Luka 6:38 - Nau Brah Ndu Ngơi 2023

³⁸ Ăn hom, khân may mra dơi ăn tay; bu mra sŏk thŭng toyh veh bêng, mpet jŭr, rgu kŏ tât nôk bêng ler, jêh nây nkhŭt tâm ntôr ao khân may; yorlah mâm nau khân may veh ma bu, pôri khân may mra dơn tay veh kơt nây.”

Bunong Bible Latin Script Cambodian dialect

³⁸ Ăn ndơ ma bu, jêh ri Kôranh Brah ăn ndơ ma khân ay may, Păng sŏl nsruh, jêh ri tê̆ bêng rmeh ma khân ay may đŏng, yorlah dah ŏk khân ay may ăn ma bu, Kôranh Brah ăn kơt nây đŏng.”

Bunong

³⁸ អ៝ន់​នទើ​មា​ឞូ ជេសរី​កោរាញ​ឞ្រាស​អ៝ន់​នទើ​មា​ខាន់​អៃ​មៃ ពាង់​ឆ៝ល់​ញឆ្រោស ជេសរី​តេៈ​ឞេង​រាមែស​មា​ខាន់​អៃ​មៃ​ដ៝ង់ យ៝រ​លាស​ទាស​អ៝ក់​ខាន់​អៃ​មៃ​អ៝ន់​មា​ឞូ កោរាញ​ឞ្រាស​អ៝ន់​កើត​នៃ​ដ៝ង់”។

Luka 6:38 Iomraidhean Croise

II Samuel 19:36

Oh mon may mra hăn ndrel may tât vah vang mpeh đah ri kơh krong Yurdan. Ƀiălah mâm ƀư hađăch ŭch nkhôm ăn gâp kơt nĕ?

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Ndrom Samƀŭt bơh Yôp 42:11

Lĕ rngôch oh nâu, oh nur jêh ri lĕ rngôch phung tâm bên đah Y-Yôp ntơm bơh saơm văch khâl da dê jêh ri sông sa ndrel ma păng tâm trôm ngih. Khân păng tâm mpơl nau yô̆ ma păng jêh ri bonh leng păng yor lĕ rngôch nau mhĭk Brah Yêhôva hŏ ăn jêh ma păng. Ăp nơm khân păng ăn da dê ma păng du glo prăk jêh ri du mlâm rgên mah.

Nau Mprơ Ơm 79:12

Ơ Kôranh Brah, dăn mplơ̆ lơi ro ma lĕ bri dak văr jŭm hên bar âk lơn tơ̆ pơh. Ma nau khân păng ƀư mhĭk jêh ma May.

Nau Ngluh Êjipt 21:24

sŏk măt ntrok măt, sŏk sêk ntrok sêk, sŏk ti ntrok ti, sŏk jâng ntrok jâng,

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nau Hôr 22:9

Bunuyh geh nau blau yô̆ mra geh nau ueh uĭn, Yorlah păng tâm pă ndơ sông sa păng nơm ăn ma phung o ach.

Yêrêmi 32:18

May tâm mpơl nau yô̆ tât rbăn rô̆ nuyh, ƀiălah rmal nau tih phung mbơ̆ tât ma phung kon sau. Ơ! May jêng Brah Ndu dŭt toyh jêh ri Nơm geh nau brah, amoh May jêng Brah Yêhôva ma phung tahan.

Mathay 10:42

Mbu nơm ăn ma du huê tâm phung jê̆ aơ nhêt du kachok dak me, yorlah bunuyh nây jêng oh mon Gâp; nanê̆ Gâp lah ma khân may, bunuyh nây mâu mra roh nau nkhôm ma păng ôh.”

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Markôs 4:24

Brah Yêsu lah tay: “Sek uănh hom nau khân may tăng. Ndah khân may veh ma bu dah nây đŏng bu mra veh ma khân may, jêh ri bu mra dơi ntop ăn ma khân may đŏng

Luka 6:30

Mbu nơm dăn, ăn hom; mbu pit sŏk drăp ndơ khân may, lơi sŏk tay.

Nau Vay Nkah Tay 15:10

Ăn khân may geh nuih n'hâm kơl khân păng, lơi ta ƀư ôh nuih n'hâm jâk, yorlah bơh nau nây Yêhôva Brah Ndu khân may mra ăn nau ueh uĭn ma lĕ nau kan khân may pah jêh ri tâm lĕ rngôch nau ti khân may ƀư.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.