Malachi 2:1 - Nau Brah Ndu Ngơi 2023

¹ “Aƀaơ ri, hơi phung kôranh ƀư brah, aơ jêng nau ntăm ma khân may.

Malachi 2:1 Iomraidhean Croise

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Nau Nhĭm Vơl 4:13

Ma yor nau tih phung Nơm mbơh lor, Yorlah nau mhĭk phung kôranh ƀư brah, Jêng phung hŏ ƀư pling jêh mham bunuyh sŏng srăng Ta nklang ƀon.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.