Luka 9:11 - Nau Brah Ndu Ngơi 2023

¹¹ Lah phung ƀon lan dơi gĭt, ri mơ hăn tĭng Păng. Brah Yêsu vơt rom khân păng, mbơh nkoch ăn khân păng ma ƀon bri hađăch Brah Ndu, jêh ri ƀư bah ăn phung ŭch bah nau ji.

Bunong Bible Latin Script Cambodian dialect

¹¹ jêh ƀon lan lĕ gĭt, khân păng leo băl hăn tâng Brah Yêsu. Brah Yêsu rom khân păng i nây, jêh ri mbơh nkoch ăn khân păng iăt nau Kôranh Brah ŭch mât uănh bunuyh, ndrel ma jan ăn bah bunuyh geh nau ji kuet đŏng.

Bunong

¹¹ ជេស​ប៝ន​លាន​លែៈ​គឹត ខាន់​ពាង់​លែវ​ឞាល់​ហាន់​តឹង​ឞ្រាស​យេឆូ  ។ ឞ្រាស​យេឆូ  ​រ៝ម​ខាន់​ពាង់​អី​នៃ ជេសរី​មឞើស​ងក៝ច​អ៝ន់​ខាន់​ពាង់​អ្យាត់​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស នទ្រែល​មា​ជាន​អ៝ន់​ឞាស​ឞូនុយ្ស​គែស​នាវ​ជី​ក្វែត​ដ៝ង់។

Luka 9:11 Iomraidhean Croise

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Mathay 12:15

Ƀiălah Brah Yêsu gĭt nau nây, Păng du tă bơh nây. Geh âk bunuyh tĭng Păng, jêh ri Păng ƀư bah lĕ rngôch khân păng.

Mathay 14:14

Tơlah luh bơh plŭng, Brah Yêsu saơ bunuyh âk ngăn, Păng yô̆ nđach ma khân păng, jêh ri ƀư bah phung bunuyh ji kuet.

Mathay 21:31

Tâm phung bar hê aơ, mbu nơm ƀư tĭng nâm nau mbơ̆ păng ŭch?” Khân păng plơ̆ lah: “Nơm tal nguay.” Brah Yêsu lah ma khân păng pô aơ: “Nanê̆, Gâp lah ma khân may, phung riu pi jêh ri bu ur ka n'hong mra dơi lăp tâm ƀon bri hađăch Brah Ndu lor lơn ma khân may.

Mathay 21:43

Yor ri, Gâp lah ma khân may, ƀon bri hađăch Brah Ndu mra sŏk lơi tă bơh khân may jêh ri ăn ma ndŭl mpôl êng mra djôt kao play ma ƀon bri hađăch nây.

Luka 1:53

Păng hŏ ƀư jêh bunuyh ji ngot geh bêng ndơ sa kah, Jêh ri mprơh phung ndrŏng plơ̆ sĭt ti dơm.

Luka 5:31

Brah Yêsu plơ̆ lah: “Bunuyh ueh săk jăn mâu ŭch nai dak si ôh, ƀiălah bunuyh ji kuet.

Luka 8:1

Pakơi nây, Brah Yêsu hăn ntơm bơh ƀon aơ tât ta ƀon ri, ƀon jê̆ aơ tât ta ƀon jê̆ jê̆ êng, jêh ri mbơh nkoch Nau Mhe Mhan Ueh ma ƀon bri hađăch Brah Ndu. Jât ma bar kôranh oh mon hăn ndrel ma Păng.

Luka 8:10

Păng plơ̆ lah: “Khân may hŏ dơi ăn nau gĭt rbăng nau khlay ndâp ƀon bri hađăch Brah Ndu; ƀiălah ma phung êng ri mơ Gâp sŏk nau hôr gay lah ma khân păng Uănh ƀiălah mâu saơ ôh, Tăng ƀiălah mâu gĭt rbăng ôh.

Luka 9:10

Phung kôranh oh mon plơ̆ sĭt mbơh ma Brah Yêsu lĕ kan khân păng hŏ ƀư jêh. Păng leo phung kôranh oh mon hăn ntŭk êng, tât ƀon rnha jêng Ƀêtsaiđa.

Luka 9:12

Trôk dăch măng jêh, jât ma bar kôranh oh mon ngơi ma Păng: “Dăn ăn phung ƀon lan hăn sĭt gay khân păng hăn tât lĕ ƀon jê̆ jêh ri ƀon jê̆ lơn văr jŭm jêh ri joi ndơ sông sa, yorlah he dôl gŭ ta ntŭk jêng rngot njăp.”

Luka 9:2

Păng njuăl khân păng mbơh nkoch ma nau ƀon bri hađăch Brah Ndu jêh ri ƀư bah bunuyh ji.

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Kôranh Oh Mon 28:31

nti lah ma ƀon bri hađăch Brah Ndu, jêh ri nti ma Kôranh Brah jêng Brah Yêsu Krist ma nau kon me, mâu geh nơm buay păng.

Samƀŭt Pôl Njuăl Ăn Ma Phung Nsing Ta Ƀon Rôm 10:14

Ƀiălah khân păng ê chroh, mâm ƀư khân păng kuăl dăn? Khân păng ê mâp iăt nau bu nkoch ma Păng, mâm ƀư khân păng dơi chroh? Mâu geh bunuyh mbơh nkoch, mâm khân păng dơi iăt?

Samƀŭt Pôl Njuăl Ăn Ma Phung Nsing Ta Ƀon Rôm 10:17

Pôri, nau chroh luh bơh lĕ nau bu iăt, jêh ri bu tăng jêng nôk bu mbơh nkoch ma nau Brah Krist ngơi.

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.