Malachi 1:12 - Nau Brah Ndu Ngơi 2023

¹² Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Malachi 1:12 Iomraidhean Croise

II Samuel 12:14

Ƀiălah, yorlah ma nau aơ, hađăch njêng ma phung rlăng Brah Yêhôva ngơi sưr ma Păng, rĭ dĭng kon bu klâu deh jêh ma hađăch mra khĭt.”

Êsêkiêl 41:22

Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”

Êsêkiêl 44:16

Nây jêng phung mra lăp tâm ntŭk kloh ueh Gâp, văch dăch sưng Gâp gay pah kan ma Gâp jêh ri ƀư nau kan Gâp.

Ndrom Samƀŭt bơh Ôsê 13:9

Hơi Israel, bu mra ƀư rai yot may Yorlah may tâm rdâng ma Gâp, jêng Nơm kơl may.

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.

Amôt 2:7

Khân păng jot plên bôk phung ndĭt trơi tâm bŏk krăk, Jêh ri ƀư kue trong ma bunuyh dêh rhêt. Kon jêh ri mbơ̆ păng hăn bê̆ch nsum ma du huê bu ur. Jêh ri pônây ƀư ƀơ̆ kơt nĕ amoh kloh ueh Gâp.

Malachi 1:13

Khân may lah tay: “Ơ, nau ƀư aơ jâk jêr ngăn!” Jêh nây khân may mưch rmot păng. Brah Yêhôva ma phung tahan lah: “Khân may djôt leo mpô mpa ndơ ntŭng, kuet rvĕn jêh ri ndơ ji rôi ƀư ndơ ƀư brah nhhơr ăn ma Gâp. Gĭt lah Gâp dơn lĕ mâu ndơ nhhơr nây tă ti khân may?” Brah Yêhôva lah pônây.

Malachi 2:8

Ƀiălah khân may nkhơng ma teng tă bơh trong ngăn, dŏng nau ntrŭnh ƀư ma âk bunuyh chêh prah, jêh ri ƀư rai nau tâm rnglăp phung Lêvi.” Brah Yêhôva ma phung tahan lah kơt nây.

Samƀŭt Pôl Njuăl Ăn Ma Phung Nsing Ta Ƀon Rôm 2:24

Tâm ban geh nau nchih: “Yor khân may yơh phung bu năch ngơi mưch rmot ma amoh Brah Ndu.”