Luka 9:5 - Nau Brah Ndu Ngơi 2023

⁵ Moh ntŭk bu mâu vơt rom khân may, tơlah luh tă bơh ƀon nây, rtuh hom neh muy bơh jâng khân may tâm ban du nau mbơh tâm rdâng đah khân păng.”

Bunong Bible Latin Script Cambodian dialect

⁵ Lah ƀon i nây mâu ôh rom khân may, ăn lôh bơh ntŭk nây hŏm, jêh ri rtôh neh môi bơh jŏng khân may nơm, gay ma nhhơ lah ƀon i nây Kôranh Brah tê̆ dôih.”

Bunong

⁵ លាស​ប៝ន​អី​នៃ​មោ​អោស​រ៝ម​ខាន់​មៃ អ៝ន់​លោស​ឞើស​នតុក​នៃ​ហ៝ម់ ជេសរី​រាតោស​នែស​មោយ​ឞើស​ជ៝ង់​ខាន់​មៃ​នើម គៃ​មា​ញហើ​លាស​ប៝ន​អី​នៃ​កោរាញ​ឞ្រាស​តេៈ​ទោយ្ស”។

Luka 9:5 Iomraidhean Croise

Nêhêmi 5:13

Gâp ăt rtuh ntôr ao jâr gâp jêh ri lah: “Mbu mâu ƀư tĭng nau ton aơ, dăn ma Brah Ndu rtuh hom lĕ ngih jêh ri drăp ndơ păng. Pônây bu mra rtuh lơi păng jêh ri nsoih tâm ti păng tâm ban pônây!” Lĕ rngôch phung tâm rƀŭn lah: “Amen” jêh ri khân păng tâm rnê ma Brah Yêhôva. Pôri phung ƀon lan ƀư tĭng nâm nau ton nây da dê.

Mathay 10:18

Yorlah Gâp, bu mra njŭn khân may tanăp phung kôranh toyh chiă uănh jêh ri phung hađăch, gay mbơh ma khân păng jêh ri phung bu năch.

Markôs 6:11

Lah geh moh ntŭk bu mâu ŭch rom jêh ri mâu lĕ ŭch iăt khân may, pôri hăn hom tă bơh ntŭk nây, rtuh neh muy tă bơh jâng khân may tâm ban du nau mbơh tâm rdâng ma khân păng.”

Markôs 9:37

“Mbu nơm yor amoh Gâp rom du huê kon se jê̆ nâm bu pô aơ nâm bu ntĭt rom Gâp lĕ; mbu nơm rom Gâp, mâu di rom knŏng Gâp ôh, ƀiălah rom Nơm hŏ njuăl Gâp.”

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Luka 5:14

Brah Yêsu ntĭnh ma păng mâu dơi ăn nkoch ma bu jêh ri đă: “Hăn tâm mpơl hom ma kôranh ƀư brah jêh ri nhhơr ndơ ƀư brah ma nau may dơi kloh, tĭng nâm nau Y-Môis ntĭm nti jêh, tâm ban du nau mbơh ma lĕ rngôch bunuyh.”

Luka 9:4

Moh ngih khân may lăp, gŭ ta nây ma tât khân may hăn luh du.

Luka 9:48

jêh ri lah ma khân păng: “Mbu nơm rom kon se jê̆ aơ tâm amoh Gâp nâm bu ntĭt rom Gâp, bi mbu rom Gâp nâm bu ntĭt rom Nơm hŏ njuăl Gâp. Yorlah mbu nơm dŭt jê̆ tâm phung khân may jêng bunuyh dŭt toyh.”

Kôranh Oh Mon 13:51

Bar hê khân păng rtuh neh muy ta jâng khân păng gay dun khân păng, jêh ri hăn ta ƀon Ikôni.

Kôranh Oh Mon 18:6

Ƀiălah yorlah khân păng tâm rdâng jêh ri ngơi sưr rlau ma păng, păng rtuh bok ao păng jêh ri lah pô aơ: “Ăn mham khân may tŭp ta bôk khân may nơm! Bi gâp mâu geh nau tih. Ntơm bơh aƀaơ aơ, gâp mra hăn ta phung bu năch.”