Malachi 3:4 - Nau Brah Ndu Ngơi 2023

⁴ Nôk nây, Brah Yêhôva mra dơi dơn ndơ ƀư brah bơh phung Yuđa jêh ri phung ƀon lan Yêrusalem nâm bu tâm nar kăl e, jêh ri nâm bu rnôk ntơm saơm.

Malachi 3:4 Iomraidhean Croise

I Nau Rêh Jêng 15:26

Brah Ndu kơl jêh phung Lêvi tung Hip Nau Tâm Rnglăp Brah Yêhôva, khân păng nhhơr pơh mlâm ndrôk nkuăng jêh ri pơh mlâm biăp nkuăng ƀư mpa ƀư brah.

I Nau Rêh Jêng 21:26

Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

II Nau Rêh Jêng 1:6

Y-Salômôn hao tât ta klơ nơng ƀư brah ma kông, n'gân panăp Brah Yêhôva tâm Ngih Bok Nau Tâm Rƀŭn, jêh ri păng nhhơr du rbăn ndơ ƀư brah gŭch ta klơ nơng ƀư brah nây.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 51:19

Aƀaơ aơ, May mra maak lĕ ndơ ƀư brah sŏng srăng, Ndrel lĕ rngôch ndơ ƀư brah gŭch jêh ri mpa ƀư brah. Jêh nây bu mra nhhơr ndrôk nkuăng ta nơng ƀư brah May.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”