Malachi 2:9 - Nau Brah Ndu Ngơi 2023

⁹ “Yor nây, Gâp ƀư ăn ma khân may plơ̆ jêng tâm rmot jêh ri bêk prêng tanăp măt lĕ rngôch bunuyh, yorlah khân may mâu djôt prăp ôh trong Gâp, ƀiălah khân may mpơl nau khân may gŭ du ding mpeh tâm nau vay.”

Malachi 2:9 Iomraidhean Croise

I Phung Hađăch 22:28

Y-Mika lah: “Tơlah hađăch plơ̆ sĭt đăp mpăn pôri Brah Yêhôva mâu lah ma bâr mbung gâp ôh.” Păng lah đŏng: “Lĕ rngôch bunuyh iăt hom lĕ nau gâp mhe lah!”

Ndrom Samƀŭt bơh Yôp 32:21

Gâp mâu ôh mra gŭ nding mpeh ma du huê. Mâu lĕ koh ma du huê bunuyh.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Êsêkiêl 13:21

Gâp mra khêk đŏng bok khân may jêh ri rklaih phung ƀon lan Gâp tă bơh ti khân may. Khân păng mâu mra gŭ tâm ti khân may tâm ban ndơ sa đŏng ôh. Rnôk nây, khân may mra gĭt Gâp jêng Brah Yêhôva.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Nahum 3:6

Gâp mra mƀăr lĕ ndơ ƀơ̆ ƀơch ta ay, Ƀư ma ay đah nau tâm rmot, Jêh ri ƀư ma ay jêng ndơ bu gơm mưch ma lĕ rngôch bunuyh.

Malachi 2:3

“Aơ, yor khân may, Gâp mra nduyh ma noi deh khân may, jêh ri mra srih ek ta muh măt khân may, nâm bu ntĭt ek mpa ƀư brah khân may nhhơr tâm ăp nau rƀŭn; bu mra mprơh khân may du ndrel ma ek nây.

Malachi 2:8

Ƀiălah khân may nkhơng ma teng tă bơh trong ngăn, dŏng nau ntrŭnh ƀư ma âk bunuyh chêh prah, jêh ri ƀư rai nau tâm rnglăp phung Lêvi.” Brah Yêhôva ma phung tahan lah kơt nây.

Luka 10:29

Ƀiălah păng ŭch mpơl păng nơm jêng sŏng srăng rĭ dĭng lah ma Brah Yêsu: “Mbu jêng bunuyh chiau meng gâp?”

Luka 11:42

Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

Galati 2:6

Bi ma phung dơi uănh jêng yơk (kăl e ri khân păng jêng mbu nơm kđôi lĕ, mâu đŏng geh nau tât ma gâp ôh; Brah Ndu mâu gŭ du ding ôh) ri mơ khân păng mâu đŏng ăn ntop ndơ ma gâp.

Nau Vay Nkah Tay 1:17

Lơi ôh gŭ nding tâm nau phat dôih: gŭ iăt hom nau nơm jê̆ tâm ban nơm toyh đŏng. Lơi klach ôh ma muh măt bunuyh, yorlah nau phat dôih jêng kan Brah Ndu. Nkhêp mâp ma nau dôih jêr ir ma khân may, ăn khân may mbơh ma gâp, gâp mra iăt nau nây.’

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.