Malachi 1:6 - Nau Brah Ndu Ngơi 2023

⁶ Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 1:6 Iomraidhean Croise

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Ngluh Êjipt 20:12

Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Nau Hôr 17:6

Đon hađăch ma phung bu ranh, nây jêng phung kon sau, Bi nau mƀrơn phung kon sau, nây jêng phung chô yau.

Nau Hôr 30:11

Geh ntil bunuyh rak rtăp mbơ̆ păng nơm Mâu lĕ ăn nau ueh uĭn ma mê̆ păng nơm.

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Êsai 45:10

Rêh ni ngăn ma nơm lah ma mbơ̆ păng: “Moh ndơ may deh?” Mâu lah ma me păng: “Ndơ ƀư ay ji deh?”

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 23:11

Brah Yêhôva lah: “Nơm mbơh lor nđâp kôranh ƀư brah mra rai da dê, Gâp saơ nau mhĭk khân păng tâm nklang ngih Gâp.

Yêrêmi 3:4

Mâu di hĕ ntơm bơh kăl e may hŏ kuăl Gâp: ‘Ơ Mbơ̆ gâp, May jêng mĭt jiăng gâp ntơm bơh nôk ndăm,

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 35:16

Phung kon sau Y-Jêhônadap, kon bu klâu Y-Rêkap, hŏ djôt prăp jêh nau phung chô yau khân păng ntăm, ƀiălah phung ƀon lan aơ mâu tông ôh nau Gâp.’

Êsêkiêl 22:26

Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Ndrom Samƀŭt bơh Ôsê 12:8

Jêng bunuyh tăch drăp, păng djôt tâm ti păng njing nau ndơm, Păng rŏng tŭn jot.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Malachi 2:1

“Aƀaơ ri, hơi phung kôranh ƀư brah, aơ jêng nau ntăm ma khân may.

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Malachi 2:8

Ƀiălah khân may nkhơng ma teng tă bơh trong ngăn, dŏng nau ntrŭnh ƀư ma âk bunuyh chêh prah, jêh ri ƀư rai nau tâm rnglăp phung Lêvi.” Brah Yêhôva ma phung tahan lah kơt nây.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 15:4

Yorlah Brah Ndu hŏ ntĭm nti jêh: ‘Yơk hom ma mê̆ mbơ̆ khân may;’ jêh ri: ‘Mbu nơm rak rtăp mê̆ mbơ̆ păng nơm, bu mra nkhĭt lơi păng.’

Mathay 15:6

Pônây, yor ma nau vay dŏng khân may nơm, khân may chalơi jêh nau Brah Ndu ngơi.

Mathay 19:19

Yơk hom ma mê̆ mbơ̆ may jêh ri rŏng hom ma phung chiau meng nâm bu săk jăn may nơm.”

Mathay 6:9

Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.

Mathay 7:21

“Mâu di ôh mbu nơm lah ma Gâp: ‘Ơ Kôranh Brah, ơ Kôranh Brah’, mra lăp tâm ƀon bri hađăch klơ trôk; ƀiălah knŏng mbu nơm ƀư tĭng nâm nau Mbơ̆ Gâp gŭ ta klơ trôk ŭch.

Markôs 10:19

Nanê̆ may lĕ gĭt jêh nau vay ntăm: ‘Lơi nkhĭt bunuyh; lơi ƀư tih nau văng tĭr; lơi ntŭng; lơi ngơi mƀruh; lơi ndơm; yơk hom ma mê̆ mbơ̆ may.’ ”

Markôs 7:10

Yorlah Y-Môis lah jêh: ‘Yơk hom ma mê̆ mbơ̆ khân may’ jêh ri, ‘Mbu nơm rak rtăp ma mê̆ mbơ̆ păng nơm, bu mra nkhĭt lơi păng’;

Luka 10:29

Ƀiălah păng ŭch mpơl păng nơm jêng sŏng srăng rĭ dĭng lah ma Brah Yêsu: “Mbu jêng bunuyh chiau meng gâp?”

Luka 18:20

Nanê̆ may gĭt jêh nau vay ntăm nây: ‘Lơi ƀư tih nau văng tĭr, lơi nkhĭt bunuyh, lơi ntŭng, lơi ngơi mƀruh, yơk hom ma mê̆ mbơ̆ may.’ ”

Luka 6:36

Yô̆ nđach hom tâm ban ma Mbơ̆ khân may yô̆ nđach.

Luka 6:46

Mâm ƀư khân may kuăl Gâp: ‘Kôranh Brah, Kôranh Brah!’ ƀiălah mâu ƀư tĭng nâm nau Gâp lah?

Êphêsô 6:2

“Yơk hom ma mbơ̆ mê̆ khân may” — nây jêng nau vay ntăm tal nguay, geh nau ton ndrel —

Nau Vay Nkah Tay 1:31

Tâm bri rdah, jêng ntŭk khân may saơ jêh Yêhôva Brah Ndu hŏ chông khân may nâm du huê mbơ̆ chông kon păng hăn rgăn ăp trong kŏ tât khân may lăp ta ntŭk aơ.’

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?

Nau Vay Nkah Tay 5:16

Yơk hom ma mê̆ mbơ̆ may, tĭng nâm Yêhôva Brah Ndu may hŏ ntĭm nti jêh, gay ma may dơi rêh jŏ năm jêh ri dơn nau ueh uĭn klơ neh Yêhôva Brah Ndu may hŏ ăn jêh ma may.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.