Malachi 3:3 - Nau Brah Ndu Ngơi 2023

³ Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Malachi 3:3 Iomraidhean Croise

Nau Mprơ Ơm 116:17

Gâp mra nhhơr ma May ndơ nhhơr tâm rnê May. Jêh ri gâp mra kuăl mbơh sơm ma amoh Brah Yêhôva.

Nau Mprơ Ơm 4:5

Nhhơr hom nau sŏng srăng ƀư jêng ndơ ƀư brah, Jêh ri rnơm nsing ma Brah Yêhôva.

Nau Mprơ Ơm 4:6

Âk bunuyh lah: “Mbu nơm mra ăn ma hên saơ nau ueh maak?” Ơ Brah Yêhôva, dăn nau ang muh măt May sol ta hên!

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Mprơ Ơm 51:19

Aƀaơ aơ, May mra maak lĕ ndơ ƀư brah sŏng srăng, Ndrel lĕ rngôch ndơ ƀư brah gŭch jêh ri mpa ƀư brah. Jêh nây bu mra nhhơr ndrôk nkuăng ta nơng ƀư brah May.

Nau Mprơ Ơm 66:10

Yorlah Brah Ndu ah, May rlong uănh jêh hên, May krĕt hên tâm ban ma krĕt prăk.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Nau Hôr 25:4

Sŏk hom mƀum luh bơh prăk, Ri mơ kôranh chiăr prăk dơi geh ndơ dŏng;

Êsai 1:25

Gâp mra yơr ti tâm rdâng tay đah may, Ƀư ăn may kloh lĕ ndŏk nâm bu ƀư kloh mah, Jêh ri sŏk lơi lĕ ndruyh ndrak bơh may.

Êsai 48:10

Aơ, Gâp ƀư kloh jêh khân may, ƀiălah mâu geh tâm ban ma ƀư kloh prăk ôh; Gâp rlong uănh jêh khân may tâm năk ŭnh nau rêh ni.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yêrêmi 9:7

Yor nây, Brah Yêhôva ma phung tahan: “Aơ Gâp mra kret trih jêh ri rlong uănh khân păng Yorlah Gâp mra ƀư êng đah kon bu ur ƀon lan Gâp?

Êsêkiêl 20:38

Gâp mra mprơh du bơh khân may lĕ rngôch phung vay tâm rdâng jêh ri phung hao tâm rdâng đah Gâp. Gâp mra njŭn khân păng du luh tă bơh bri ntŭk khân păng gŭ njưh ƀât lât ƀiălah khân păng mâu mra dơi lăp tâm bri Israel ôh. Tâm ban pônây, khân may mra gĭt Gâp jêng Brah Yêhôva.

Daniel 11:35

Ƀaƀă tâm phung gĭt mĭn mra tŭp gay yor ma nây dơi jut lơi nau ƀơ̆, ƀư kloh jêh ri tho nglang ăn rnôk nglĕ dŭt, yorlah hôm gŭ kâp kŏ tât mông tâm nal jêh.

Daniel 12:10

Âk bunuyh bu mra dơi ƀư kloh, jut nglang jêh ri ƀư rsang. Ƀiălah phung ƀai ăt mra thoi đŏng ƀư ƀai. Mâu geh phung ƀai mra gĭt rbăng ôh, ƀiălah phung njêh mra gĭt rbăng.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Kơp Bunuyh 8:6

“Prăp êng hom phung Lêvi bơh ta nklang phung Israel jêh ri ƀư nau rƀŭn ăn khân păng dơi kloh.

Luka 3:16

Yor ri, Y-Yôhan plơ̆ lah ma lĕ rngôch bunuyh: “Gâp ƀư ƀaptem ma khân may ma dak; ƀiălah geh Nơm geh nau dơi lơn ma gâp mra văch, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Philip 2:17

Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

II Timôthê 4:6

Yorlah ma gâp, dôl bu nkhŭt jêh tâm ban ƀư ndơ nhhơr nhêt, nar gâp khĭt dăch jêh.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 12:10

Yorlah mbơ̆ he tâm nglay săk păng nduyh nkra tĭng nau mĭn păng nơm ŭch knŏng ƀât lât, ƀiălah Brah Ndu nduyh nkra yor ma nau khlay ma he, gay ma he dơi geh du kô̆ tâm nau kloh ueh Păng.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”