Luka 8:13 - Nau Brah Ndu Ngơi 2023

¹³ Lĕ grăp tŭp ta klơ lŭ jêng phung iăt nau Brah Ndu ngơi ma nau maak sŏk dơn ro, ƀiălah mâu geh reh ôh, chroh nsing knŏng ƀât lât, rĭ dĭng nôk geh nau rlong uănh khân păng tŭp.

Bunong Bible Latin Script Cambodian dialect

¹³ Bunuyh aƀă jât tâm ban ma găr tŭp ta neh klêr, tât tăng nau Kôranh Brah, khân păng iăt răm maak ngăn, tih ma khân păng iăt du ndŏm dơm, mâu ôh ăn nau Kôranh Brah i nây hon reh jru ta nuih n'hâm khân păng, lah geh nau jêr nau ndơm, khân păng ntlơi nau nsing ro.

Bunong

¹³ ឞូនុយ្ស​អាបាៈ​ជឹត​តឹម​ឞាន​មា​គារ់​តុប​តា​នែស​ក្លេរ ត៝ត់​តាង់​នាវ​កោរាញ​ឞ្រាស ខាន់​ពាង់​អ្យាត់​រាម់​មអាក​ងាន់ តីស​មា​ខាន់​ពាង់​អ្យាត់​ទូ​នទ៝ម់​ទើម មោ​អោស​អ៝ន់​នាវ​កោរាញ​ឞ្រាស​អី​នៃ​ហ៝ន​រែស​ជ្រូ​តា​នូយ្ស​នហ៝ម់​ខាន់​ពាង់ លាស​គែស​នាវ​ជេរ​នាវ​នទើម ខាន់​ពាង់​នត្លើយ​នាវ​ញឆីង​រ៝។

Luka 8:13 Iomraidhean Croise

Ndrom Samƀŭt bơh Yôp 19:28

Tơlah khân may lah: ‘Mâm he mra hăn tĭng păng?’ Jêh ri: ‘Tơm nau mhĭk aơ luh tă păng nơm’;

Nau Hôr 12:12

Phung mhĭk hưp ma drăp ndơ geh tă bơh ndơ pit in, Ƀiălah tơm reh phung sŏng srăng mra geh kao play.

Nau Hôr 12:3

Kon bunuyh mâu jêng nâp ôh yor nau djơh mhĭk, Ƀiălah tơm reh ma phung sŏng srăng bu mâu geh n'gơ ôh.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Êsêkiêl 33:32

Aơ, khân păng uănh may nâm bu du huê nuyh blau mprơ, geh bâr ueh jêh ri blau kreh gong rêng; khân păng iăt nau may lah ƀiălah khân păng mâu tĭng ƀư ôh.

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Markôs 6:20

yorlah Hêrôt klach ma Y-Yôhan, gĭt jêh păng jêng bunuyh sŏng srăng jêh ri bunuyh kloh ueh, rĭ dĭng king n'gang ma păng. Hađăch ŭch iăt Y-Yôhan ngơi, nđâp tơlah ăp tơ̆ jêh iăt nuih n'hâm hađăch vay rŭng răng.

Luka 8:12

Lĕ grăp tŭp rŏ trong jêng phung bunuyh hŏ tăng jêh nau chroh, ƀiălah pakơi phung brah mhĭk văch sŏk pit lơi nau chroh nây tă bơh nuih n'hâm khân păng, klach khân păng nsing jêh ri geh nau rklaih.

Luka 8:14

Lĕ grăp tŭp ta nklang pŭm lok jêng phung iăt, ƀiălah geh nau rvê, nau ndrŏng, nau maak bơh nau rêh aơ ƀư in nu rĭ dĭng mâu dơi văch ma toyh.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Yôhan 15:6

Lah mbu nơm mâu gŭ tâm Gâp, bu klŭp padih tâm ban ma n'gĭng krăk ƀâu jêh ri kro, bu dônh mƀăr tâm ŭnh, ăn ŭnh sa păng.

Yôhan 5:35

Y-Yôhan jêng ŭnh kađen mpoh hit ang, bi khân may ŭch geh nau maak ƀât lât tâm nau ang păng.

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 15:2

Yor ma Nau Mhe Mhan Ueh nây, khân may geh nau klaih, tơlah khân may djôt prăp nau gâp mbơh nkoch; tơlah mâu di pônây, nau khân may chroh jêng dơm dam.

Galati 3:1

Hơi phung Galati rluk mâl! Mbu moh nkơnh khân may jêng phung bunuyh, rup Brah Yêsu Krist bu pâng kđĭn ta klơ si tâm rkăng dơi tâm mpơl tanăp măt?

Galati 3:4

Khân may dơn âk ngăn nau rêh ni gay geh nau dơm dam hĕ? Tơlah kơt nây jêng mâu khlay!

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 2:7

sŏr hom reh, rdâk mbon tâm Păng; ktang hom tâm nau chroh tâm ban bu ntĭm nti ma khân may, jêh ri lơ hô ntop âk nau tâm rnê lah ueh.

I Têsalônik 3:5

Yor ri, mâu dơi ôh kâp jŏ ir, gâp njuăl Y-Timôthê hăn gay ma gĭt nau khân may chroh, klach lah nơm ndơm hŏ ndơm jêh khân may, jêh ri nau kan hŏt hên jêng dơm dam.

I Timôthê 1:19

djôt nâp nau chroh jêh ri nuih n'hâm kloh ueh. Geh ƀaƀă dun chalơi jêh nuih n'hâm sŏng nây jêh ri ƀư rai nau chroh,

ហេឞ្រើ 10:39

Ƀiălah he mâu di jêng phung plơ̆ rŭch hăn tâm nau roh rai ôh, ƀiălah jêng phung bunuyh djôt prăp nau chroh gay ma huêng geh nau tâm rklaih.

Yakơ 2:26

Săk jăn mâu geh huêng mra khĭt, nau chroh mâu geh kan mra khĭt tâm ban pônây lĕ.

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.

II Pêtrôs 2:22

Nau tât jêh ma khân păng di đah nau ngơi hôr: “So ler tay ndơ păng hŏ hok jêh” jêh ri “Sŭr hŏ nđŭm jêh, plơ̆ pung tâm nung dak bŏk.”

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

Yuđas 1:12

Phung bunuyh nây jêng ndơ ƀơ̆ tâm nau nhêt sa rŏng khân may; khân păng ăt janh nhêt sa blă blơ nhŭl ndrănh ndrăng khân păng, jêh ri knŏng gĭt rvê ma khân may nơm. Khân păng jêng ndâr tŭk mâu geh dak, sial khôm rdu; khân păng jêng lĕ tơm si mâu geh play lôch yan, bar tơ̆ khĭt, đôk tŏk lŏk reh.