Luka 6:8 - Nau Brah Ndu Ngơi 2023

⁸ Brah Yêsu gĭt nau mĭn khân păng jêh ri lah ma bunuyh siăr ti pô aơ: “Dâk hom ta nklang aơ.” Păng dâk jêh ri văch tât ta nây.

Bunong Bible Latin Script Cambodian dialect

⁸ Yơn lah Brah Yêsu gĭt nuih n'hâm nau mân khân păng, jêh ri Păng lah ma bunuyh siăr ti nây: “Hơi oh, may dâk hăn ta nklang bu to!” Bunuyh siăr ti i nây dâk ro.

Bunong

⁸ យើន​លាស​ឞ្រាស​យេឆូ  ​គឹត​នូយ្ស​នហ៝ម់​នាវ​មឹន​ខាន់​ពាង់ ជេសរី​ពាង់​លាស​មា​ឞូនុយ្ស​ឆ្យារ់​តី​នៃ៖ “ហើយ​អ៝ស មៃ​ទ៝ក់​ហាន់​តា​ងក្លាង​ឞូ​ត៝!” ឞូនុយ្ស​ឆ្យារ់​តី​អី​នៃ​ទ៝ក់​រ៝។

Luka 6:8 Iomraidhean Croise

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Ndrom Samƀŭt bơh Yôp 42:2

“Gâp gĭt jêh Kôranh Brah dơi ƀư lĕ ntil nau, Bu mâu dơi buay nau May ŭch ƀư.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Mathay 9:4

Brah Yêsu hŏ gĭt jêh nau mĭn khân păng, Păng lah: “Mâm ƀư khân may geh nau mĭn mhĭk tâm nuih n'hâm kơt nây?

Markôs 3:3

Păng lah ma bunuyh siăr ti: “Dâk hom ta nklang aơ!”

Luka 13:12

Tơlah saơ bu ur nây, Brah Yêsu kuăl jêh ri lah: “Hơi bu ur, ay dơi rklaih bơh nau ji kuet ay jêh.”

Luka 5:22

Ƀiălah Brah Yêsu gĭt jêh nau mĭn khân păng, jêh ri lah pô aơ: “Mâm ƀư khân may mĭn êng tâm nuih n'hâm tâm ban pônây?

Luka 6:9

Brah Yêsu lah ma khân păng: “Gâp ôp ma khân may: Tâm nar saƀat, dơi vay ƀư nau ueh mâu lah nau mhĭk, rklaih bunuyh mâu lah nkhĭt bunuyh?”

Yôhan 2:25

Păng mâu hôm ŭch bu mbơh nkoch ôh ma Păng, yorlah Păng hŏ gĭt rah vah lĕ nau tâm nuih n'hâm bunuyh.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Kôranh Oh Mon 26:26

Yorlah hađăch gĭt nanê̆ jêh lĕ nau aơ, rĭ dĭng gâp janh ngơi; yorlah gâp mĭn n'hêl nanê̆ păng gĭt jêh lĕ rngôch nau, yorlah lĕ nau aơ mâu ƀư ma nau ndâp ôh.

Philip 1:28

jêh ri mâu klach du ntil ndơ tă bơh phung rlăng. Nây jêng nau mbơh gay saơ khân păng mra geh nau rai yot, bi khân may geh nau tâm rklaih; jêh ri nau nây luh bơh Brah Ndu.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

I Pêtrôs 4:1

Pôri, yorlah Brah Krist hŏ dơn jêh nau rêh ni tâm nglay săk, pôri khân may sŏk đŏng hom nau mĭn nây ƀư ndơ tâm lơ; yorlah mbu nơm dơn jêh nau rêh ni tâm nglay săk, păng mâu hôm ŭch ƀư nau tih,

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.