Malachi 1:4 - Nau Brah Ndu Ngơi 2023

⁴ Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”

Malachi 1:4 Iomraidhean Croise

Ndrom Samƀŭt bơh Yôp 12:14

Păng ƀư rai, mâu geh ôh nơm dơi ndâk tay; Păng krŭng, mâu geh ôh nơm dơi klaih.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 127:1

Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

Nau Mprơ Ơm 137:7

Ơ Brah Yêhôva, ăn May kah gĭt ma lĕ nau phung kon sau bri Êđôm hŏ ƀư jêh; Tâm nar bu sŏk jêh ƀon Yêrusalem, Khân păng lah: “Ƀư rai hom! Ƀư rai hom! Ƀư lâng kŏ tât ta mbon păng!”

Nau Mprơ Ơm 33:10

Brah Yêhôva ƀư rai nau lĕ bri dak ŭch ƀư mhĭk, Păng ƀư rai nau ŭch phung ƀon lan.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 11:14

Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 34:10

Măng nâm nar păng mâu mra nhhât ôh, Nhhŭk ŭnh n'ho ro. Neh khân păng mra jêng rngot njăp bơh rnôk aơ tât rnôk ri; N'ho ro mâu geh bunuyh rgăn ta nây ôh.

Êsai 34:5

Yorlah đao Gâp gŭ tâm trôk hŏ nhêt mpay jêh; Aơ, păng mra jŭr ŭch phat dôih bri Êđôm, Ma phung ƀon lan Gâp hŏ jao ma nau rai lôch gay phat dôih.

Yêrêmi 31:17

Brah Yêhôva lah: “Mra geh nau kâp gân ăn ma may kăndơ̆, Phung kon sau may mra plơ̆ sĭt rlet ma bri khân păng nơm.

Yêrêmi 49:20

Pônây iăt hom nau Brah Yêhôva ŭch ƀư hŏ nkra gay phat dôih ma Êđôm jêh ri nau Păng ŭch mĭn hŏ ndâk gay phat dôih ma phung gŭ tâm ƀon Têman: Nđâp ma mpô mpa jê̆ lê̆ tâm phung biăp bu mra têk leo jêh ri ntŭk ndrêch gơ̆ khân păng jêng rngot njăp klach ngăn.

Yêrêmi 49:7

Brah Yêhôva ma phung tahan lah ma Êđôm kơt aơ: “Ah tâm ƀon Têman mâu hôm geh hĕ nau blau mĭn. Phung blau kơl nkah mâu hôm geh nau gĭt rbăng hĕ? Nau gĭt mĭn khân păng hŏ roh jêh mâu?

Yêrêmi 49:8

Hơi ƀon lan gŭ ta ƀon Dêdan, Ndôn kơi hom nchuăt du pôn, krap tâm ntu jru! Yorlah Gâp mra ƀư ăn ma păng nau mhĭk Êsau, Tâm rnôk Gâp tâm rmal ma păng.

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Nau Nhĭm Vơl 3:37

Mbu ntrŭnh ăn nau nây tât ngăn, Tơlah mâu di Kôranh Brah hŏ ntĭnh jêh?

Êsêkiêl 11:10

Khân may mra cha lôt yor ma đao; Gâp mra tâm rmal khân may ta n'har bri Israel, jêh ri khân may mra gĭt Gâp jêng Brah Yêhôva.

Êsêkiêl 25:13

‘Gâp mra yơr ti tâm rdâng đah bri Êđôm, mra ƀư rai lơi bunuyh jêh ri mpô mpa gŭ tâm nây; Gâp mra ƀư ma ƀon nây jêng rngol; ntơm bơh Têman tât ma Dêdan, khân păng mra chôt khĭt yor ma đao.

Êsêkiêl 25:14

Gâp mra dŏng ti phung ƀon lan Israel gay plơng har ma Êđôm jêh ri khân păng mra ƀư ma phung ƀon lan Êđôm tĭng nâm nau ji nuih jêh ri nau Gâp nuih ngăn. Rnôk nây, khân păng mra gĭt mâm nau Gâp plơng har, Kôranh Brah Yêhôva lah pônây.’”

Êsêkiêl 26:14

Gâp mra njêng may jêng lŭ chrêk; may mra jêng du ntŭk bu ih nhuăl jêh ri mâu hôm rdâk njêng đŏng ôh, yorlah Gâp jêng Brah Yêhôva hŏ lah jêh.’ Kôranh Brah Yêhôva lah pônây.”

Êsêkiêl 35:4

Gâp mra ƀư ăn đơ ƀon toyh may jêng bri rdah jêh ri may mra jêng rngol. Rnôk nây, may mra gĭt Gâp jêng Brah Yêhôva.

Êsêkiêl 35:9

Gâp mra ƀư ma may jêng rngol n'ho ro; lĕ rngôch ƀon toyh may mâu mra geh bunuyh gŭ ôh jêh ri khân may mra gĭt Gâp jêng Brah Yêhôva.

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Amôt 3:15

Rnôk nây, Gâp mra ƀư rai ngih yan puh jêh ri ngih yan ta vai; Lĕ ngih ƀư ma la rveh mra rai Jêh ri lĕ ngih toyh mra rai tâm ban lĕ.” Brah Yêhôva lah.

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Amôt 6:11

Yorlah Brah Yêhôva ntrŭnh nau ntăm pô aơ: Ngih toyh mra mbang nchah lĕ rlâm jêh, Ngih jê̆ mra nchah rhên.

Amôt 6:2

Pôri rgăn hom ta ƀon Kalnê jêh ri uănh; Ntơm bơh nây hăn hom tât ta ƀon toyh Hamat Jêh ri hăn trŭnh tât ta ƀon Gat phung philistin. Lĕ ƀon toyh nây jêng ueh lơn ma phung ƀon bri hađăch aơ lĕ bơh? Bri neh khân păng jêng toyh lơn ma bri khân may lĕ ƀơh?

Apdia 1:1

Nau Y-Apdia tâm saơ. Kôranh Brah Yêhôva lah ma bri Êđôm: He lĕ tăng nau mbơh tă bơh Brah Yêhôva Jêh ri bu prơh hăn du huê nơm mbơh tât ta nklang lĕ bri dak: “Dâk hom khân may! Dâk hom he tâm lơh đah păng!

Apdia 1:10

Yor nau djơh mhĭk may hŏ ƀư jêh ma oh nâu may Y-Yakôb Nau prêng mra nkŭm may jêh ri bu mra ƀư rai may ƀaƀơ n'ho ro!

Malachi 1:3

Ƀiălah Gâp lĕ rŏng Y-Yakôb jêh ri tâm rmot ma Y-Êsau. Gâp mra ƀư rai gôl yôk păng mra jêng rngol, jêh ri jao lơi drăp ndơn păng ăn ma phung so bri tâm bri rdah.”

Mathay 12:30

Mbu nơm mâu gŭ ndrel ma Gâp jêng tâm rdâng đah Gâp; mbu nơm mâu tâm rnglăp đah Gâp jêng chah rai pru pra.