Luka 6:20 - Nau Brah Ndu Ngơi 2023

²⁰ Brah Yêsu n'gơr măt uănh ma phung oh mon jêh ri lah: “Ueh maak ngăn ma phung kon jêng phung bunuyh o ach, Yorlah ƀon bri hađăch Brah Ndu prăp ăn ma phung kon

Bunong Bible Latin Script Cambodian dialect

²⁰ Jêh ri Brah Yêsu uănh jât mpôl oh mon Păng, Păng lah: “Ueh maak ngăn ma khân ay may bunuyh kro o ach, Yorlah Kôranh Brah mât uănh khân ay may.

Bunong

²⁰ ជេសរី​ឞ្រាស​យេឆូ  ​អ្វាញ់​ជឹត​មពោល​អ៝ស​ម៝ន​ពាង់ ពាង់​លាស៖ “អ្វែស​មអាក​ងាន់​មា​ខាន់​អៃ​មៃ​ឞូនុយ្ស​ក្រ៝​អ៝​អាច‌ យ៝រ​លាស​កោរាញ​ឞ្រាស​ម៝ត់​អ្វាញ់​ខាន់​អៃ​មៃ។

Luka 6:20 Iomraidhean Croise

Nau Mprơ Ơm 37:16

Bunuyh sŏng srăng nđâp lah geh djê̆ drăp ndơ Rlau lơn ma nơm ndrŏng ƀư nau mhĭk.

Nau Hôr 16:19

Ueh lơn rêh dêh rhêt gŭ ndrel bunuyh o ach Rlau lơn ma nau tâm pă ndơ sŏk pit ndrel phung sưr.

Nau Hôr 19:1

Ueh lơn jêng bunuyh o ach gŭ ngao mơih rmên, Rlau lơn jêng bunuyh geh bâr mbung mƀruh, jêng bunuyh rluk.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Sakari 11:11

Pôri Păng ngroh lơi nau tâm rnglăp tâm nar nây ro, jêh ri phung biăp rêh ni ngăn tâm mpôl phung biăp tĭng ndô̆ Gâp gĭt pô aơ, nây jêng nau Brah Yêhôva ngơi.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 5:1

Dôl saơ phung ƀon lan âk, Brah Yêsu hăn hao yôk. Tơlah Păng gŭ, phung oh mon văch êp Păng.

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Luka 13:28

Nôk nây, khân may mra saơ Y-Abraham, Y-Isăk, Y-Yakôp jêh ri lĕ rngôch phung nơm mbơh lor gŭ tâm ƀon bri hađăch Brah Ndu da dê, ƀiălah khân may bu mra klŭp mƀăr luh padih jêng ntŭk geh nau nhĭm nhhiăng jêh ri nau rket sêk.

Luka 14:15

Du huê nuyh gŭ sông sa ndrel ma Brah Yêsu, jêh tăng nau ngơi nây, lah ma Păng: “Ueh maak yơh mbu nơm mra dơi sa piăng let tâm ƀon bri hađăch Brah Ndu!”

Luka 16:25

Ƀiălah Y-Abraham plơ̆ lah: ‘Hơi kon, kah gĭt tay hom dôl may gŭ rêh, may dơi dơn lĕ nau ueh jêh, bi Y-Lasar dơn âk nau djơh; aƀaơ aơ, păng geh nau bonh leng, bi may gŭ tâm nau rêh ni dŭt hâu ngăn.

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

II Kôrintô 8:2

Khân păng hŏ găn âk nau rêh ni, ƀiălah bêng nau răm maak. Tâm nau pưt kƀah o ach pôri nuih n'hâm khân păng lŏng ngăn lơ hô âk rmeh.

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

II Têsalônik 1:5

Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 2:9

‘Gâp gĭt năl nau rêh ni jêh ri nau o ach may, ƀiălah may jêng ndrŏng ngăn! Gâp gĭt lĕ nau nchơt bơh phung kơp êng săk khân păng nơm jêng phung Yuđa, ƀiălah nanê̆ mâu di, ƀiălah khân păng jêng phung ngih rƀŭn Satan.

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.