălah tơlah khân may saơ phung tahan gŭ jŭm ƀon Yêrusalem, ăn khân may gĭt nau ƀư rai păng dăch jêh.

Luka 6:23

Tâm nar nây, khân may răm maak mpât rhơn hom, yorlah ri, nau nkhôm ma khân may ta klơ trôk jêng toyh ngăn; yorlah chô yau khân păng tă ƀư jêh ma phung nơm mbơh lor kơt nây.

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.